وقيعا پوليتسيا دەپارتامەنتىنىڭ «كوكنار» جانە «دوپينگ» جەدەل-پروفيلاكتيكالىق ءىس-شاراسى بارىسىندا انىقتالعان. ەسىرتكى بيزنەسىنە قارسى كۇرەس بويىنشا ءبولىنىس قىزمەتكەرلەرىنىڭ جەدەل اقپاراتىنا سايكەس 1992 جىلى تۋعان «ج» ەسىمدى ازامات انىقتالىپ, ۇستالدى.
گاراجدىڭ جەرتولەسىندە قاراسورا ءوسىرۋ ءۇشىن بارلىق جاعداي جاسالعان, ياعني جەرتولە قابىرعالارى پەنوفولمەن وقشاۋلانىپ, اۋا اينالدىراتىن ۆەنتيلياتسياسى ىسكە قوسىلىپ, جاساندى جارىقتاندىرۋ (فيتولامپ) قويىلعان. قاجەتتى تەمپەراتۋرانى ۇستاپ تۇرۋ ءۇشىن رادياتور ورناتىلعان. ءتىنتۋ كەزىندە وسىرىلگەن قاراسورا جانە پايدالانۋعا دايىن «ماريحۋانا» ەسىرتكى زاتى تاركىلەندى. سوت-مەديتسينالىق ساراپتاما ناتيجەسى بويىنشا شامامەن 600 گر. «ماريحۋانا» ەسىرتكى زاتى جانە 3 ءتۇپ قاراسورا تەكتەس وسىمدىك تاركىلەندى.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 300-بابى 1-بولىمىنە (قۇرامىندا ەسiرتكi زاتتار بار, وسiرۋگە تىيىم سالىنعان وسiمدiكتەردi زاڭسىز ەگىپ-ءوسىرۋ) سايكەس سوتقا دەيىنگى تەرگەۋ امالدارى جۇرگىزىلۋدە.
باتىس قازاقستان
