جاڭا ينستاللياتسيا «حالىق بانكىنىڭ» ليساكوۆ قالالىق فيليالىنىڭ اينالما جولىن اشەكەيلەپ تۇر. بۇل «رۋحاني جاڭعىرۋ» باعدارلاماسى اياسىندا جەرگىلىكتى بيزنەسمەندەردىڭ سۇيىكتى شاھارىنا جاساعان سىيلىعى بولاتىن.
ارحيتەكتۋرالىق نىساننىڭ نوبايىن قالاداعى «ەكسكليۋزيۆستروي» جاۋاپكەرشىلىگى شەكتەۋلى سەرىكتەستىگى دايىندادى. كاسىپورىن ماماندارى بيىكتىگى 15 مەتر بولاتىن قۇرىلىستىڭ جوباسىن سىزعاندا ونىڭ 97 مەترلىك تۇپنۇسقاسى كولەمىمەن سالىستىرا وتىرىپ, پايدالاناتىن ماتەريالداردىڭ جەل قۋاتىنا توزىمدىلىگىن ەسكەرگەن.
«بايتەرەكتىڭ» قۇرىلىمىن «سپەتسستالكونسترۋكتسي» جاۋاپكەرشىلىگى شەكتەۋلى سەرىكتەستىگى 5 اي بويى جاسادى. ال قۇراستىرىلۋى ەكى كۇننىڭ ىشىندە جۇزەگە اسقان. كەرەك-جاراعىنا ليساكوۆتاعى ءىرى ءوندىرىس ورىندارى دا كومەگىن اياماپتى. كىشى «بايتەرەككە» ءتۇرلى-ءتۇستى يلليۋميناتسيا تارتىلعان, بۇل ونىڭ قوسىمشا اشەكەيى بولىپ تابىلادى.
– «بايتەرەك» تۇپنۇسقاسىنان اۋمايدى. اينالاسىنا كەرەمەت كورىك بەرىپ تۇر, كورگەن سايىن كوڭىلىمىز جىليدى, – دەيدى قالانىڭ ءبىز تىلدەسكەن كەز كەلگەن تۇرعىنى.
قوستاناي وبلىسى,
ليساكوۆ قالاسى
