رۋحانيات • 19 قىركۇيەك، 2019

قاراعاندىدا «ساكەن» كىتابىنىڭ تۇساۋكەسەر ءراسىمى ءوتتى

69 رەتكورسەتىلدى

كەنشىلەر استاناسىندا ساكەن سەيفۋلليننىڭ 125 جىلدىعىنا ارنالعان حالىقارالىق ايتىس قارساڭىندا «ساكەن» كىتابىنىڭ تۇساۋكەسەرى ءوتتى. نۇر-سۇلتان قالاسىندا جارىق كورگەن قۇندى ەڭبەكتى قۇراستىرۋشى – قازاقستاننىڭ ەڭبەك سىڭىرگەن قايراتكەرى، اقىن امانجول التاەۆ.

كىتاپتىڭ تۇساۋكەسەرىنە وراي ۇيىمداستىرىلعان ءباسپاسوز ءماسليحاتىندا امانجول التاەۆ بۇل جوبانى ىسكە اسىرۋدىڭ كوپتەن بەرى ويىندا جۇرگەنىنەن  حاباردار ەتتى.

– اقىرىندا وسى ويىمدى جۇزەگە اسىرۋدىڭ ءساتى ءتۇستى. «ساكەن» كىتابى قاراعاندى وبلىسى اكىمدىگىنىڭ قولداۋىمەن اقىننىڭ مەرەيتويىنا ارنالىپ 1000 دانا تارالىممەن جارىق كوردى. باسىلىم ءۇش بولىمنەن تۇرادى. ءبىرىنشى بولىمدە ساكەن سەيفۋللين تۋرالى ماقالالار مەن عىلىمي ماتەريالدار توپتاستىرىلعان. ودان كەيىنگى بولىمدە بەلگىلى اقىندار جانە جاس اۆتورلاردىڭ ساكەن تۋرالى ولەڭدەرى باسىلعان. ال ءۇشىنشى بولىمدە ساكەن سەيفۋلليننىڭ شىعارمالارى ۇسىنىلعان. تيراجدىڭ ءبىر بولىگى كىتاپحانالارعا تۇسەدى، – دەدى ول.

«ساكەن» كىتابىنىڭ تۇساۋكەسەر راسىمىنە حالىق ءارتىسى، قازاقستاننىڭ ەڭبەك ەرى ءاسانالى ءاشىموۆ پەن حالىقارالىق ايتىس جانە جىرشى-تەرمەشىلەر وداعىنىڭ باسشىسى ءجۇرسىن ەرمان قاتىسىپ، جىلى لەبىزدەرىن ءبىلدىردى.

  

 

قاراعاندى وبلىسى

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ۇقساس جاڭالىقتار