بالۋاندارىمىز بابىندا ەكەن

 قورجىنىمىزدا قوس مەدال

سونىڭ ءبىرى – ەلىمىز قۇرا­ماسىنىڭ مۇشەسى, 55 كيلو سال­ماقتا باق سىناپ, اتالعان چەم­پيوناتتىڭ كۇمىس مە­­­دال يەگەرى بولعان قور­لان جاقانشا. بۇل ەل تاۋەل­سىز­دىگىنەن كەيىن قا­زاق ۇلاندارى اراسىنان قول جەت­كىزگەن 4-كۇمىس ەكەن. بۇعان دەيىن باق­تيار بايسەيىتوۆ (1995), ال­­مات كەبىسپاەۆ (2011) جا­نە وتكەن جىلى بۋداپەشت تو­رىندە 59 كيلو سالماقتا ونەر كورسەتكەن مەي­رامبەك اينا­قۇلوۆ يە بولىپتى.

قورلان بالۋان 2014 جىلى اسكەريلەر اراسىندا الەم چەم­پيونى اتانسا, وتكەن جىلى ازيا بىرىنشىلىگىنىڭ قولا جۇل­دەسىن ەنشىلەپتى. بۇل رەت­كى جارىستا ول ءبىرىنشى اينا­لىمدا الجيرلىك فەرگات اب­دەل­كاريم­دى 11:5 ەسەبىمەن جەڭىپ, شيرەك فينالدا اقش بالۋانى نوۋري ماكستان 3:2 ۇپايمەن باسىم ءتۇستى. ال جار­تىلاي فينالدا وت­كەن جىلعى الەم چەمپيونى ازەر­­بايجاندىق ەلدەنيز ءازيز­ليدى 11:5 ەسەبىمەن ويس­ىرا­تا جەڭ­دى. فينالدىق بەلدەسۋدە الەم جانە ەۋروپا چەم­پيو­­نا­تى­نىڭ قولا جۇل­­دەگەرى, گرۋزين بالۋانى نۋگ­زاري تسۋرتسۋميامەن بەل­دەسىپ, وعان ەسە جىبەردى.

بالۋاننىڭ جەكە باپكەرى اسەت يمانباەۆتىڭ ايتۋىن­شا, نەگىزگى دايىندىقتى ە.ازيز­ليگە قارسى جاساعان ەكەن. بۇل ناتيجەسىن بەردى. بىراق گرۋزين جىگىتىنە قارسى بەل­دەسۋدە شاكىرتىم تىم اسى­عىستىق تانىتتى دەيدى.

ال قورجىنعا تۇسكەن ەكىنشى مەدال, ياعني قولا جۇلدە يەسى 63 كيلودا باق سىناعان بۇعان دەيىن الەم چەمپيوناتىنىڭ ءۇش دۇركىن جۇلدەگەرى, قۇراما كاپيتانى المات كەبىسپاەۆ. بۇل جىگىت العاشقى كەزدەسۋىندە ۇندىستاندىق س.ساگاردى قينال­ماي جەڭدى. ەكىنشى اينالىمدا ءوسىپ كەلە جاتقان قىتايلىق كۇشتى بالۋان ەرباتۋ تۋومەن جولى ءتۇيىستى. بۇل جىگىت بيىلعى ازيا بىرىنشىلىگىندە اتاقتى بالۋان, ريو وليمپياداسىنىڭ قولا جۇلدەگەرى وزبەكستاندىق قانداسىمىز ەلمۇرات تاسمۇرا­توۆتىڭ ءوزىن جەڭىپ كەتكەن ەدى. بىراق المات ونى 2:1 ەسەبى­مەن ۇتتى. ءۇشىنشى بەلدەسۋدە الەم بىرىنشىلىگىنىڭ قولا جۇل­دەگەرى تۇركيالىق راحمان ءبيليجيدى 7:4 ەسەبىمەن جەڭىپ, جارتىلاي فينالعا جولداما الدى. وكىنىشتىسى فينالدىق كەزەڭ ءۇشىن بولعان باسەكەدە ريو وليمپياداسىنىڭ كۇمىس جۇل­دەگەرى, وتكەن جىلعى ازيا ويىن­دارىنىڭ چەمپيونى جا­پون جىگىتى شينوبۋ وتا­دان جە­ڭىلىپ, جۇبانىش بەل­­دەسۋدى قا­ناعات تۇتتى. ال قولا مەدال ءۇشىن بول­عان سا­يىستا قىر­عىز­ستاندىق سار­سەنبەكوۆتى جە­ڭىپ, جەكە ءومىر تاريحىندا الەم چەم­پيو­نا­تىنىڭ ءتورتىنشى مە­دالىن موينىنا تاقتى.

