جىل باسىنان بەرى وسى شارا ارقىلى 4 مىڭنان استام ادام قاجەتتى كەڭەس الۋعا نيەت بىلدىرگەن. ءتىپتى, سولاردىڭ كوبى وزدەرىنە ۇنايتىن جۇمىس تاۋىپ نەمەسە قىسقا مەرزىمگە وقىتۋ كۋرستارىنا بارعان.
دەگەنمەن, وبلىس تۇرعىندارىنىڭ ءبىراز بولىگى اتالعان باعدارلامالار مەن مەحانيزمدەر تۋرالى بىلە بەرمەيتىن بولىپ شىقتى. ەندىگى ماقسات – ەل اراسىندا ءتۇسىندىرۋ جۇمىستارىن كۇشەيتۋ. ماسەلەن, بۇگىندە وڭىردە 500 دانەكەرلەۋشى مەن قۇراستىرۋشى جەتىسپەيدى ەكەن. ولاردىڭ ەڭبەكاقىلارى دا ءتاۋىر كورىنەدى. الايدا بۇل جۇمىستارعا بارعىسى كەلەتىندەر وتە از.
ايتا كەتۋ كەرەك, قاراعاندى وبلىسىندا جاستاردىڭ ۇلەسى 22%-دى قۇرايدى. ولار ءۇشىن وڭىردە بيىلدىڭ وزىندە 30 مىڭ جاڭا جۇمىس ورنى اشىلماق.
اتقارۋشى بيلىك وكىلدەرى جاستاردى ەڭبەكسۇيگىشتىككە تاربيەلەۋ باسىم باعىتتاعى شارۋا بولۋى كەرەگىن, ولارعا ەلىمىزدە جۇمىس ىستەپ, ءتاۋىر ەڭبەكاقى الۋعا بارلىق جاعداي جاسالعانىن تۇسىندىرگەن ءجون دەپ سانايدى.
قاراعاندى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى اسەم جۇنىسبەكوۆانىڭ ايتۋىنشا, بۇگىندە جوعارىدا ايتىلعان جۇمىستار جەمىسىن بەرە باستاعان. مىسالى, وساكاروۆ اۋدانى ەسىل اۋىلىندا تۇراتىن دميتري پاسكو وسى ۋاقىتقا دەيىن جۇمىسسىز بولعان ەكەن. تاياۋدا ول «جاتۆا» شارۋا قوجالىعىنا مەحانيزاتور بولىپ ورنالاسىپ, ءتاپ-ءتاۋىر ەڭبەكاقى الا باستادى. تاپقان تابىسىنا 1 تايىنشا, 9 شوشقا, 10 بالاپان جانە 10 قاز ساتىپ الىپتى. قازىر جاردەماقى سۇرامايدى.
سونداي-اق ساران قالاسىنىڭ تۇرعىنى يرينا لوگينوۆانىڭ ەڭبەكپەن قامتۋ ورتالىعىنا حابارلاسقانعا دەيىنگى وتباسىلىق تابىسى بار-جوعى 20 مىڭ تەڭگە بولىپتى. تاياۋدا يرينا ساران قالاسىنداعى «تەرەموك» دۇكەنىنە ساتۋشى بولىپ ورنالاستى. وتباسىنىڭ تابىسى 65 500 تەڭگەدەن استى. قازىر يرينانىڭ جاعدايى تۇزەلگەن, بالاسى «بالعىن» دەگەن بالاباقشاعا ورنالاستى. بۇگىندە لوگينوۆا حانىمعا تولەنەتىن جاردەماقىنىڭ مەرزىمى اياقتالعان. ال ونى قايتا تاعايىنداۋعا وتباسى ءوتىنىش تۇسىرمەگەن.
قاراعاندى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ۇسىنعان دەرەككە ساي, بيىل 19 شىلدەگە دەيىن جۇمىسپەن قامتۋ ورتالىقتارىنا, حقو-لارعا, كەنتتىك جانە اۋىلدىق اكىمدىكتەرگە 20 مىڭنان استام ادام كومەك سۇراپ, ءوتىنىش تۇسىرگەن. ولاردىڭ ىشىندە 9355 ادامعا جاردەماقى تاعايىندالعان.
2018 جىلمەن سالىستىرعاندا ااك الاتىن تۇرعىندار سانى ءتورت ەسەگە ءوسىپ كەتكەن. ال بيۋدجەت شىعىنى التى ەسەگە كوبەيگەن. قازىرگى تاڭدا وبلىستا قۇرامىنا ىشكى ىستەر ورگاندارىنىڭ, مەملەكەتتىك كىرىس, ەڭبەك كوميتەتى وكىلدەرى كىرگەن جۇمىس توبى قۇرىلىپ, اتاۋلى الەۋمەتتىك كومەك الۋشىلاردىڭ جەكە شارۋاشىلىقتارىن زەرتتەۋمەن اينالىسادى.
وبلىس باسشىلىعى الەۋمەتتىك كومەكتى زاڭسىز جولمەن الىپ كەلگەن وتباسىلاردان قايتارىلاتىن قاراجاتتى ءجىتى قاداعالاپ وتىر. سونىمەن قاتار قاي وڭىردە مۇنداي ماسىلدىق مىنەز-ق ۇلىقتىڭ ءجيى قايتالاناتىنىن انىقتاپ, ولارعا تالداۋ جاساۋمەن دە اينالىسىپ جاتىر. اتاۋلى الەۋمەتتىك كومەك تەك قانا مۇقتاج جاندارعا بەرىلۋى ءتيىس. سوندىقتان جاردەماقى تاعايىنداۋ وبلىس اكىمىنىڭ جەكە باقىلاۋىندا بولادى.
قاراعاندى وبلىسى
