ارناۋلى سوزىندە ۇكىمەت باسشىسى قازاقستاندا قازىرگى دەيىن ەلىمىزدىڭ كومىرسۋتەك سەكتورىنا $9,5 ملرد ينۆەستيتسيا سالعان «لۋكويل» كومپانياسىنىڭ زاۋىتىنىڭ اشىلۋى ەلىمىزدىڭ مۇناي-گاز سەكتورىنىڭ دامۋىنىڭ قازىرگى ۆەكتورىنا, اتاپ ايتقاندا, شيكىزاتتىق باعىتتىلىقتان تەرەڭ وڭدەلەتىن ءونىم شىعارۋعا كوشۋگە ساي كەلەتىنىن ايتتى.
زاۋىتتىڭ قۋاتتىلىعى — جىلىنا 100 مىڭ توننا ءونىم – 800-دەن اسا ماي تۇرلەرىن قامتيدى. ءوندىرىس قازاقستان مەن ورتالىق ازيا ەلدەرىنىڭ, سونداي-اق, قىتاي, اۋعانستان جانە موڭعوليانىڭ ىشكى نارىعىن مايلاۋ مايلارىمەن قامتاماسىز ەتۋگە ارنالعان. زاۋىتقا «باتىس ەۋروپا – باتىس قىتاي» كولىك ماگيسترالىنىڭ جاقىن ورنالاسۋى لوگيستيكالىق پروتسەستەردى وڭتايلاندىرۋعا مۇمكىندىك بەرەدى.
كاسىپورىننىڭ قۇرىلىسىنا جانە ونى جاراقتاندىرۋعا سالىنعان جالپى ينۆەستيتسيالار كولەمى $94 ملن قۇرادى. جوبا قازاقستان رەسپۋبليكاسىنىڭ زاڭناماسى مەن ونەركاسىپتىك قاۋىپسىزدىك, ەڭبەكتى قورعاۋ جانە قورشاعان ورتانى قورعاۋ سالاسىنداعى حالىقارالىق قۇقىق تالاپتارىنا قاتاڭ سايكەستىكتە جۇزەگە اسىرىلدى.
پرەمەر-ءمينيستردىڭ قاتىسۋىمەن «لۋكويل» جاق جانە «قازمۇنايگاز» ۇك» اق اراسىندا «قازاقستان رەسپۋبليكاسىنىڭ اۋماعىنداعى ۋچاسكەلەردى بىرلەسىپ زەرتتەۋ تۋرالى» كەلىسىمگە قول قويىلدى.
