ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ جۇمىسسىزدارعا الەۋمەتتىك جاعىنان مەملەكەتتىك قولداۋ كورسەتۋ ماقساتىندا, كاسىپكەرلىك باستامالاردى قولداۋ «ەڭبەك» مەملەكەتتىك باعدارلاماسىنىڭ نەگىزىگى باعىتتارىنىڭ ءبىرى ەكەنىن اتاپ ءوتتى.
جۇمىسسىزدار مەن ءوزىن-ءوزى جۇمىسپەن قامتىعاندار, ونىڭ ىشىندە جاستار, مۇمكىندىگى شەكتەۋلى ادامدار اراسىندا كاسىپكەرلىكتى دامىتۋعا باعدارلامادا كەلەسى قۇرالدار قاراستىرىلعان:
-
«باستاۋ-بيزنەس» جوباسى ارقىلى كاسىپكەرلىك نەگىزدەرىنە وقىتۋ;
-
تومەن پايىزبەن شاعىن نەسيەلەر ۇسىنۋ;
-
نەسيەلەردى كەپىلدەندىرۋ;
-
جاڭا ىسپەن شۇعىلدانۋعا قاتىسۋ ءۇشىن تەگىن مەملەكەتتىك گرانتتاردى ۇسىنۋ تەتىكتەرى.
بۇل رەتتە, «باستاۋ بيزنەس» جوباسى بويىنشا وقىعان ازاماتتارعا نەسيە بەرۋ كەزىندە باسىم قۇقىق بەرىلەدى.
«اعىمداعى جىلى «باستاۋ بيزنەس» جوباسىمەن 75 مىڭ ادامدى قامتۋ جوسپارلانۋدا. بۇگىندە وقۋمەن 33 مىڭ ادام قامتىلدى. سونىڭ ىشىندە جاستار جىلى اياسىندا «جاس كاسىپكەر» جوباسى بويىنشا 20 مىڭ جاس ازامات وقىتىلدى. ءوز جوبالارىن قورعاعان 27 مىڭ ازاماتتىڭ ىشىنەن 8,1 مىڭ ادام گرانتتار مەن نەسيەلەر الدى», — دەدى ب. نۇرىمبەتوۆ.
2017-2019 جىلدارى «ەڭبەك» باعدارلاماسى شەڭبەرىندە نەسيە بەرۋگە رەسپۋبليكالىق بيۋدجەتتەن جالپى سوماسى 176 ملرد تەڭگە قارجى ءبولىنىپ, 31 مىڭعا جۋىق ازاماتقا نەسيە بەرىلدى.
اعىمداعى جىلى نەسيە بەرۋگە بولىنگەن قارجى كولەمى 2017 جىلمەن سالىستىرعاندعا 2 ەسەگە ءوسىپ, 83 ملرد تەڭگەگە جۋىق سومانى قۇراپ وتىر. قازىرگى كۇنگە بۇل قارجىنىڭ 52,3%-ى يگەرىلدى.
سوڭعى ءۇش جىلدا اۋىل تۇرعىنداردى نەسيەمەن قامتۋ جوسپارى 5 ەسەگە ۇلعايدى. باعدارلاما اياسىندا بەرىلەتىن نەسيەلەر اۋىل تۇرعىندارى ءۇشىن قولجەتىمدى بولا ءتۇستى. اۋىلدىق جەلدەردە نەسيەلەردىڭ ورتاشا سوماسى 4 ملن تەڭگەنى قۇرايدى. نەسيەلەردىڭ 52%-ى 3 ملن تەڭگەگە دەيىنگى سومادا بولسا, 45%-ى 3 ملن تەڭگەدەن باستاپ 10 ملن تەڭگەگە دەيىنگى سومانى قۇرايدى. ال قالالاردا نەسيەلەردىڭ ورتاشا سوماسى 11 ملن تەڭگەنى قۇرايدى.
«بيىل ەل بويىنشا 19 مىڭنان استام ازامات نەسيەمەن قامتاماسىز ەتىلەدى دەپ كۇتىلۋدە, ونىڭ 16,7 مىڭى اۋىل تۇرعىنى بولسا, 2,3 مىڭى - قالا تۇرعىنى», — دەدى مينيستر.
نەسيەلەر كەلەسى ماقساتتارعا الىنعان – 60%-ى ستارتاپ جوبالارعا (5 684), 33%-ى بيزنەستى كەڭەيتۋگە (3 119), 7%-ى زاكىرلىك كووپەراتسيالاردى دامىتۋعا (630) بەرىلدى. نەسيە الۋشىلار قوسىمشا 8 384 جاڭا جۇمىس ورىندارىن اشقانىن اتاپ ءوتۋ كەرەك.
