وعان وبلىس اكىمىنىڭ ورىنباسارى, دەپارتامەنت, باسقارما باسشىلارى مەن «ەنەرگوسيستەما» جشس, «قازترانسگازايماق» ءاوف, قتج ۇك «ماگيسترالدىق جەلىنىڭ اقتوبە بولىمشەسى» اق فيليالىنىڭ وكىلدەرىمەن ۆيدەبايلانىس رەجيمىندە اۋدان اكىمدەرى قاتىستى. اقتوبە وبلىسى بويىنشا 2019-2020 جىلدارداعى جىلىتۋ ماۋسىمىنا دايىندىق بارىسى تۋرالى تۋرالى ەنەرگەتيكا جانە تۇرعىن-ءۇي كوممۋنالدىق شارۋاشىلىعى باسقارماسى باسشىسىنىڭ م.ا قارجاۋباي ىبرايىم ۇلى باياندادى. جىلىتۋ ماۋسىمىنا قازاندىقتار, 274,5 شاقىرىم جىلۋ جەلىلەرى 100% جوندەۋدەن وتكەن. جىلىتۋ ماۋسىمىنىڭ ۇزدىكسىز ءوتۋى ءۇشىن الەۋمەتتىك سالالارعا بۇگىنگى كۇنى 33 237,1 توننا كومىر جانە 1 750,0 توننا سۇيىق وتىن جەتكىزىلگەن. جىلۋ الدىمەن الەۋمەتتىك ماڭىزى بار مەكەمەلەرگە قازان ايىنىڭ بىرىنەن باستاپ بەرىلەدى.
الداعى جىلىتۋ ماۋسىمىنا حالىققا 37 مىڭ توننا كومىر قاجەت. بۇگىنگى كۇنگە 88 ۆاگون نەمەسە 6 160 توننا كومىر جەتكىزىلدى, سونىمەن قاتار اپتا سايىن 500-700 توننا كولەمىندە كومىر وتىنى جەتكىزىلۋدە. ساتۋ باعاسى تونناسىنا 15 200-16 500 تەڭگەنى قۇرايدى. تۇرمىستىق كومىر وتىنى بىرقالىپتى ساتىلۋدا, قازىرگى تاڭدا كۇندەلىكتى ساتۋ كولەمى 40-50 توننا بولىپ وتىر. وبلىس تۇرعىندارى ءۇشىن كومىر وتىنى شۇباركول, مايكوبەن, ەكىباستۇز, قاراجىرا كومىر الاپتارىنان جەتكىزىلەدى.
«15 قازانعا دەيىن جىلىتۋ ماۋسىمىنا دايىندىقتى اياقتاۋ قاجەت, اۋدان اكىمدەرى جەرگىلىكتى كومىر تاسۋشى كومپانيالارمەن ءتيىستى جۇمىستار جۇرگىزسىن, قاجەتتى وتىندى تاسىمالداۋدى باستاپ, تۇرعىندارعا قاۋىپسىزدىكتىڭ الدىن-الۋ بويىنشا دا ءتۇسىندىرۋ جۇمىستارى ءتيىستى دەڭگەيدە اتقارىلسىن»,- دەپ اتاپ ءوتتى وبلىس اكىمى.
سونداي اق جيىندا قوسىمشا ءورت ءسوندىرۋ بەكەتتەرىن سالۋ, ونەركاسىپ نىساندارىنىڭ تەحنولوگيالىق جابدىقتارىنىڭ جاعدايى, ەسكىرگەن جابدىقتاردى الماستىرۋ جانە جاڭارتۋ تۋرالى ماسەلەلەرى قارالدى.
وڭداسىن ورازالين جىلىتۋ ماۋسىمىنا قاتىستى ورىنباسارى راحات سىدىقوۆقا اۋدان اكىمدەرىمەن بىرىگە كوتەرىلگەن ماسەلەلەردى جۇيەلى تۇردە شەشۋدى تاپسىردى.
