ايماقتار • 23 قىركۇيەك، 2019

دامۋ باعىتى ايقىن

9 رەت كورسەتىلدى

باتىس قازاقستان وبلىسى اكىمدىگىنىڭ اكتيۆى پرەزيدەنت قاسىم-جومارت توقاەۆتىڭ جولداۋىن تالقىلادى. جيىنعا وبلىستىق ءماسليحات دەپۋتاتتارى، قالا جانە اۋدان اكىمدەرى، وبلىستىق باس­قارمالار مەن دەپارتامەنت باسشىلارى، ارداگەرلەر مەن زيالى قاۋىم وكىلدەرى، كاسىپورىندار مەن مەكەمەلەردىڭ، ساياسي پارتيالار فيليالدارىنىڭ، ۇكىمەتتىك ەمەس جانە جاستار ۇيىمدارىنىڭ جەتەك­شىلەرى قاتىستى.

ءوڭىر باسشىسى عالي ەسقاليەۆ جولداۋدا جاريالانعان باعىتتار اقجايىق ءوڭىرى تۇرعىندارى تاراپىنان ەرەكشە قولداۋعا يە بولعانىن ايتتى. سونىمەن بىرگە قۇندى قۇجاتتا كورسەتىلگەن باعىتتار بويىنشا مىن­دەت­تەردى ايقىنداپ، ىسكە اسىرۋ جولدارىن ناقتىلادى.

– مەملەكەت باسشىسى قاسىم-جومارت توقاەۆ سايلاۋالدى باعدار­لا­ما­سىنىڭ نەگىزگى باعىتى ەتىپ كور­سەت­­كەن ساباقتاستىق ۇعىمىنىڭ ءمانىن تاعى ءبىر مارتە كورسەتتى. ەلبا­سى ساياساتى­نىڭ زاڭدى جالعاسى رەتىن­دە قازاق­ستان حالقىنا العاشقى جول­داۋىن جاريالاپ، پرەزيدەنتىمىز نە­گىزگى باسىم­دىق­تى الەۋمەتتىك سايا­ساتقا، كاسىپكەرلىكتى دامىتۋعا جانە حالىق­تىڭ ءال-اۋقاتىن كوتەرۋگە با­عىت­تال­عان ماڭىزدى مەم­لەكەتتىك باعدار­لا­مالاردى ىسكە اسىرۋعا ارنادى. جول­داۋدا ەلىمىزدىڭ تۇراق­تى دامۋى، ەكونو­مي­كا­لىق ءوسىمى، حالىق­تىڭ دەنساۋلىعى مەن ءبىلىمى­نىڭ ساپاسى، الەۋ­مەتتىك قورعاۋ، رۋ­حا­نياتى مەن ما­دە­نيەتىنىڭ دامۋى قام­تىلعان، – دەدى ءوز سوزىندە عالي ەسقاليەۆ.

وبلىس اكىمىنىڭ ايتۋىنشا، وڭىر­­دە ازاماتتاردىڭ بارلىق ءوتى­نىش-تىلەكتەرىن جەدەل ءارى ءتيىمدى قاراس­تىرۋ، تۇرعىنداردى قابىلداۋ جۇ­يەلى جولعا قويىلىپ كەلەدى. ازامات­تاردىڭ مەم­لەكەتتىك ورگاندارمەن تىكەلەي بايلانىسىن ورناتۋ، وزەكتى ماسە­لەلەرىن جەدەل تۇردە شەشۋ ماق­ساتىندا وبلىستىق دەڭگەيدە توقسان سايىن «اشىق اكىمدىك» شاراسى ۇيىمداستىرىلادى. جىل باسىنان بەرى «اشىق اكىمدىك» شاراسى 5 رەت وت­كىزىلىپ، ناتيجەسىندە 3 مىڭنان اسا ادام وزدەرىنىڭ وتىنىشتەرى مەن ۇسى­نىس­تارىن بىلدىرۋگە مۇمكىندىك ال­دى. بۇل تاجىريبە قازىرگى ۋاقىتتا جال­عاسىن تاۋىپ، ورال قالاسى مەن بار­لىق اۋدانداردا جۇزەگە اسىرىلۋدا.

