«پوليتسيا ۆولونتەرى» اتىنىڭ تاعى ءبىر ارتىقشىلىعى – كەلەشەكتە جۇمىسقا ورنالاسۋعا وڭ سەپتىگىن تيگىزەدى» دەدى قوستاناي وبلىسى پوليتسيا دەپارتامەنتى كادر ساياساتى باسقارماسىنىڭ باستىعى, پولكوۆنيك باعدات يتەسوۆ.
«پوليتسيا ۆولونتەرى» دەگەن جازۋى بار كۋالىك پەن ارنايى كەۋدەشەلەردى جەرگىلىكتى پوليتسيا قىزمەتىنىڭ باستىعى پودپولكوۆنيك قۇرمەت ماجىكەنوۆ تابىس ەتتى.
«بۇگىن پوليتسيا سالاسىندا 500-دەن استام ادام ەرىكتى تۇردە كومەك كورسەتەدى. ولار جىل باسىنان بەرى ولار 12 قىلمىس پەن 400 اكىمشىلىك قۇقىق بۇزۋشىلىقتى انىقتادى. قوعامدىق ءتارتىپتى ساقتاۋعا بەلسەنە قاتىسقانى ءۇشىن 110 پوليتسيا كومەكشىسى ماراپاتتالدى» دەدى قۇرمەت ماجىكەنوۆ.
پوليتسيا ەرىكتىسى سالتانات ايمۇرزينا دا كۋالىگىن العانداردىڭ اراسىندا بولدى. ول ەكى جىل بويى «دوس» ىزدەستىرۋ جاساعىنىڭ قۇرامىندا بەلسەندى جۇمىس ىستەپ كەلەدى.
«مەن مۇنى ازاماتتىق پارىزىم دەپ سانايمىن. ءبىزدىڭ وترياد جوعالعان ادامداردى ىزدەۋدەگى ءىس-شارالارىن بەلسەندى جۇرگىزەدى, سونداي-اق مۇقتاجدارعا كومەكتەسەدى. «پوليتسيا ۆولونتەرى» اتىن ودان ءارى جۇمىسقا ورنالاسۋعا مۇمكىندىك بەرەدى, ويتكەنى ءبىز وسى ماماندىقتىڭ قىر-سىرىن قازىردىڭ وزىندە مەڭگەرىپ ۇلگەردىك» دەيدى ول.
ەرىكتىلەر قوزعالىسىنىڭ ماڭىزدىلىعى جايىندا مەملەكەت باسشىسى قاسىم-جومارت توقاەۆ ەرەكشە اتاپ وتكەن بولاتىن. الداعى جىل ەلىمىزدە ەرىكتىلەر جىلى بولىپ جاريالاندى.
قوستاناي
