الەم • 26 قىركۇيەك، 2019

مەملەكەت باسشىسىنىڭ اقش-قا ساپارى الەم نازارىندا

82 رەتكورسەتىلدى

مەملەكەت باسشىسى قاسىم-جومارت توقاەۆ اقش-قا مەملەكەتتىك ساپارى بارىسىندا بىرىككەن ۇلتتار ۇيىمىنىڭ 74-سەسسياسىنا قاتىستى. ىرگەلى ۇيىمنىڭ بۇل جولعى جيىنى «كەدەيلىكتى جويۋ، ساپالى ءبىلىم بەرۋدى جانە كليماتتى ساقتاۋ ءىس-قيمىلدارى مەن جان-جاقتى تاسىلدەردى ىلگەرىلەتۋ ءۇشىن كوپجاقتى كۇش-جىگەردى شوعىرلاندىرۋ» تاقىرىبىنا ارنالعان بولاتىن. وسى ورايدا، مەملەكەت باسشىسى بەدەلدى مىنبەردە ءسوز سويلەپ، بىرقاتار ماڭىزدى ماسەلەلەرگە حالىقارالىق قوعامداستىق نازارىن اۋداردى. ايتا كەتەرلىگى، بۇل – ق.توقاەۆتىڭ پرەزيدەنت رەتىندە قاتىسقان بۇۇ-نىڭ العاشقى جيىنى. وسى ءبىر ەرەكشە وقيعا الەمدىك بۇقارالىق اقپارات قۇرالدارى نازارىنان تىس قالعان جوق. سينحۋا، Bloomberg سەكىلدى الپاۋىت اگەنتتىكتەر مەن the Hill، Agenparl سەكىلدى باسىلىمدار مەملەكەت باسشىسىنىڭ ساپارىنا كەڭىنەن توقتالدى.

ۇلتتىق بىرەگەيلىكتىڭ اجىراماس بولىگى

1

قازاقستان يادرولىق قا­رۋدان ءوز ەركىمەن باس تارت­قان ەل رەتىندە بۇۇ-نىڭ باس اسسامبلەياسىندا حالىق­ارالىق قوعامداستىقتى جاپ­پاي قىرىپ-جوياتىن قارۋسىز الەم قۇرۋعا شاقىردى.

بۇۇ باس اسسامبلەياسىنىڭ جىل سايىنعى جالپى پىكىرسايىسىندا قازاقستان پرەزيدەنتى قاسىم-جومارت توقاەۆ الەم ەلدەرىنە ۇندەۋ جاسادى.

وسىدان جەتپىس جىل بۇرىن، كەڭەس وكىمەتى كەزىندە سەمەي قالاسىنىڭ ماڭىندا 450-دەن استام اتوم بومباسىن سىناقتان وتكىزگەن-تۇعىن. ق.توقاەۆ يادرولىق قارۋسىز الەم يدەياسى ۇلتتىق بىرەگەيلىكتىڭ اجىراماس بولىگىنە اينالعانىن اتاپ ءوتتى.

«يادرولىق قارۋسىز الەم قۇرۋ – ەلىمىزدىڭ اسا ماڭىزدى باسىمدىق بەرگەن باعىتى. وسى ۇمتىلىس قازاق حالقىنىڭ جالپىۇلتتىق بىرەگەيلىگىنىڭ اجىراماس بولىگىنە اينالدى. ول بىزگە يادرولىق قارۋدى جويۋعا قاتىستى جاھاندىق قوزعالىستىڭ العى شەبىندە بولۋعا مورالدىق قۇقىق بەردى. ءبىز يادرولىق قارۋدىڭ يگىلىك ەمەس، جاھاندىق تۇراقتىلىق پەن بەيبىتشىلىككە تونگەن قاۋىپ ەكەندىگىنە نىق سەنىمدىمىز. وكىنىشتىسى، بىرقاتار ەلدەر ستراتەگيالىق قورعانىس كۇشتەرىندە يادرولىق ارسەنالعا ارقا سۇيەيدى، بۇل ولاردىڭ قارسىلاستارىنا اسسيمەتريالىق جاۋاپ بەرۋ ءۇشىن ونى يەمدەنۋ ماسەلەسىن قاراۋعا ءماجبۇر ەتەدى. بۇل قارىمتا جاۋاپتىڭ ءوزى – جاپپاي قىرىپ-جويۋ قارۋى سەكىلدى قىرعىنعا اپاراتىن جول»، دەدى ول.

