«100 ناقتى قادام» ۇلت جوسپارىن جۇزەگە اسىرۋ ەلباسىنىڭ جەكە باقىلاۋىندا. مەملەكەت باسشىسى ق. توقاەۆ قازاقستان حالقىنا ارناعان جولداۋىندا ەلباسى قۇرعان جاڭعىرتۋ جونىندەگى ۇلتتىق كوميسسيانىڭ جۇمىسىن قايتا باستاۋدى تاپسىردى. «100 ناقتى قادام» ۇلت جوسپارىنىڭ ورىندالۋىن باقىلاۋ مىندەتى ەل پارلامەنتىندەگى Nur Otan پارتياسى فراكتسياسىنىڭ الدىنا دا قويىلعان. قازىرگى شىنايىلىقتاردى جانە وزگەرىپ جاتقان جاعدايدى ەسكەرە وتىرىپ, ءبىز بارلىق كۇش-جىگەرىمىزدى ۇيلەستىرىپ, ۇلت جوسپارىنىڭ قادامدارىن ىسكە اسىرۋ بويىنشا قازىرگى تاسىلدەردى قايتا قاراپ, جۇمىستى جانداندىرۋىمىز كەرەك», - دەدى ا. مامين.
بۇگىنگى تاڭدا ۇلت جوسپارىنىڭ 100 قادامىنىڭ 58-ءى ورىندالىپ, باقىلاۋدان شىعارىلدى, 3 قادام «رۋحاني جاڭعىرۋ» باعدارلاماسى اياسىندا جۇزەگە اسىرىلىپ جاتىر جانە قوعامدىق سانانى جاڭعىرتۋ جونىندەگى ۇلتتىق كوميسسيانىڭ باقىلاۋىندا.
قالعان 39 قادامدى ىسكە اسىرۋ بارىسى تۋرالى ۇلتتىق ەكونوميكا ءمينيسترى ر. دالەنوۆ, مەملەكەتتىك قىزمەت ىستەرى اگەنتتىگىنىڭ توراعاسى ا. جايىلعانوۆا, اۋىل شارۋاشىلىعى ءمينيسترى س. وماروۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, سىرتقى ىستەر ءمينيسترى م. تىلەۋبەردى, ساۋدا جانە ينتەگراتسيا ءمينيسترى ب. سۇلتانوۆ, ەنەرگەتيكا ءمينيسترى ق. بوزىمباەۆ, پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ جانە ۇكىمەتتىڭ بىرقاتار مۇشەلەرى باياندادى.
پرەمەر-مينيستر كەيىننەن مەملەكەت باسشىسى ق. توقاەۆقا بەكىتۋگە جىبەرۋ ءۇشىن ۇلتتىق ەكونوميكا مينيسترلىگى ۇسىنعان جول كارتاسى مەن جاڭعىرتۋ جونىندەگى ۇلتتىق كوميسسيانىڭ جۇمىس جوسپارىنىڭ جوبالارىن ءبىر اپتا ىشىندە قاراۋدى تاپسىردى.
