مەملەكەتتەر كوشباسشىلارى ەكىجاقتى كۇن تارتىبىندەگى وزەكتى ماسەلەلەردى تالقىلاپ, ساۋدا-ەكونوميكالىق, ينۆەستيتسيالىق, كولىك-لوگيستيكالىق سالالاردا ءوزارا ءىس-قيمىلداردى كەڭەيتۋ قاجەتتىگىن اتاپ ءوتتى.
– قازاقستان ءسىزدىڭ ەلىڭىزبەن دوستىق قارىم-قاتىناستى دامىتۋعا, ساياسي ديالوگتى تەرەڭدەتۋگە جانە ەكونوميكالىق ىنتىماقتاستىقتى كەڭەيتۋگە زور ءمان بەرەدى, – دەدى قاسىم-جومارت توقاەۆ.
مەملەكەت باسشىسى كولىك-لوگيستيكا سالاسىنداعى بىرلەسكەن جۇمىستاردىڭ, سونىڭ ىشىندە, قازاقستاندىق اقتاۋ جانە قۇرىق پورتتارىن پايدالانۋ ارقىلى ەكى ەل اراسىنداعا جۇك تاسىمالىن جۇزەگە اسىرۋدىڭ ماڭىزدىلىعىن ايتتى.
ءوز كەزەگىندە, سالومە زۋرابيشۆيلي گرۋزيانىڭ ينۆەستيتسيالىق جانە كولىك-لوگيستيكالىق جوبالارىنا قازاقستان كاپيتالىنىڭ بەلسەندى قاتىسىپ وتىرعانى ءۇشىن قاسىم-جومارت توقاەۆقا العىس ءبىلدىردى.