وسى ورايدا، يادرولىق قارۋدان باس تارتۋىمەن قاتار قازاقستان ورتالىق ازيادا يادرولىق قارۋدان ازات ايماق قۇرعانىن ايتا كەتكەن ءجون. جىل سا­يىن 29 تامىزدا سەمەي پوليگونىنىڭ جابىلۋىنا بايلانىستى اتاپ وتىلەتىن حالىقارالىق يادرولىق سىناقتارعا قارسى كۇننىڭ تويلانۋىنا قازاقستان باستاماشى بولعان.

«يرانعا قاتىستى بىرلەسكەن ءىس-قيمىلدىڭ كەشەن­دى جوسپارى جانە كورەي تۇبەگىن دەنۋكلەاريزاتسيا­لاۋ جونىندەگى اعىمداعى ماسەلەلەر تاراپتاردىڭ مۇددەلەرى مەن پىكىرلەرى ەسكەرىلە وتىرىپ، ساياسي جولمەن شەشىلۋى تيىستىگىنە قازاقستان سەنەدى»، دەدى ق.توقاەۆ.

پرەزيدەنت، سونداي-اق قازاقستاننىڭ بەيبىتشىلىك پەن قاۋىپسىزدىككە قوسقان ۇلەسىن اتاپ ءوتتى. ەل استاناسىندا سيريا داعدارىسى جونىندەگى كەلىسسوزدەردىڭ 13 راۋندىن وتكىزدى.

2

الەمدى يادرولىق قارۋدان ازات ەتۋگە شاقىردى

بۇۇ باس اسسام­بلەيا­سى­نىڭ 74-سەسسياسىنىڭ پىكىر­تالاس الاڭى بۇل جولى كەدەي­شىلىكپەن كۇرەس، ساپالى ءبىلىم بەرۋ، كليماتتىڭ وزگەرۋى سە­كىل­دى تاقىرىپتارعا ارنالدى.

جيىندى بۇۇ باس اسسامبلەياسى 74-سەسسياسىنىڭ پرەزيدەنتى تيججاني مۋحامماد-باندە اشتى. ول قازىرگى تاڭدا الەم ەلدەرى كەزدەسىپ وتىرعان سىن-قاتەرلەرمەن بىرلەسىپ كۇرەسۋگە شاقىردى. سونداي-اق حالىقارالىق بەيبىتشىلىك پەن قاۋىپسىزدىكتى ساقتاۋ بۇۇ-نىڭ باستى ماقساتتارىنىڭ ءبىرى ەكەنىن اتاپ ءوتىپ، الەم ەلدەرى باسشىلارىنا كۇش جۇمىلدىرۋ قا­جەت­تىگىن ايتتى.

جيىن بارىسىندا قازاقستان پرەزيدەنتى قاسىم-جومارت توقاەۆ ءسوز سويلەدى. بۇۇ باس اسسامبلەيا­سىنىڭ 74-سەسسياسىندا سويلەگەن سوزىندە ول الەمدى يادرولىق قارۋدان ازات ەتۋگە شاقىردى.

«يادرولىق قارۋسىز الەم قۇرۋ – ەلىمىزدىڭ اسا ماڭىزدى باسىمدىق بەرگەن باعىتى. وسى ۇمتىلىس قازاق حالقىنىڭ جالپىۇلتتىق بىرەگەيلىگىنىڭ اجىراماس بولىگىنە اينالدى. ول بىزگە يادرولىق قارۋدى جويۋعا قاتىستى جاھاندىق قوزعالىستىڭ العى شەبىندە بولۋعا مورالدىق قۇقىق بەردى. ءبىز يادرولىق قارۋدىڭ يگىلىك ەمەس، جاھاندىق تۇراق­تىلىق پەن بەيبىتشىلىككە تونگەن قاۋىپ ەكەن­دىگىنە نىق سەنىمدىمىز. وكىنىشتىسى، بىرقاتار ەلدەر ستراتەگيالىق قورعانىس كۇشتەرىندە يادرولىق ارسەنالعا ارقا سۇيەيدى، بۇل ولاردىڭ قارسى­لاس­تارىنا اسسيمەتريالىق جاۋاپ بەرۋ ءۇشىن ونى يەمدەنۋ ماسەلەسىن قاراۋعا ءماجبۇر ەتەدى. بۇل قارىمتا جاۋاپتىڭ ءوزى – جاپپاي قىرىپ-جويۋ قارۋى سەكىلدى قىرعىنعا اپاراتىن جول»، دەدى ق.توقاەۆ.