ەكى بالۋانىمىز ليتسەنزياعا يە بولدى

گرەك-ريم كۇرەسىنەن كەشەگى كۇنى وتكەن ليتسەنزيالىق سانات­تاعى 60 جانە 77 كيلو سالماق دارەجەسىندە بەلدەسكەن بالۋاندارىمىز قۋانتارلىق ناتيجە كورسەتتى.

اسىرەسە, جەڭىل سالماق دا­رە­جەسىنە جاتاتىن 60 كيلودا ونەر كورسەتكەن مەيرامبەك ايناقۇلوۆ شۋ دەگەندە, برا­زيليا ەلىنىڭ ءۇمىتى ءتۇبى ءوزى­مىزدىڭ تاراز تۋماسى, پانامەريكا بىرىن­شىلىگىنىڭ قولا جۇلدەگەرى 35 جاسار ساقا بالۋان مارات گاريپوۆتى قينالماي جەڭدى. ەكىنشى اينالىمدا ليتۆالىق يۋ. پەترايكيۋستى 4:2 ەسەبىمەن ۇتىپ, شيرەك فينالدىق بەلدەسۋ باسەكەسىندە حورۆاتيالىق بالۋان يۆان ليزاتوۆيكتى 10:0 ۇپايمەن ەركىن ەڭسەرىپ, جارتى­لاي فينالعا ءوتتى. ناتي­جە­سىن­دە, ءبىزدىڭ بالۋاندار ارا­سىنان العاشقى بولىپ وليم­پيادا لي­تسەنزياسىنا قول جەت­كىزدى.

ال 77 كيلو سالماقتا كۇ­رەس­كەن وتكەن جىلعى ازيا بى­رىنشىلىگىنىڭ جەڭىمپازى اسحات دىلمۇحانبەتوۆ ءبىرىنشى اي­نا­لىمدا چەحيا بالۋانى ولدريچ ۆارگانى ەكى مينۋتتىڭ ىشىندە 9:0  ەسەبىمەن ۇتىپ, ەكىنشى كەزەكتە رەسەيلىك اتاق­تى بالۋان ەكى دۇركىن وليم­پيادا جانە الەم چەمپيونى, ءتورت دۇركىن ەۋروپا جە­ڭىم­پازى رومان ۆلاسوۆپەن جولى ءتۇيىستى. كوپشىلىك ماماندار جەڭىستى الدەقاشان رەسەيلىكتىڭ قانجىعاسىنا باي­لاپ تاستاعانداي ەدى. بىراق نامىسقا تىرىسقان قازاق بالاسى اتاعىنان ات ۇركەتىن رە­سەي­لىكتى بالشىقشا يەلەدى. ەسەپ: 3:0. وسىلاي جەڭىسكە جەت­كەن ا.دىلمۇحانبەتوۆ جار­تىلاي فينالدىق باسەكە ءۇشىن سەربيا ماقتانىشى 2017 جى­لى پاريجدە وتكەن الەم چەم­پيو­ناتىنىڭ جەڭىمپازى ۆيكتور نەمەشپەن بەلدەستى. ناتي­جە ويداعىداي: كۇرەس تاع­دىرى 4:3 ەسەبىمەن ءبىزدىڭ جىگىت­تىڭ پايداسىنا شەشىلدى. وسى­لاي قورجىنىمىزعا ەكىن­شى وليم­پيادا جولداماسى كەلىپ ءتۇستى.