جارىستىڭ ءبىرىنشى كۇنىندە جەكەلەگەن جانە كوماندالىق ەسەپتىڭ بىرىنشىلىگىندە قىزۋ تارتىس باستالدى. اسكەري سپورتشىلار گراناتانى قاشىقتىققا لاقتىرۋدان سايىسقا ءتۇسىپ, اتۋ جاتتىعۋلارىن ورىندادى. جالپىاسكەري جاتتىعۋلار كەشەنىندە 400 مەتر قاشىقتىققا جۇگىرۋدەن كەدەرگىلەر جولاعىن وتكەردى.
سايىستىڭ قورىتىندىسى بويىنشا التىن مەدال – «باتىس» وڭىرلىك قولباسشىلىعىنا, كۇمىس جۇلدە – «شىعىس» وڭىرلىك قولباسشىلىعىنىڭ اسكەري قىزمەتشىلەرىنە تابىس ەتىلسە, ال قۇرلىق اسكەرلەرى اسكەري ينستيتۋتى ۇشتىكتىڭ قاتارىنان كورىندى.
جەكەلەگەن ەسەپتە قارۋلى كۇشتەر چەمپيونى اتاعى 3662 ۇپاي كورسەتكىشپەن ەفرەيتور نۇرجان سكەندىرگە بەرىلدى. ول سايىستا 600 گرامم سالماقتى گراناتانى 74 مەتر قاشىقتىققا لاقتىردى. بۇل چەمپيوناتتىڭ بارىسىنداعى رەكوردتىق كورسەتكىش بولدى. سونداي-اق جارىسقا قاتىسۋشى باسقا توعىز اسكەري قىزمەتشىمەن بىرگە «اسكەري سپورتتىق ءۇشسايىستىڭ شەبەرى» بويىنشا نورماتيۆ ورىندادى.
بۇل جارىستاردى وتكىزۋدىڭ نەگىزگى ماقساتى - اسكەري قىزمەتتىڭ ەرەكشەلىگىن ەسكەرە وتىرىپ, جەڭىسكە دەگەن ۇمتىلىس پەن جوعارى ناتيجەگە قول جەتكىزۋ سىندى ماڭىزدى قاسيەتتەردى دامىتۋ, اسكەري قىزمەتشىلەردىڭ دەنە دايارلىعىن جەتىلدىرۋ.
ماڭعىستاۋ وبلىسى