3

ۋكراينامەن ارىپتەستىككە ءازىر ەكەنىن ايتتى

قازاقستان پرەزي­دەنتى قاسىم-جومارت توقاەۆ پەن ۋكراينا پرەزيدەنتى ۆلاديمير زەلەن­­سكي بۇۇ-نىڭ شتاب-پاتەرىندە كەزدەسىپ، ەكى­جاق­­تى قارىم-قاتىناس جونىندە كەلىسسوزدەر جۇرگىزدى.

كەزدەسۋ بارىسىندا قاسىم-جومارت توقاەۆ پەن ۆلاديمير زەلەنسكي ءبىرىن-ءبىرى ءوز مەملەكەتتەرىندەگى ەڭ جوعارى قىزمەتكە سايلانۋلارىمەن قۇتتىقتادى.

قازاقستان باسشىسى ەكى ەل اراسىنداعى تاريحي تامىرلاستىق پەن ورتاق بولاشاق جايىن اتاپ ءوتتى. قاسىم-جومارت توقاەۆ ۋكراينامەن اراداعى ساياسي جانە ساۋدا-ەكونوميكالىق ىنتىماقتاستىقتى ودان ءارى دامىتۋعا دايىن ەكەنىن، بۇل باعىتتاعى مۇمكىندىكتەر زور ەكەنىن ايتتى.

كەزدەسۋ سوڭىندا قاسىم-جومارت توقاەۆ پەن ۆلاديمير زەلەنسكي ءبىر-ءبىرىن ءوز مەملەكەتتەرىنە ساپارمەن كەلۋگە شاقىردى.

4

قازاقستان سەنىمدى كوشباسشىنىڭ قولىندا

تاۋلىگىنە 1،8 ميلليون باررەل مۇناي وندى­رەتىن قازاق­ستان بۇرىن­عى كەڭەستىك ەلدەر­دەگى ەڭ ءىرى مۇناي وندىرۋشى­لەردىڭ ءبىرى. بيىل وسى ەلدە جاڭا پرەزيدەنت سايلانعانى بەلگىلى. تاياۋدا، 2 قىركۇيەكتە قاسىم-جومارت توقاەۆ حالىققا جولداۋىن جاريالادى. ەندى، ول نيۋ-يوركتەگى بۇۇ باس اسسامبلەياسىنىڭ سەسسياسىنا قاتىستى.

تۇڭعىش پرەزيدەنت – ەلباسى ن.نازارباەۆتىڭ كەزىندە قول جەتكىزگەن ەكونوميكالىق جەتىستىكتەردەن كە­يىن جاڭا قادام قاجەت. ن.نازارباەۆ «اۋەلى ەكونو­ميكا – كەيىن ساياسات» ۇستانىمىن جاريالاپ، ينس­تيتۋ­تسيو­نالدى رەفورمانى كەيىنگە قالدىرعان-دى. الاي­دا تاياۋدا ەلدە بولعان نارازىلىق اكتسيالارى وزگە­رىس­تىڭ ۋاقىتى كەلگەنىن كورسەتەدى. 2 قىر­كۇيەك­تەگى جول­داۋىن­دا ق.توقاەۆ ازاماتتاردىڭ دەمونس­تراتسياعا شىعۋ قۇ­قى­عىنا كونستيتۋتسيا كەپىلدىك بەرە­تىنىنە توقتالدى.

پرەزيدەنت توقاەۆ ساياسي رەفورماسىز ەكونوميكا­لىق دامۋ مۇمكىن ەمەس دەپ ەسەپتەيدى. ول كوپ پارتيا­لى جۇيەنى، ازاماتتاردىڭ شاعىمدارىنا «قۇلاق اسا­تىن مەملەكەتتىڭ»، سونىڭ ىشىندە پرەزيدەنت اكىم­شىلىگىندە ازاماتتاردىڭ وتىنىشتەرىن قاراۋ ءبولىمىن قۇرۋدىڭ قاجەتتىگىن اتاپ ءوتتى.

