قازاقستان • 19 قىركۇيەك، 2019

الماتىدا TransLogistica Kazakhstan 2019 كورمەسى اشىلدى

32 رەتكورسەتىلدى

الماتى قالاسىندا يندۋستريا جانە ينفراقۇرىلىمدىق دامۋ ۆيتسە - ءمينيسترى بەرىك كاماليەۆتىڭ قاتىسۋىمەن TransLogistica Kazakhstan 2019 كورمەسىنىڭ سالتاناتتى اشىلۋى ءوتتى. بۇل تۋرالى مينيسترلىكتىڭ ءباسپاسوز قىزمەتى حابارلادى. 

اشىلۋ سالتاناتىندا بەرىك كاماليەۆ «Translogistica Kazakhstan» كورمەسى سياقتى حالىقارالىق دەڭگەيدەگى ءىس-شارالاردى وتكىزۋ تاجىريبە الماسۋدىڭ، كولىك سالاسىنىڭ وزەكتى ماسەلەلەرىن تالقىلاۋدىڭ جانە ءوزارا ءتيىمدى ارىپتەستىك قارىم-قاتىناستاردى ورناتۋدىڭ بىرەگەي مۇمكىندىگىن بەرەتىنىن اتاپ ءوتتى.

بيىلعى جىلى TransLogistica Kazakhstan 2019-عا الەمنىڭ 12 ەلىنەن 96 كومپانيا قاتىسۋدا.

جىل سايىن كورمەگە «قازاقستان تەمىر جولى» ۇك» اق، «KTZ Express» اق، «قتج-جۇك تاسىمالى» اق، «اقتاۋ حالىقارالىق تەڭىز ساۋدا پورتى» ۇك» اق، قۇرىق پورتى، «KTZE-Khorgos Gateway» جشس، «قورعاس – شىعىس قاقپاسى» ارنايى ەكونوميكالىق ايماعى «ۋك» اق، «اقتاۋ تەڭىز سولتۇستىك تەرمينالى» جشس سياقتى ءىرى كومپانيالار قاتىسادى.

بيىلعى جىلى كورمەنىڭ قاتىسۋشىلارى مەن قوناقتارى ءۇشىن 18-20 قىركۇيەك ارالىعىندا وتەتىن بىرەگەي ىسكەرلىك باعدارلاما دايىندالدى.

بيىلعى جىلى ساراپشىلار كولىك سالاسىن دامىتۋ، جۇك تاسىمالىنىڭ الەۋەتى جانە كولىك ينفراقۇرىلىمىن جەتىلدىرۋ، كونتەينەرلىك تاسىمالدار نارىعىنداعى باستى ۇردىستەر، نورماتيۆتىك بازانى تسيفرلاندىرۋ جانە جەتىلدىرۋ، زاڭناماداعى پروبلەمالاردى شەشۋ ماسەلەلەرىن تالقىلايدى.

TransLogistica Kazakhstan كورمەسىن جىل سايىن اتاكەنت-ەكسپو جانە Iteca حالىقارالىق كورمە كومپانيالارى يندۋستريا جانە ينفراقۇرىلىمدىق دامۋ مينيسترلىگىنىڭ، «قازاقستان تەمىر جولى» ۇك» اق، «KAZLOGISTICS» كولىكتىك جانە لوگيستيكالىق ۇيىمدار مەن قاۋىمداستىقتار وداعى، تاسىمالداۋشىلار مەن ۆاگوندار وپەراتورلارى قاۋىمداستىعىنىڭ جانە ۇلتتىق ەكسپەديتورلار قاۋىمداستىعىنىڭ قولداۋىمەن ITE Group ( ۇلىبريتانيا) حالىقارالىق ارىپتەسىمەن بىرلەسىپ وتكىزەدى.

سوڭعى جاڭالىقتار

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

زاڭ كەرەك!

ەكولوگيا • كەشە

يت جۇگىرتىپ، قۇس سالدى

ايماقتار • كەشە

سەنىم ءھام سەرپىن

رۋحانيات • كەشە

ۇقساس جاڭالىقتار