رۋحانيات • 23 قىركۇيەك، 2019

قازاق ءتىلى – ەلىمىزدى تۇتاستاندىراتىن قۋاتتى قۇرال

50 رەتكورسەتىلدى

پرەزيدەنت قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا ارناعان العاشقى جولداۋىندا قازاقستان رەسپۋبليكاسىنىڭ دامۋ جولى، باعىت-باعدارى تۋرالى بىرقاتار ماڭىزدى ماسەلەنى كوتەرىپ، مەملەكەتتى ءتيىمدى جەتىلدىرۋ ءۇشىن اتقارۋعا ءتيىستى مىندەتتەردى بەلگىلەپ بەردى.

جۇمىستى 5 ينستيتۋتسيونالدى رەفورما جانە ۇلت جوسپارىن جۇزەگە اسىرۋ، جاڭعىرتۋ جونىندەگى ۇلتتىق كوميسسيانىڭ جۇمىسىن قايتا جانداندىرۋ تۋرالى ماسەلەلەردى جۇزەگە اسىرۋدان باستايتىنىن ايتقان پرەزيدەنتتىڭ «قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ، ۇلتارالىق قاتىناس تىلىنە اينالاتىن كەزەڭى كەلەدى» دەپ نىق باسىپ ايتۋى ءتىل جاناشىرلارىن ءبىر سەرپىلتىپ تاستاعانى راس.

شىندىعىندا دا قازاق ءتىلىن ۇلتارا­لىق قاتىناس تىلىنە اينالدىرۋ – قازاق حالقى­نىڭ مەملەكەت قۇراۋشى ۇلت رەتىن­دەگى تۇعىرىن نىعايتىپ، ەڭسەسىن تىكتەۋىنە اسەر ەتەدى. قاشاندا تاتۋلىق پەن بىر­لىكتى بيىك ۇستاپ، تولەرانتتىلىق تانىتا­تىن وتانىمىزدا مەملەكەتتىك ءتىلدىڭ ۇلت­ارا­لىق تىلگە اينالۋى ورتاق تاريحي سانانى نىعايتۋعا، قازاقستاندىق قۇندىلىقتاردى ارتتىرۋعا مۇمكىندىك بەرەدى.

ەلىمىزدىڭ ساياساتى تىنىشتىق پەن ۇندەستىك، ءوزارا سەنىمدىلىك پەن بارلىق قازاق­ستاندىقتارعا دەگەن قۇرمەتتىڭ ورنىعۋىنا باعىتتالىپ، تاعدىر تالكە­گىمەن قازاقستان جەرىنە ەرىكسىز كوشى­رىلگەن ءتۇرلى ەتنوس وكىلدەرىنىڭ قۇتتى قونىسىنا اينالعانىنا الەم كۋا. بۇگىن­دە قازاق ەلىنىڭ ءبىر تارماعىنداي تۇتا­سىپ، الىپ بايتەرەكتىڭ جايقالعان جاپى­راعىنداي ءوسىپ-ءونىپ وتىرعان وزگە ەتنوس وكىلدەرىنىڭ قازاق ءتىلىن ۇلتارالىق ءتىل رەتىندە قابىلداۋى ادامگەرشىلىك قا­رىم-قاتىناستىڭ ونەگەلى ولشەمى عانا ەمەس، رۋحاني تامىردان ءنار الىپ، جاھان­دانۋدىڭ ىزعارلى تۇستارىنان اينالىپ وتۋگە مۇمكىندىك بەرەتىن قاجەتتى قۇرال بولماقشى.

پرەزيدەنتتىڭ «بىراق مۇنداي دارەجەگە جەتۋ ءۇشىن ءبارىمىز داڭعازا جاساماي، جۇمىلا جۇمىس جۇرگىزۋىمىز كەرەك» دەگەن تاپسىرماسىنىڭ دا ماڭىزى زور. «جۇمىلا كوتەرگەن جۇك جەڭىل» دەمەكشى، مەملە­كەتتىك ءتىلدىڭ مارتەبەسىنىڭ كوتەرىلۋىنە ءار قازاقستاندىق اتسالىسقانى ءجون.

ءبىز – ء«تىل-قازىنا» ۇلتتىق عىلىمي-پراكتيكالىق ورتالىعىنىڭ قىزمەتكەرلەرى مەملەكەتتىك ءتىلدىڭ مارتەبەسىن كوتەرۋ، ونى عىلىم تىلىنە اينالدىرۋ، جاڭا ۇلتتىق ءالىپبيدى حالىققا ناسيحاتتاۋ باعىتىندا قوعامنىڭ ءارتۇرلى الەۋمەتتىك توپتارى اراسىندا، عىلىمي ورتادا، ءتىل ماماندارى، ادىسكەرلەر، مەملەكەتتىك قىزمەتكەرلەر اراسىندا ءتۇسىندىرۋ جۇمىستارىن جۇيەلى تۇردە وتكىزىپ جۇرگەنىمىزدى ايتا كەتكىم كەلەدى.

ءار قازاقستاندىق مەملەكەتتىك ءتىل – قازاق ءتىلىن قۇرمەتتەۋدى ازاماتتىق بورىشى ساناپ، ۇلتارالىق تىلگە اينالدىرۋدى پەرزەنتتىك پارىزىنا بالاسا، ءتىلىمىز كوركەيەتىنى اقيقات. ال ازاماتتارى قولداپ، باسشىلارى قورعاي بىلسە، قۋاتتى دا باي ءتىل – قازاق ءتىلى سان ۇرپاقتىڭ رۋحاني، الەۋمەتتىك قاجەتتىلىگىن وتەپ، ۇلتارالىق مارتەبەگە جەتەدى.

الىبەك اسقار،
ء«تىل-قازىنا» ۇلتتىق
ورتالىعىنىڭ باس ديرەكتورى

سوڭعى جاڭالىقتار

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار