كوميسسيا مۇشەلەرى ەڭ الدىمەن رۋدنىيداعى «جاس قانات – 2006» قۇس فابريكاسىنا باردى. جاڭعىرتۋ جۇمىستارىنىڭ ءۇش كەزەڭىنەن وتكەن كاسىپورىندا, بارلىق ينفراقۇرىلىم جۇيەلەرى وتكىزىلىپ, جوعارى تەحنوگولوگيالىق جابدىقتار ساتىپ الىنعان. ينۆەستيتسيا كولەمى 3 ملرد تەڭگەدەن اسادى. سۇرىپتاۋ تسەحىندا ايماقتىق كوميسسيانىڭ توراعاسى, وبلىستىق «Nur Otan» پارتياسى اتىنان وبلىستىق ءماسليحات دەپۋتاتى سامات اقىشەۆقا ساعاتىنا 120 مىڭ جۇمىرتقانى دايىندايتىن Nabel اتتى جاپوندىق جابدىق تانىستىرىلدى. ءوندىرىستى اۆتوماتيزاتسيالاۋ ارقىلى 8 ساعاتتىق جۇمىس كۇنىندە 1 ملن جۇمىرتقاعا دەيىن تاسىمالداۋعا بولادى.
«جاڭعىرتۋ شارالارى اياسىندا جۇمىرتقا, ەت جانە تاعى باسقا. ونىمدەردى تەرەڭ وندەۋدىڭ اۆتوماتتى جەلىسىن قوسۋدى جوسپارلاپ وتىرمىز. 2019-2021 جىلدار ارالىعىندا تۇقىمدى رەپرودۋكتوردىڭ قۇرىلىسى جوسپارلانعان. بۇل جابدىق تولىق اۆتوماتتاندىرىلعان. جوبانىڭ ءساتتى جۇزەگە اسۋى يمپورت كولەمىن 40 پايىزعا تومەندەتۋگە مۇمكىندىك بەرەدى» دەيدى «جاس-قانات 2006» جشس-نىڭ ءوندىرىستى دامىتۋ جونىندەگى ديرەكتورى الەكساندر كوروستىلەۆ.
كوميسسيا مۇشەلەرى رۋدنىيداعى يندۋستريالىق-يننوۆاتسيالىق دامۋ باعدارلاماسى شەڭبەرىندە وتكەن جىلدىڭ جەلتوقسان ايىندا ىسكە قوسىلعان تسەمەنت زاۋىتىندا دا بولدى. العاشقى ءونىم مۇندا ءساۋىر ايىنان دايىندالا باستادى. ءبىر ايدان كەيىن, تسەمەنتتىك ديىرمەن ىسكە قوسىلدى. بۇگىندە ماماندار جونەلتۋ جەلىسىن ودان ءارى دامىتۋىمەن اينالىسۋدا. زاماناۋي تەمىر جول تارازىسى ورناتىلاتىن بولادى. بۇل ءونىمدى جەدەل تاسىمالداۋعا مۇمكىندىك بەرەدى.
«نارىق وتە ۇلكەن بولعاندىقتان, ءبىز نەگىزگى ءتورت باعىتتى قامتىپ وتىرمىز: 50 كەلىلىك قاپتارمەن ساتۋ, جۇمساق كونتەينەرگە توننالىق تسەمەنتتەردى جونەلتۋ, تسەمەنت تاسىمالدايتىن كولىكتەر مەن تەمىرجول ارقىلى جەتكىزۋ» دەيدى زاۋىت ديرەكتورى ارتەم ماكلاسوۆ.
ورتالىق باسقارۋ ءپۋلتىنىڭ وپەراتور ماماندارى بەلگراد مەملەكەتتىك تەحنولوگيالىق ۋنيۆەرسيتەتىندە دايارلاندى. سونداي-اق, ارنايى مامانداردى رۋدنىي يندۋستريالىق ينستيتۋتى مەن جەرگىلىكتى ورتا ءبىلىم بەرۋ مەكەمەلەرى قولعا العان. حالىق قالاۋلىسى سامات اقىشەۆتىڭ ا تۋىنشا, رۋدنىيلىق تسەمەنتتىڭ نەگىزگى ساپاسى ونىڭ توزىمدىلىگىندە. كوشپەلى وتىرىستىڭ قورىتىندىسى بويىنشا كوميسسيا مۇشەلەرى كەنشىلەر شاھارىنداعى مەملەكەتتىڭ جاردەمىمەن جۇزەگە اسىرىلىپ جاتقان تولايىم تابىستارعا وڭ باعاسىن بەردى.
رۋدنىي