ايتسە دە ءال-اۋقات دەڭگەيى ءوسىپ كەلە جاتقانىن ايتا كەتكەن ءجون. سوڭعى بەس جىل ىشىندە الەۋمەتتىك قول­داۋ الاتىن ادامداردىڭ سانى 77 مىڭنان 1،4 ميل­ليونعا دەيىن ءوستى. بۇل – ەل حالقىنىڭ 8 پايىزى. وسى ورايدا، كەيبىرەۋلەر الەۋمەتتىك قولداۋ الۋ كەزىندە تابىسىن جاسىرعانىن ايتا كەتكەن ءجون.

سونىمەن قاتار كوپ بالالى وتباسىلار الەۋمەتتىك قولداۋدىڭ ازدىعىنا نارازىلىق بىلدىرگەن-ءدى. توقاەۆ مۇمكىندىگى شەكتەۋلى بالالارعا، تسەرەبرالدى سال اۋرۋىنا شالدىققاندارعا جانە كوپ بالالى انالارعا قولداۋدى ارتتىرۋدى تاپسىردى.

قۇقىق رەفورماسى دا كۇن تارتىبىندە تۇر. توقاەۆ جىنىستىق زورلىق-زومبىلىق، پەدوفيليا جانە ايەلدەرگە قاتىستى تۇرمىستىق زورلىق-زومبىلىق فاكتىلەرى بويىنشا قىلمىستىق قۋدالاۋدى كۇشەيتۋگە شاقىردى. ول سوتتاردى تۇبەگەيلى رەفورمالاۋعا جانە سوتتالۋشىلاردىڭ قۇقىعىن قورعاۋدىڭ قاجەتتىگىن اتاپ كورسەتتى.

قازاقستان ءۇشىن ەڭ ۇلكەن ماسەلە – «ورتا تاپتىڭ كىرىسىن» ۇلعايتۋ. توقاەۆ سىبايلاس جەمقورلىقپەن كۇرەسۋ، مەملەكەتتىك كومپانيالاردىڭ سانىن ازايتۋ كەرەك دەپ ەسەپتەيدى. بۇدان بولەك، ميكرو جانە شاعىن بيزنەستى ءۇش جىلعا سالىقتان بوساتىپ، پارا بەرۋگە جاعداي جاسايتىن «تەكسەرىستەردىڭ» توقتاتىلاتىنىن ايتتى. نەگىزگى ماقسات – 2050 جىلعا قاراي جاپپاي جۇمىسپەن قامتىپ، ىشكى جالپى ءونىمنىڭ ۇلەسىن 50 پايىزعا جەتكىزۋ.

قازاقستان تىكەلەي شەتەلدىك ينۆەستيتسيالار تارتۋدى، ەكسپورتتى قولداۋدى، ءتۋريزمدى دامىتۋدى جانە اۋىل شارۋاشىلىعىن وركەندەتۋدى جوسپارلاپ وتىر. شەتەلدىكتەرگە جەر ساتۋعا تىيىم سالىندى. البەتتە، مۇنداي شەشىمدى قازاقستاندىقتار قولدايتىنى انىق.

قازاقستان قازىر سەنىمدى كوشباسشىسىنىڭ قولىندا. نيۋ-يوركتەگى بۇۇ باس اسسامبلەياسىندا سويلەگەن سوزىندە ق.توقاەۆ مۇنى انىق بايقاتتى. ەكى رەت ءوز ەلىنىڭ سىرتقى ىستەر ءمينيسترى جانە پرەمەر-مينيستر قىزمەتىن اتقارعان تاجىريبەلى ديپلومات ءۇشىن بۇۇ-نىڭ الاڭى جاقسى تانىس. ەۋرازيا جۇرەگىندە جاڭا ديپلوماتيالىق باستامالار بولاتىنىن انىق بايقادىق.

5

قازاقستان يادروسىز الەمدى قولداۋدى جالعاستىرۋدا

يتاليانىڭ Agenparl اق­پاراتتىق اگەنتتىگى مەم­لە­كەت باسشىسى قاسىم-جو­مارت تو­قاەۆ­تىڭ بۇۇ باس اسسام­بلەيا­­سىنىڭ جالپى دەباتتارىن­دا سويلەگەن سوزىنە نازار اۋداردى.

«وسىدان جەتپىس جىل بۇرىن قازاقستان كەڭەس داۋىرىندە العاشقى اتومدىق سىناق الاڭى بولعان. سەميپالاتينسك – قازىرگى سەمەي ماڭىندا 450-دەن استام يادرولىق قۇرىلعى جارىلدى. توقاەۆ مىرزا يادروسىز الەم قۇرۋ قازاقستاننىڭ ۇلتتىق بىرەگەي­لىگىنىڭ اجىراماس بولىگى ەكەنىن مالىمدەدى»، دەلىنگەن اگەنتتىك بەرگەن اقپاراتتا.

