قوعام • 19 قىركۇيەك، 2019

بۇرىنعى اسكەري قىزمەتشىلەرگە ەلوردادان جاڭا ءۇي بەرىلدى

76 رەتكورسەتىلدى

قازاقستان قارۋلى كۇشتەردىڭ قاتارىندا بۇرىن قىزمەت ەتكەن اسكەري قىزمەتشىلەرگە ەلوردادا پاتەرلەردىڭ كىلتى بەرىلدى. بۇگىنگى تاڭدا قازاقستان اسكەرىندە جۇرگىزىلىپ جاتقان اۋىستىرۋ باعدارلاماسى اياسىندا 12 اسكەري قىزمەتشىنىڭ وتباسىلارى جەكە تۇعىن ۇيگە قول جەتكىزدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى. 

اسكەري قىزمەتشىلەردىڭ بارلىعى قر قارۋلى كۇشتەرىندە 10 جىلدان 20 جىلعا دەيىن قىزمەت ەتكەن. وسىعان دەيىن ولار وتباسىلارىمەن بىرگە اقتوبە، جامبىل جانە الماتى وبلىستارى، الماتى، اياگوز، جاركەنت قالالارى جانە جەتىگەن كەنتىندە قىزمەتتىك پاتەرلەردە تۇرعان.

بۇگىنگى كۇندە قىزمەتىن اياقتاعان اسكەري قىزمەتشىلەردىڭ تۇرعىن ءۇي ماسەلەلەرىن شەشۋ ءۇشىن باسپانامەن الماسۋ باعدارلاماسى جۇمىس ىستەيدى. باعدارلاما اياسىندا جەكەشەلەندىرىلمەيتىن قىزمەتتىك پاتەردى قالاداعى پاتەرگە جەكەشەلەندىرىپ، ونى قالدىق باعامەن جەكەمەنشىك ەتۋگە بولادى. قورعانىس مينيسترلىگى رەسمي سايتىنىڭ «تۇرعىن ۇيمەن قامتاماسىز ەتۋ» بولىمىندە الماسۋعا قولجەتىمدى پاتەرلەر ءتىزىمى، سونداي-اق قاجەتتى قۇجاتتاردىڭ ءتىزىمى مەن ءىس-ارەكەت الگوريتمى كورسەتىلگەن. الماسۋعا ۇسىنىلعان پاتەرلەردىڭ قۇرىلىس جىلدارى مەن اۋدانى بويىنشا بولىنگەن، بۇدان قالدىق باعاسى وزگەرەدى. كوپ جاعدايلاردا قالدىق باعاسى نارىقتاعى باعادان ەكى نەمەسە بىرنەشە ەسە تومەن بولادى.

قازىرگى تاڭدا نۇر-سۇلتان، الماتى، شىمكەنت قالالارىندا، سونداي-اق الماتى، جامبىل، اتىراۋ، اقتوبە، شىعىس قازاقستان، ماڭعىستاۋ، قىزىلوردا، اقمولا جانە قوستاناي وبلىستارىندا پاتەر اۋىستىرۋعا قول جەتىمدى. قازىرگى كەزدە اتالمىش باعدارلامانى 100-دەن استام وتباسى قولدانعان. بۇل رەتتە 664 بۇرىنعى اسكەري قىزمەتشى جابىق جانە وقشاۋلانعان اسكەري قالاشىقتاردا تۇرىپ جاتىر، سونداي-اق اۋىستىرۋعا قۇقىعى بار. ولاردىڭ بارلىعى اسكەردە 10 جىلدان 20 جىلعا دەيىن قىزمەت ەتىپ، 2018 جىلدىڭ 1 قاڭتارىنا دەيىن قازاقستان اسكەرىنىڭ قاتارىنان كەتكەن.   

2020 جىلى اقىسىز جەكەشەلەندىرۋ قۇقىعى ورنىنا اقشالاي وتەماقى تولەمىن باستاۋ جوسپارلانۋدا ەكەندىگىن ايتا كەتكەن ءجون. ونى جابىق جانە وقشاۋلانعان اسكەري قالاشىقتاردا تۇراتىن، اسكەردە 20 جانە ودان دا كوپ جىل قىزمەت ەتكەن، 2018 جىلعا دەيىن قىزمەتىن اياقتاعان بۇرىنعى اسكەري قىزمەتشىلەر الادى.

قازاقستان رەسپۋبليكاسى قارۋلى كۇشتەرىندە 10 جىلدان 20 جىلعا دەيىن قىزمەت ەتكەن جانە 2018 جىلى 1 قاڭتارعا دەيىن قازاقستان ارمياسىنىڭ قاتارىنان كەتكەن بۇرىنعى اسكەري قىزمەتشىنىڭ تۇرعىن ءۇي ماسەلەسىن شەشۋ ءۇشىن قازاقستان رەسپۋبليكاسىنىڭ قورعانىس مينيسترلىگى تۇرعىن ءۇي زاڭناماسىنا وزگەرىستەر ەنگىزۋ تۋرالى باستاما كوتەردى. 2018 جىلعى 1 قاڭتاردا «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ 55-بابىنىڭ 6.1-تارماعىنا وزگەرىستەر ەنگىزىلدى، وعان سايكەس اسكەري قىزمەتشىلەردىڭ وسى ساناتى ءۇشىن تۇرعىن ءۇيدى مەملەكەتتىك تۇرعىن ءۇي قورىنان ايىرباستاۋ قاراستىرىلعان.

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار