بۇل جوبا اقپارات جəنە قوعامدىق دامۋ مينيسترلىگى جəنە «ازاماتتىق باستامالاردى قولداۋ ورتالىعىمەن» كەاق بىرلەسىپ ىسكە اسىرىلۋدا. جوبانىڭ نەگىزگى ماقساتى جاستار جىلى اياسىندا قازاقستانداعى دەباتتىق قوزعالىستى جانداندىرۋ جəنە دەبات فەدەراتسياسىن قۇرۋ.
«قازاق باياعىدان ءسوزدى قۇرمەتتەگەن حالىقپىز عوي, سوندىقتان دا دەبات وسى ءبىزدىڭ جاستارعا ءسوزدى ءتۇسىنۋدى, ءسوزدى جەتكىزۋدى جəنە ويلاۋ ارناسىن كەڭەيتۋدى, كەز-كەلگەن جاعدايعا وزىندىك ساراپتاماسىن بەرۋدى ۇيرەتەدى دەپ ويلايمىز» دەپ اتاپ ءوتتى دəۋلەت كəرىبەك.
تۋرنير 2 كۇن 20-21 قىركۇيەك, ال ۇزدىك دەباتەرلەر ءتۋرنيردىڭ قورىتىندى كۇنى 22 قىركۇيەكتە انىقتالادى. ءتۋرنيردىڭ ەرەكشەلىگى, اتاقتى بلوگەرلەر, ۆاينەرلەر, جۋرناليستەر مەن قوعام قايراتكەرلەرىنىڭ قاتىسۋىمەن جۇلدىزدى ويىنىڭ «Stars Game» وتكىزىلۋى.
سونىمەن قاتار, جوبا اياسىندا تۋرنير قاتىسۋشىلارى مەن تورەشىلەرى ءۇشىن سەمينار, وقىتۋ ترەنينگى وتكىزىلدى. ونىڭ قورىتىندىسى بويىنشا بارلىق قاتىسۋشىلارعا پىكىرتالاس بويىنشا ترەنينگ وتكىزۋ ءۇشىن جاتتىقتىرۋشىلار مەن تورەشىلەردىڭ سەرتيفيكاتتارى بەرىلدى. قازان ايىندا دەباتەرلەرگە ارنالعان سايتپەن ءموبيلدى قوسىمشانىڭ تۇساۋكەسەرى وتەدى. تايم-كيپەرلەردى الماستىرۋعا ارنالعان ءموبيلدى قوسىمشانىڭ قازىرگى تاڭدا قازاقستاندا بالاماسى جوق.