اگەنتتىك ق.توقاەۆتىڭ ء«بىز بۇدان بىلاي يادرولىق قارۋدىڭ اكتيۆ ەمەس، جاھاندىق بەيبىتشىلىك پەن تۇراقتىلىق ءۇشىن قاۋىپ توندىرەتىن قۇرال ەكەنىنە نىق سەنەمىز. وكىنىشكە قاراي، كەيبىر ەلدەر ءالى دە ستراتەگيالىق قورعانىس ماقساتىندا يادرولىق قارۋعا سەنىم ارتادى. وسىلايشا ول ەلدەر قارسىلاستارىن جاپپاي قىرىپ-جويۋ قارۋلارىن ساتىپ الۋ مۇمكىندىگىن قاراستىرۋعا يتەرمەلەيدى. قازاقستان ۇلگى رەتىندە وسى جاعدايدى وزگەرتۋ ءۇشىن تاباندى جۇمىس ىستەيدى» دەگەن ءسوزىن كەلتىرگەن.

Agenparl قازاقستاننىڭ يادرولىق قارۋدان باس تارتۋىنان بولەك، ورتالىق ازيادا يادرولىق قارۋدان ازات ايماق قۇرعانىن سوزگە تيەك ەتكەن. پرەزيدەنت قاسىم-جومارت توقاەۆ قازاقستاننىڭ بەيبىتشىلىك پەن قاۋىپسىزدىك ماسەلەسىنە باسا نازار اۋداراتىنىن ايتا كەلە، ەلىمىزدە سيريا داعدارىسىن تالقىلاۋ ماقساتىندا استانا پروتسەسىنىڭ 13 راۋندى وتكەنىن اتاپ ءوتتى. ال تەررورلىق ارەكەتكە قارسى جۇرگىزىلگەن ءىس-شارا بارىسىندا قازاقستان مەن سەرىكتەستەرى ارنايى گۋمانيتارلىق وپەراتسيامەن سيريانىڭ سوعىس ايماعىنان 600-گە جۋىق ازاماتتى قۇتقارعانىنا دا توقتالعان.

اگەنتتىك اقپاراتتى مەملەكەت باسشىسىنىڭ ء«بىز تاجىريبەمىزبەن بولىسۋگە دايىنبىز جانە الەم ەلدەرىن وسىنداي قادام جاساۋعا شاقىرامىز» دەگەن سوزىمەن قورىتىندىلاعان.

6

قازاق پرەزيدەنتى اقش-تىڭ ساياسي جانە ساراپشى توپ وكىلدەرىمەن كەزدەستى

The Times of Central Asia قازاقستان پرەزيدەنتىنىڭ نيۋ-يورككە ساپارى بەل­گىلى امەريكالىق ساياساتكەر­لەر­­­مەن جانە ساراپشىلار قاۋىم­داستىعىنىڭ وكىل­دەرى­­مەن كەزدەسۋمەن باستالعانىن جازدى. قاسىم-جو­مارت توقاەۆ اقش-پەن ىنتىماقتاستىقتى ارتتىرۋ قازاق­­ستان ءۇشىن اسا ماڭىزدى ەكەنىن اتاپ وتكەنى ايتىلدى.

«سونداي-اق قاسىم-جومارت توقاەۆ امەريكالىق ارىپتەستەرىنە ەنەرگەتيكالىق سالاداعى بىرقاتار بىرلەسكەن جوبالاردىڭ تابىستى جۇزەگە اسقانى تۋرالى حاباردار ەتتى. اۋىل شارۋاشىلىعى جانە جوعارى تەحنولوگيا سالالارى بويىنشا ءوزارا ءىس-قيمىلدى ارتتىرۋ ءۇشىن جاڭا مۇمكىندىكتەردىڭ بار ەكەنىنە نازار اۋداردى»، دەلىنگەن اقپاراتتا.

