الەم • 17 قىركۇيەك، 2019

جاپونيا ۇكىمەتى جاڭادان جاساقتالدى

62 رەتكورسەتىلدى

وتكەن اپتادا جاپونيانىڭ ۇكىمەتى تولىق قۇرامدا وتستاۆ­كاعا كەتىپ، مينيسترلەر كابينەتى جاڭادان جاساقتالدى.

جاپونيانىڭ پرەمەر-ءمينيسترى سيندزو ابە ۇكىمەتتى تۇگەلگە جۋىق تاراتتى. ۇكى­مەت باسشىسىنىڭ مۇنداي شەشىم­گە كەلۋىنە شىلدە ايىندا ءوزى با­سقاراتىن ليبەرالدى-دەمو­كرا­­تيالىق پارتيانىڭ پارلا­مەنت سايلاۋىندا جەڭىسكە جەتۋى تۇرتكى بولدى. بۇل سىرتقى ساياسي باعىت پەن ەل ىشىندەگى ەكونوميكالىق ساياساتتى ودان ءارى ىلگەرى جۇرگىزۋ ءۇشىن قاجەت.

وتكەن جىلى قازان ايىندا ۇكىمەت جاڭارتىلعاندا كوپتەگەن مينيستر ءوز ورىندارىن ساقتاپ قالعان ەدى. ال بۇل جولى تەك ەكى لاۋازىمدى تۇلعا عانا قىز­مەتتەرىن جالعاستىرا بەرمەك. ولار – ۇكىمەتتىڭ باس حاتشىسى ەسيحيدە سۋگا مەن قارجى ءمي­نيسترى تارو اسو.

مينيسترلەر كابينەتىنىڭ ەكى مۇشەسى قىزمەتتەن شەتتەتىلمەي، ورىندارىن اۋىستىردى. سىرت­قى ىستەر ءمينيسترى تارو كو­نو قورعانىس ءمينيسترى بولىپ تا­عاي­ىندالسا، ونىڭ بۇرىنعى ور­نىنا ەكونوميكانى قايتا قال­پىنا كەلتىرۋ ءىسى جونىندەگى ءمينيسترى بولعان توسيميتسۋ موتەگي كەلدى. سونداي-اق بۇرىن ۇكىمەت قۇرامىندا قىزمەت ەتكەن ەكى ادام قايتا ورالدى. دەن­­ساۋلىق ساقتاۋ، ەڭبەك جانە ءال-اۋ­قات ءمينيسترى كاتسۋنوبۋ كاتو بولسا، جالپىۇلتتىق ىستەر ءمينيس­ترى بولىپ ساناە تاكيتي بەكىتىلدى.

بۇعان قوسا تاعى 13 ادام ۇكىمەت قۇ­رامىنا العاش رەت ەنىپ وتىر. بۇرىنعى پرەمەر-مينيستر دزيۋنيتيرو كوي­د­زۋ­ميدىڭ ۇلى، 38 جاستاعى سيندزيرو ەلدىڭ سوعىستان كەيىنگى تاريحىندا مينيسترلەر كابينەتى قۇرامىنا كىرگەن ەڭ جاس ساياساتكەر بولدى. ساراپشىلار ونى بولاشاقتا ۇكىمەت باسشىسى لاۋازىمىنان ۇمىتكەر بولا الاتىنىن ايتادى.

سونىمەن قاتار ۇكىمەت قۇ­را­مىنان تىس لاۋازىم – قاۋىپ­سىزدىك كەڭەسىنىڭ باس حاتشىسى بولىپ سيگەرۋ كيتامۋرا تاعاي­ىن­دالدى. ول بۇعان دەيىن بارلاۋ جانە زەرتتەۋ ءبولىمىن باسقارعان ەدى.

جاڭا مينيسترلەر كابينە­تى­نىڭ ور­تاشا جاسى 61،5 جاستى قۇرادى. سار­سەنبى كۇنى جاپونيا يمپەراتورىنىڭ جاڭا قۇرامدى ماقۇلداۋ ءراسىمى ءوتتى.

