رۋحانيات • 18 قىركۇيەك، 2019

قاراعاندىدا جاس ادەبيەتشىلەردىڭ رەسپۋبليكالىق فورۋمى وتەدى

91 رەت كورسەتىلدى

كەنشىلەر استاناسىندا 19-20 قىركۇيەك كۇندەرى اقىن-جازۋشى، مەملەكەت جانە قوعام قايراتكەرى ساكەن سەيفۋلليننىڭ 125 جىلدىعىنا ارنالعان جاس اقىندار مەن جازۋشىلاردىڭ رەسپۋبليكالىق فورۋمى وتەدى.

جيىنعا يسرايل ساپارباي، ءجۇرسىن ەرمان، نەسىپبەك ايت ۇلى، عالىم جايلىباي، قالقامان سارين جانە قازاق ادەبيەتىنىڭ باسقا دا بەلگىلى تۇلعالارى قاتىسادى. فورۋم بارىسىندا اقىن-جازۋشىلار قازىرگى قازاق ادەبيەتىنىڭ جەتىستىكتەرى مەن مادەني داستۇرلەرىن جانە جاڭا ترەندتەرىن تالقىلايدى. ەكى كۇندىك باعدارلاما اياسىندا پىكىرتالاستار، تۇساۋكەسەرلەر جانە شەبەرلىك سىنىپتارى ۇيىمداستىرىلادى.

بۇگىنگى تاڭدا مادەنيەت پەن مادەني الەۋەتتى دامىتۋ الەم مەملەكەتتەرى مەن كوپتەگەن حالىقتاردىڭ ءوسىپ-وركەندەۋ جولىنداعى نەگىزگى باسىمدىقتارى قاتارىنا جاتاتىنىن اتاپ ءوتتى ۇيىمداستىرۋشىلار.

«ابايدىڭ دانالىعى، اۋەزوۆتىڭ قالامى، ساكەننىڭ سىرلى ولەڭ جولدارى، قۇرمانعازىنىڭ سيقىرلى سازى – بۇل ءبىزدىڭ رۋحاني مادەنيەتىمىزدىڭ ءبىر بولىگى عانا. ءبىزدىڭ ۇلتتىق سالت-ءداستۇرىمىز، ءتىلىمىز بەن اۋەنىمىز، ادەبيەتىمىز، ء بىر سوزبەن ايتقاندا، ۇلتتىق رۋحىمىز بىزبەن ماڭگى بىرگە قالۋى ءتيىس. «رۋحاني جاڭعىرۋ» باعدارلاماسىنىڭ كوزدەگەنى دە وسى»، دەيدى ولار.

فورۋمدا ساكەن سەيفۋلليننىڭ 125 جىلدىعى مەن «ەگەمەن قازاقستان» گازەتىنىڭ 100 جىلدىق مەرەيتويىنا بايلانىستى باسىلىم باسشىسى دارحان قىدىرالى بايانداما جاسايدى دەپ جوسپارلانعان. ەسكە سالساق، ساكەن سەيفۋللين 1922 جىلى «ەڭبەكشى قازاق» (قازىرگى «ەگەمەن قازاقستان») گازەتىنىڭ باس رەداكتورى بولعان.

باعدارلاماعا ساي، فورۋم قوناقتارى ءۇشىن ءتۇرلى شارالار قاراستىرىلعان. مىسالى ولار دولينكا كەنتىندەگى ساياسي قۋعىن-سۇرگىن قۇرباندارىن ەسكە الۋ مۇراجايىنا ەكسكۋرسيا جاسايدى. سونىمەن قاتار باسقا دا مازمۇندى ءىس-شارالارى جوسپارلانعان.

   

 

قاراعاندى وبلىسى

 

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ۇقساس جاڭالىقتار