ەكونوميكالىق قىزمەت تۇرلەرى بولىنىسىندە اۋىلداردا نەسيلەردىڭ 80%-ى – مال شارۋاشىلىعىنا, 9,6%-ى – قىزمەت كورسەتۋگە, 6%-ى – كولىك جانە بايلانىس سالالارىنا تيەسىلى.
قالالىق جەردە نەسيلەردىڭ 30%-ى - ساۋدا ساتتىقتا,15%-ى – ونەركاسىپتە, 12%-ى – قۇرىلىس سالالارىنا پايدالانىلۋدا.
نەسيە الۋشىلاردىڭ الەۋمەتتىك ستاتۋسىنا نازار اۋدارساق, 22%-ى – جۇمىسسىزدار (2 075 ادام), 74%-ى – ءوزىن-ءوزى جۇمىسپەن قامتىعاندار, 2,5%-ى – مۇگەدەكتەر (236 ادام), 1,5%-ى – از قامتىلعان وتباسىلار. ولاردىڭ ىشىندە 15%-ى – جاستار, 34%-ى – ايەل ادامدار.
2018 جىلدان باستاپ «ەڭبەك» باعدارلاماسى اياسىندا مەملەكەتتىك گرانتتار بەرىلە باستادى. بارلىعى 38 مىڭ ادامدى قامتۋ جوسپارلانىپ وتىر. بۇگىنگى تاڭدا بارلىعى 7,8 مىڭنان استام گرانت بەرىلدى.
اۋىلدىق جەرلەر مەن شاعىن قالالاردى نەسيەلەندىرۋ وپەراتورى — اۋىل شارۋاشىلىعى مينيسترلىگى, قالالار مەن مونوقالالاردا — ۇلتتىق ەكونوميكا مينيسترلىگى.
اۋىل شارۋاشىلىعى ءمينيسترى س. وماروۆ 2019 جىلى «باستاۋ بيزنەس» جوباسىن ىسكە اسىرۋعا 5,9 ملرد تەڭگە بولىنگەنىن ايتتى. ونىڭ ىشىندە رەسپۋبليكالىق بيۋدجەتتەن – 2,7 ملرد تەڭگە
بۇگىنگى تاڭدا 33 مىڭ ادام وقىتىلدى نەمەسە جوسپاردىڭ 44%. بەرىلگەن نەسيەلەردىڭ ورتاشا سوماسى 3,3 ملن تەڭگەنى قۇرايدى.
بيىل رەسپۋبليكالىق بيۋدجەتتەن 12 مىڭ شاعىن نەسيەگە 44,7 ملرد تەڭگە ءبولىندى. 2019 جىلدىڭ شىلدەسىندە 5 مىڭ شاعىن نەسيەگە قوسىمشا 20 ملرد تەڭگە ءبولىندى.
2019 جىلعى 13 قىركۇيەكتەگى جاعداي بويىنشا رەسپۋبليكادا 32,5 ملرد تەڭگە يگەرىلىپ, 450 ميكروكرەديت بەرىلدى.
ءوز كەزەگىندە «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ا. مىرزاحمەتوۆ «باستاۋ بيزنەس» جوباسىن ءۇش جىل ىشىندە ىسكە اسىرۋدىڭ باستى ناتيجەسى 20 مىڭنان استام جاڭا بيزنەس-جوبالاردىڭ ىسكە قوسىلۋى ەكەنىن اتاپ ءوتتى. ءبىر ايتا كەتەرلىگى, جوبا باستالعان كەزدە بولاشاق كاسىپكەرلەردى وقىتۋ ءۇشىن بار بولعانى 80 سىنىپ بولسا, قازىر ولاردىڭ سانى اۋدانداردا, مونوقالالاردا, وبلىس ورتالىقتارىندا جانە نۇر-سۇلتان جانە الماتى قالالارىندا — 252.
ءۇش جىلدىڭ ىشىندە 35 ملرد تەڭگە سوماسىنا نەسيە بەرىلدى. سونىمەن بىرگە 50 ملرد تەڭگەگە ءونىم مەن قىزمەت شىعارىلدى.
«ىسكە قوسىلعان جوبالاردىڭ تالداۋى كورسەتكەندەي, قولداۋ شارالارىنىڭ 1 تەڭگەسىنە 1,8 تەڭگەگە ءونىم شىعارىلىپ, قىزمەت كورسەتىلەدى», — دەدى ا. مىرزاحمەتوۆ. 2019 جىلى نەسيە الۋشىلار 15 مىڭ بيزنەس سۋبەكتىلەرىن اشادى دەپ جوسپارلانۋدا.
