كوشباسشىلار ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتىڭ قازىرگى جاعدايى مەن ونى نىعايتۋدىڭ پەرسپەكتيۆالارىن تالقىلادى.
پرەزيدەنت قاسىم-جومارت توقاەۆ ەكى ەل اراسىندا سىندارلى ديالوگ ورناعانىنا توقتالىپ, ەلىمىزدىڭ بولگاريامەن ءوزارا ءىس-قيمىلدى ودان ءارى قارقىندى دامىتا تۇسۋگە نيەتتى ەكەنىن ايتتى.
– قازاقستاننىڭ بولگارياداعى ديپلوماتيالىق ميسسياسىن ەلشىلىك رەتىندە قايتا قۇرۋ تۋرالى شەشىم قابىلدانعانىن بىلەسىزدەر. وكىلدىگىمىزدىڭ مارتەبەسىن ارتتىرۋ جانە ەلشىنى تاعايىنداۋ قازاقستان مەن بولگاريا قارىم-قاتىناستارىن دامىتۋعا تىڭ سەرپىن بەرەتىنىنە سەنىمدىمىن, – دەدى قاسىم-جومارت توقاەۆ.
سونىمەن قاتار مەملەكەت باسشىسى بولگارلىق كومپانيالاردى قازاقستاندا جۇمىس ىستەپ, كەيىننەن وسى ءوڭىردىڭ نارىعىنا شىعۋعا شاقىردى.
كەزدەسۋ سوڭىندا قاسىم-جومارت توقاەۆ رۋمەن رادەۆتى قازاقستانعا ساپارمەن كەلۋگە شاقىردى.