جاپونيانىڭ Nihon Keizai باسىلىمى جاڭارعان ۇكىمەتكە ەل ەكونوميكاسىن قالپىنا كەل­تىرۋ جانە الەۋمەتتىك قامسىز­دان­دىرۋ جۇيەسىن رەفورمالاۋ سياقتى ماسەلەلەردى شەشۋدە وڭ ناتيجەلەرگە قول جەتكى­زۋ جاۋاپكەرشىلىگىنىڭ جۇكتەل­گە­نىن جازدى. «مەن جاڭا زامان­داعى ەلدىڭ دامۋىن العا جىلجىتا­تىن­داي جاڭا قۇرام جاساقتا­دىم. ءبىز رەفورمالارعا باتىل كىرى­سەمىز»، دەدى سيندزو ابە ۇكى­مەت اۋىسقاننان كەيىنگى ءباس­پاسوز ءماسليحاتىندا.

جاپونيادا قازان ايىنان باس­تاپ سالىق 10%-عا كوتەرى­لەدى. وسىنىڭ الدىندا ۇكى­مەت­تىڭ جاڭارتىلۋى مينيستر­لەر­دىڭ مىندەتىن ارتتىرا تۇسپەك. ويتكەنى سالىقتى قانشا كوتەر­گەنمەن، الەۋمەتتىك قامتاماسىز ەتۋ شىعىندارىنىڭ ءوسىمىن تە­جەۋ وڭاي شارۋا بولماي تۇر. 2014 جىلى ەلدە تۇتىنۋ سالى­عى 5-تەن 8%-عا دەيىن جوعارى­لاعان. جالپى، سيندزو ابە كەزىن­دە اكتسيا باعاسى ءوسىپ، سالىق­تىق تۇسىمدەر ەداۋىر مولاي­عان. دەگەنمەن، بۇل بالا تۋ مەن حالىقتىڭ قارتايۋ كورسەت­كى­شىنىڭ تومەندەۋىنەن الەۋمەت­تىك شىعىنداردى جابۋعا جەتكىلىك­سىز ەكەن. سوندىقتان الەۋ­مەت­تا­نۋ­شىلار ۇكىمەتكە سالىق وسى­مىنە ارقا سۇيەمەي، ماسەلەنى شە­شۋدىڭ جاڭا جولدارىن قا­راستىرۋ قاجەت ەكەنىن ايتادى.

ۇكىمەت باسشىسى 72 جىلدان كوپ ۋاقىت بۇرىن جازىلعان كونس­تيتۋتسياعا وزگەرىس ەنگىزگىسى كەلەتىنىن ءبىرازدان بەرى بايقا­تىپ كەلەدى. نە­گىزگى زاڭنىڭ قا­زىر­گى زامان تالابىنا تولىق جاۋاپ بەرە المايتىنىن العا تارتاتىن سيندزو ابە اسىرەسە، مەملەكەتتىڭ ءوز اسكەرىن قۇرۋدان جا­نە سوعىستارعا قاتىسۋدان باس تارتۋىن مىندەتتەيتىن 9 باپتى قايتا قا­راۋدى اشىق ايتىپ ءجۇر. ول 2020 جىل جاپونيانىڭ قايتا جاڭعىراتىن جىلى بولادى دەپ سەنەدى.

جاپونيا – قازاقستاننىڭ شى­عىس ازياداعى نەگىزگى ساۋدا-ەكونومي­كالىق ارىپتەستەرىنىڭ ءبىرى. قازاقستان ۇلت­تىق بانكتىڭ مالىمەتىنە سايكەس 2018 جىلى جاپونيادان كەلگەن ين­ۆەس­تيتسيالاردىڭ جالپى كولەمى 403 ملن دوللاردى قۇرادى. قازاقستاندا جا­پوندىق كاپيتالدىڭ قاتىسۋىمەن 70-تەن اسا كاسىپورىن جۇمىس ىستەيدى.

سوڭعى جاڭالىقتار

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

زاڭ كەرەك!

ەكولوگيا • كەشە

يت جۇگىرتىپ، قۇس سالدى

ايماقتار • كەشە

سەنىم ءھام سەرپىن

رۋحانيات • كەشە

ۇقساس جاڭالىقتار