مەنىڭ فورمۋلام – كۇشتى پرەزيدەنت، ىقپالدى پارلامەنت، ەسەپ بەرەتىن ۇكىمەت Eurasia Diary بۇۇ باس اس­سام­ب­لەياسى 74-سەسسيا­سى­نىڭ جالپى دەباتىندا مەملەكەت باس­شىسى قاسىم-جومارت تو­قاەۆ­تىڭ ءسوز سويلەۋىنە توق­تال­دى. پرەزيدەنتتىڭ «قازاقستاننىڭ ساياسي جۇيەسىنە قاتىس­تى فورمۋلام – كۇشتى پرەزيدەنت، ىقپالدى پار­لامەنت، ەسەپ بەرەتىن ۇكىمەتتەن تۇرادى. اتالعان باسىم­دىقتار حالقىمىزدىڭ سۇرانىسىنا جا­ۋاپ بەرەتىنىنە جانە ەلىمىزدىڭ بەيبىت بولاشاعىنا اپاراتىنىنا سەنىمىم مول» دەگەن ءسوزىن كەلتىرگەن اقپاراتتىق پورتال.

سونداي-اق مەملەكەت باسشىسىنىڭ ماقساتى – ميلليونداعان قازاقستاندىق ءۇشىن رەفورمالار مەن ينكليۋزيۆتى قوعامنىڭ ارتىقشىلىقتارىن قامتاماسىز ەتۋ ەكەندىگى ايتىلعان. وعان قوسا، پورتال پرەزيدەنتتىڭ ەلدەگى قۇقىق قورعاۋ ورگاندارىندا ورىن العان وزگەرىستەر تۋرالى بايانداعانىن جانە زاڭنىڭ بارلىق سالالار مەن ازاماتتاردىڭ كۇندەلىكتى ومىرىندە ۇستەمدىگىن قولداۋعا ۋادە بەرگەنىن كەلتىرگەن.

6

قازاقستانعا ساپارمەن كەلۋگە شاقىردى

بۇۇ باس اسسام­بلەيا­­­­سى­­نىڭ 74-ءشى سەس­سيا­­سى اياسىندا قازاق­­ستان باسشىسى «Bloom­berg» اقپارات اگەنتتى­گىنىڭ نە­گى­زىن قالاۋشى ءارى يەسى مايكل بلۋمبەرگپەن كەزدەستى.

كەزدەسۋ بارىسىندا تاراپتار قازاقستان مەن «Bloom­berg» اقپارات اگەنتتىگى اراسىنداعى ىنتىماقتاس­تىق­تىڭ كەلەشەگىن تالقىلاپ، الەمدىك ەكونوميكانىڭ كۇن تارتىبىندەگى وزەكتى ماسەلەلەرى جونىندە پىكىر الماستى.

«قاسىم-جومارت توقاەۆ 25 قىركۇيەكتە نيۋ-يوركتە وتەتىن «Bloomberg» جاھاندىق بيزنەس-فورۋمىنىڭ ماڭىزدىلىعىن اتاپ ءوتتى. بۇل رەتتە، پرەزيدەنت الداعى ءىس-شارا جۇمىسىنا قازاقستاننىڭ اتىنان «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ قاتىساتىنىن ايتتى»، دەيدى Elgezit.kz سايتى.

سونداي-اق مەملەكەت باسشىسى قاسىم-جومارت توقاەۆ مايكل بلۋمبەرگكە قازاقستاننىڭ ساۋدا-ەكونوميكالىق جانە ينۆەستيتسيالىق مۇمكىندىكتەرى تۋرالى ايتىپ، امەريكالىق بيزنەسمەندى «استانا» حالىقارالىق قارجى ورتالىعىمەن بەلسەندى ىنتى­ماقتاستىق ورناتۋعا شاقىردى.

مايكل بلۋمبەرگ كەزدەسۋگە مۇمكىندىك تۋعىزعانى ءۇشىن قازاقستان پرەزيدەنتىنە العىس ءبىلدىرىپ، قازاق­ستاندىق ارىپتەستەرىمەن ءوزارا ءتيىمدى ىنتىماق­تاستىق­تى ىلگەرىلەتۋگە دايىن ەكەنىن جەتكىزدى.

كەزدەسۋ سوڭىندا قاسىم-جومارت توقاەۆ مايكل بلۋمبەرگتى قازاقستانعا ساپارمەن كەلۋگە شاقىردى.

شولۋدى ازىرلەگەن

اباي اسانكەلدى ۇلى،
مەرۋەرت بۇركىتباي،
«Egemen Qazaqstan»

سوڭعى جاڭالىقتار

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

شىمبۇلاق شاڭعى ماۋسىمىن اشتى

قىسقى سپورت • كەشە

اتباسار

رۋحانيات • كەشە

ۇقساس جاڭالىقتار