قوعام • 19 قىركۇيەك، 2019

كۇن سايىن قازاقستاندا جاتىر موينى وبىرىنان 2 ايەل قايتىس بولادى

164 رەتكورسەتىلدى

وكىنىشكە وراي، بۇگىنگى تاڭدا قاي ەلدە بولسا دا ايەلدەر اراسىندا گينەكولوگيالىق قاتەرلى ىسىك تۇرلەرى كوبەيىپ تۇر. جىل سايىن قازاقستاندا 1800-گە جۋىق ادام جاتىر موينى وبىرىنا شالدىعادى.

بۇل كەسەلدەن جىلىنا 600-گە جۋىق ايەل كوز جۇمادى. ال ەۋروپالىق وداقتا ساعات سايىن 2 ايەل جمقى سالدارىنان ومىردەن وزادى. جاتىر موينى وبىرى – ونكولوگيالىق اۋرۋلاردىڭ ىشىندە 2 ورىنعا شىقتى. الايدا، الەمدىك مەديتسينالىق تاجىريبە جاتىر موينى وبىرىن باستاپقى كەزەڭدە انىقتاعان جاعدايدا بۇل دەرتتەن قۇلان-تازا ايىعۋعا بولاتىنىن كورسەتىپ وتىر. بىراق وسىعان قاراماستان، ناۋقاستاردىڭ كوپشىلىگى ءالى دە دارىگەرگە دەرتى مەڭدەگەندە ءبىر-اق كەلەدى.

سوندىقتان دا 20 قىركۇيەك گينەكولوگيالىق قاتەرلى ىسىكتەن حاباردار ەتۋدىڭ حالىقارالىق كۇنى بولىپ جاريالانىپ، ESGO مەن ENGAG قاتەرلى ىسىكپەن كۇرەس جونىندەگى حالىقارالىق ۇيىمدارى 20-دان استام ەلدى GODay، ياعني – گينەكولوگيالىق قاتەرلى ىسىكسىز الەم اتتى بىرلەسكەن ارەكەتكەە شاقىرىپ وتىر.

سونىمەن وسى ماسەلەگە وراي، الماتىداعى قازاق ونكولوگيا جانە راديولوگيا عىلىمي-زەرتتەۋ ينستيتۋتى 19 قىركۇيەكتە «قازاقستاندا ايەلدەر اراسىندا گينەكولوگيالىق قاتەرلى ىسىك اۋرۋى كوبەيىپ بارادى» تاقىرىبىندا ءباسپاسوز ءماليحاتىن وتكىزدى.

ءباسپاسوز كونفەرەنتسياسىندا قر دسم باس ونكولوگى، قر دسم قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ باسقارما ءتورايىمى ديليارا قايداروۆا مەن س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ ونكولوگيا كافەدراسىنىڭ دوتسەنتى تولقىن سادىقوۆا ونكولوگياداعى قازىرگى جاعدايعا قاتىستى جان-جاقتى  مالىمەتتەر بەردى.

مامانداردىڭ ايتۋىنشا ءبىزدىڭ ەلىمىزدە دە گينەكولوگيالىق قاتەرلى ىسىكتىڭ ەڭ ءجيى كەزدەسەتىن تۇرلەرى: جاتىر موينى وبىرى، انالىق بەز وبىرى، ەندومەتريا وبىرى جانە سارپاي (ۆۋلۆا).

ماسەلەن، 2018 جىلى بۇكىل الەمدە گينەكولوگيالىق راكتان 468 000 ايەل قايتىس بولعان. قايعىلى وقيعالاردىڭ 67%-ى جاتىر موينى وبىرىنىڭ ۇلەسىندە. دەمەك، گينەكولوگيالىق قاتەرلى ىسىك تۋرالى ايەلدەردىڭ جالپى حاباردارلىق دەڭگەيى ءالى دە ايتارلىقتاي تومەن ەكەندىگى انىق بولىپ وتىر.

ماسەلەن، ماقالا باسىندا اتاپ وتكەندەي، كۇن سايىن قازاقستاندا جاتىر موينى وبىرىنان 600 ايەل، جاتىر دەنەسى وبىرىنان 230، انالىق بەز وبىرىنان 450-دەي قىز-كەلىنشەك كوز جۇمادى. ەڭ وكىنىشتىسى، ولاردىڭ كوپشىلىگى بالا تاباتىن، ءومىرى جاينايتۇعىن جاستا كەتەدى.

ناقتى دەرەكتەرگە سۇيەنسەك، جاتىر موينى وبىرى كورسەتكىشى قوستاناي وبلىسى (100 مىڭ ايەلگە شاققاندا 16،2) اقتوبە وبلىسى (14،7)، باتىس قازاقستان (14،4) وبلىستارىندا جوعارى. ەڭ تومەن كورسەتكىش – شىمكەنت قالاسىندا (5،7)، تۇركىستان وبلىسىندا (5،8) جامبىل وبلىسىندا (7،1). ال جاتىر دەنەسى وبىرى قاراعاندىدا 10،9، ال شىعىس قازاقستان، پاۆلودار مەن سولتۇستىك قازاقستان وبلىستارىندا 100 مىڭ تۇرعىنعا شاققاندا 9،9 بولىپ كەلەدى. بۇل دەرتكە شالدىعۋ كورسەتكىشى تۇركىستان (1،5) مەن قىزىلوردا (2،9)  وبلىستارىندا تومەن.

سول سياقتى انالىق بەز قاتەرلى ىسىگىنە شالدىعۋ كورسەتكىشى پاۆلودار وبلىسىندا (8،6)، سولتۇستىك قازاقستان (8،7) وبلىستارىندا جوعارى. ەڭ  تومەن كورسەتكىش – جامبىل جانە اتىراۋ وبلىستارىندا – 100 مىڭ تۇرعىنعا شاققاندا 3،9.

سوڭعى جاڭالىقتار

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

پرەزيدەنت • بۇگىن، 07:04

قايتا ورالعان قۇمارشىق

ايماقتار • كەشە

ۇقساس جاڭالىقتار