– ءبىزدىڭ ورتاق مىندەتىمىز – ازامات­تار­دىڭ بارلىق كونسترۋكتيۆتى ساۋال­دارىن جەردە قالدىرمايتىن «حالىق ۇنىنە قۇلاق اساتىن مەملەكەت» كونتسەپتسياسىن ىسكە اسىرۋ. قازاقستان پرە­زيدەنتى قويىپ وتىرعان وسى مىن­دەتتى ورىنداۋعا ازاماتتىق قوعامدى جۇمىل­دىرۋ ماڭىزدى، – دەدى ءوڭىر باسشىسى.

عالي ەسقاليەۆتىڭ ايتۋىنشا، وڭىردە ءتۇرلى دەڭگەيدەگى ءماسلي­حات­تاردىڭ شەشىمىمەن بەيبىت شەرۋلەر مەن ميتينگىلەردى وتكىزۋ ءۇشىن 22 ورىن بەكىتىلگەن. ونىڭ بەسەۋى – ورال قالاسىندا. ء«بىز ازاماتتاردىڭ زاڭدى پىكىرى مەن تالاپتارىن بىلدىرۋىنە جاعداي جاساۋىمىز كەرەك. بىراق كەز كەلگەن زاڭسىزدىق پەن قۇقىق ءتارتىبىن بۇزۋعا جول بەرىلمەيدى»، دەدى وبلىس اكىمى.

ءوڭىر باسشىسى ءوز سوزىندە وبلىس­تىڭ بۇگىنگى الەۋمەتتىك-ەكونوميكالىق جاي-كۇيىنە توقتالىپ، جولداۋدان تۋىن­دايتىن تاپسىرمالاردى جەدەل ورىنداۋ قاجەتتىگىن ايتتى. وڭىرلەردى دامىتۋدىڭ بەرىك نەگىزدەرىنىڭ ءبىرى رەتىندە پرەزيدەنت اتاپ وتكەن تۋريزم سالاسىن دامىتۋ ءۇشىن قاجەتتى ينفراقۇرىلىم جۇرگىزۋ، سونىڭ ىشىندە جول سالىپ، بىلىكتى ماماندار دايىنداۋدى قامتاماسىز ەتۋ قاجەت. ءبىر ءتاۋىرى، باتىس قازاقستان وبلىسى بويىنشا تۋريستىك ورىنداردى تاماشالاۋعا كەلگەن ادامداردىڭ سانى وتكەن جىلمەن سالىستىرعاندا 18،4% كوبەيگەن. وڭىردەگى كيەلى ورىن­داردىڭ تۋريستىك مارشرۋتتارى، وبلىستىڭ ينتەراكتيۆتى كارتاسى دا­­تستستسيىندالدى. بوكەي ورداسى تاريحي-ولكەتانۋ مۋزەي-قورىعى، «جۇماعازى حازىرەت» كەشەنى، «الاش وردا» مۋزەيىنىڭ 3D-مودەلدى ۆيرتۋالدى تۋرلارى جاساقتالدى. «اتالعان ورىن­دارعا ينفراقۇرىلىم تارتۋ ماسەلەسى قولعا الىنۋدا.

اكتيۆ جينالىسىندا ءوڭىردىڭ سان-سالالى ماسەلەلەرى اشىق قوزعالدى. ءسوز العان ەڭبەك ارداگەرى، سالالىق مادەنيەت جانە سپورت قىزمەتكەرلەرى كاسىپوداعى فيليالىنىڭ توراعاسى ايدار باتىرحانوۆ، ماحامبەت وتە­مىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ وقى­تۋشىسى، ساياساتتانۋشى پاۆەل دوب­رياەۆ، وبلىستىق «قوعامدىق كەلىسىم» كوممۋنالدىق مەملەكەتتىك مە­كە­مەسى ديرەكتورىنىڭ ورىنباسارى جامال يحسانوۆا، «اقجايىق – ادالدىق الاڭى» جوبالىق كەڭسە­سىنىڭ جەتەكشىسى ءاليا ساليەۆا، «اساد» جەكە كاسىپورنىنىڭ ديرەك­تورى اقبار جاقسىقۇلوۆ جانە باس­قالارى مەملەكەت باسشىسىنىڭ جول­­داۋىن ءبىر كىسىدەي قولداپ، وبلىس تۇر­عىندارىن پرەزيدەنت ناقتىلاپ بەر­گەن باعىت-باعداردى جۇزەگە اسى­رۋعا شاقىردى. اكتيۆ جينالىسى اي­تىلعان پىكىرلەر مەن ۇسىنىستار بو­يىنشا قاۋلى قابىلدادى.

باتىس قازاقستان وبلىسى

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار