قازاقستاننىڭ دسۇ-عا مۇشەلىگىنىڭ جاي-كۇيى مەن كەلەشەگىن باعالاۋ جونىندەگى باياندامالارمەن, سونداي-اق ەلدەگى ينۆەستيتسيالىق احۋالدى جاقسارتۋ جونىندەگى ۇسىنىستارمەن قازاقستاندا اككرەديتتەلگەن اقش ەلشىسى ۋ. موزەر, ۇلىبريتانيا ەلشىسى م. گيففورد, كانادا ەلشىسى ن. برۋسسو, ەۋروپالىق وداق ەلشىسى سۆەن-ولوۆ كارلسسون, دسۇ-داعى كانادانىڭ تۇراقتى وكىلى س. بوەر, اقش ساۋدا وكىلى كومەكشىسىنىڭ ورىنباسارى ز. رەيازۋددين, «Shell Kazakhstan» ۆيتسە-پرەزيدەنتى جانە ەلدىك توراعاسى و. لازار, «OMV Petrom» باسقارۋشى ديرەكتورى د. بارۋ, «Globalink» پرەزيدەنتى س. حان, «Baker & MacKenzie» سەرىكتەسى ا. يورش ءسوز سويلەدى.
ۇكىمەت باسشىسى 2050 جىلعا قاراي الەمنىڭ اسا دامىعان 30 ەلىنىڭ قاتارىنا كىرۋ ءۇشىن ءجىو-ءنىڭ جىل سايىنعى ءوسۋ قارقىنىن 5% دەڭگەيىندە قامتاماسىز ەتۋ قاجەت ەكەنىن, بۇل رەتتە نەگىزگى كاپيتالعا سالىنعان ينۆەستيتسيالار دەڭگەيى 2024 جىلى ءجىو-ءنىڭ 30% دەيىن جەتۋى كەرەك ەكەنىن اتاپ ءوتتى.
«تىكەلەي شەتەلدىك ينۆەستيتسيالار – بۇل ينۆەستيتسيالاردىڭ ماڭىزدى كوزى. وسىعان بايلانىستى قازاقستان ينۆەستيتسيا تارتۋ بويىنشا پرواكتيۆتى پوزيتسيانى ۇستانۋى كەرەك», — دەدى ا. مامين.
پرەمەر-مينيستر 2020 جىلعى ماۋسىمدا نۇر-سۇلتان قالاسىندا دسۇ-نىڭ 12-ءشى مينيسترلەر كونفەرەنتسياسىن وتكىزۋ جوسپارلانعانىن ايتتى.
«بۇل بىزگە قازاقستاننىڭ ەكونوميكالىق جانە ينۆەستيتسيالىق ساياساتىنىڭ اشىقتىعىن كورسەتۋگە جول اشادى جانە ەلىمىزدىڭ كوپجاقتى ساۋدا جۇيەسىنە بەلسەندى قاتىسۋشى رەتىندەگى مارتەبەسىن راستايدى», — دەپ اتاپ ءوتتى ا. مامين.
قازاقستان — 2015 جىلدان باستاپ دسۇ-نىڭ رەسمي مۇشەسى.
دسۇ-مەن ءوزارا ءىس-قيمىل اياسىندا قازاقستاندا ۆاليۋتالىق رەتتەۋ, باعا بەلگىلەۋ جانە باسەكەلەستىكتى دامىتۋ, سالىق ساياساتى, كەدەندىك رەتتەۋ, يمپورتتى ليتسەنزيالاۋ, زياتكەرلىك مەنشىك قۇقىعىن قورعاۋ, ءونىمنىڭ قاۋىپسىزدىگىن قامتاماسىز ەتۋ سالاسىنداعى بىرقاتار زاڭنامالىق اكتىلەر جەتىلدىرىلدى, سونىڭ ىشىندە تەحنيكالىق رەتتەۋ, سانيتارلىق جانە ۆەتەرينارلىق سيپاتتاعى شارالاردى قابىلداۋ ارقىلى جۇزەگە اسىرىلدى.
قازاقستانداعى بيزنەس جۇرگىزۋ راسىمدەرىن جەڭىلدەتۋ جانە ينۆەستيتسيالىق احۋالدى جاقسارتۋ ماقساتىندا 50-دەن استام زاڭنامالىق اكتىلەرگە وزگەرىستەر ەنگىزىلدى. وسى جىلدىڭ ماۋسىم ايىندا قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى قۇرىلدى, ول دسۇ-مەن ءوزارا ءىس-قيمىل ماسەلەلەرىن ىلگەرىلەتۋدى قوسا العاندا, ەلىمىزدىڭ ىشكى جانە سىرتقى ساۋدا ساياساتىن قالىپتاستىرۋعا جانە جۇزەگە اسىرۋعا باعىتتالعان.
