بۇل جوبا اقپارات جانە قوعامدىق دامۋ مينيسترلىگى, «ازاماتتىق باستامالاردى قولداۋ ورتالىعىمەن» كەاق بىرلەسىپ ىسكە اسىرىلدى. جوبانىڭ نەگىزگى ماقساتى جاستار جىلى اياسىندا قازاقستانداعى دەبات قوزعالىسىن جانداندىرۋ جانە دەبات فەدەراتسياسىن قۇرۋ.
«جوبا اياسىندا ءبىز دەباتشىلارعا ارنالعان سايت جاسالىنادى. ول سايت ارقىلى ءار دەباتشىنىڭ ءوزىنىڭ رەيتينگى بولادى. وبلىستىق, رەسپۋبليكالىق دەڭگەيدە جەتكەن جەتىستىكتەرى جازىلىپ تۇرادى. سونىمەن قاتار ءاربىر وتكەن ويىنداردىڭ, ونىڭ ىشىندە وبلىستىق ويىنداردىڭ دا, تورەشىلەردىڭ دە رەيتينگتەرى جاسالىناتىن بولادى», «Jas Otan» جاستار قاناتىنىڭ توراعاسى داۋلەت كارىبەك.
«Jastar alany 2019» رەسپۋبليكالىق دەبات ءتۋرنيرى ورىس ليگاسىنىڭ امەريكاندىق پارلامەنتتىك فورمات جەڭىمپازدارى ءاليحان قازەنوۆ پەن قانات نوعويباەۆ, ماليكا ماميروۆا مەن تالعات وماروۆ, الىشەر جۇزگەنباەۆ پەن مۇحتار تاشكەنباەۆ بولدى. ال الىشەر جۇزگەنباەۆ «لينكولن – دۋگلاس» فورماتىنىڭ جەڭىمپازى دەپ تانىلدى. سونداي-اق قازاق ليگاسىنىڭ امەريكاندىق پارلامەنتتىك فورمات جەڭىمپازدارى تاستانباەك ەرداۋلەت پەن يبادۋللا اسەل, جولداسبەك لاۋرا مەن بورانباي ابىلاي, تۇرسىنوۆ باقىتجان مەن مولداقاشەۆ قۋانىش بولدى. «لينكولن-دۋگلاس» فورماتىنىڭ جەڭىمپازى بولىپ ايدىنوۆ شىڭعىس اتاندى.
كەشتىڭ كوركىن قىزدىرعان «Stars Game» ويىنى بولدى. بۇل ويىنعا تانىمال بلوگەرلەر مەن ۆاينەرلەر اقسۋلتان قاليەۆ, عاني اجىكەنوۆ, ەلدانا ساتىبالديەۆا قاتىستى.
سونىمەن قاتار, جوبا اياسىندا تۋرنير قاتىسۋشىلارى مەن تورەشىلەرى ءۇشىن سەمينار, وقىتۋ ترەنينگى وتكىزىلدى. ونىڭ قورىتىندىسى بويىنشا بارلىق قاتىسۋشىلارعا پىكىرتالاس بويىنشا ترەنينگ وتكىزۋ ءۇشىن جاتتىقتىرۋشىلار مەن تورەشىلەردىڭ سەرتيفيكاتتارى بەرىلدى. قازان ايىندا دەباتەرلەرگە ارنالعان سايتپەن ءموبيلدى قوسىمشانىڭ تۇساۋكەسەرى وتەدى. تايم-كيپەرلەردى الماستىرۋعا ارنالعان ءموبيلدى قوسىمشانىڭ قازىرگى تاڭدا قازاقستاندا بالاماسى جوق.
