ۇكىمەت باسشىسىنا بايلانىس سالاسىنداعى ايماقتىق دوستاستىق جانىنداعى اقپاراتتاندىرۋ جونىندەگى تمد-عا قاتىسۋشى ەلدەر ۇيلەستىرۋ كەڭەسىنىڭ 25-وتىرىسىنىڭ وتكىزىلۋ بارىسى (2019 جىلعى 16-17 قىركۇيەك, نۇر-سۇلتان قالاسى), سونداي-اق بيىل قازان ايىنىڭ سوڭىندا مىسىرداعى شارم-ءال-شەيحتە اشىلاتىن بۇكىلالەمدىك راديو بايلانىسى كونفەرەنتسياسىنا دايىندىق تۋرالى باياندالدى.
ا.مامين قازاقستاننىڭ 5G بايلانىس تەحنولوگياسىن ەنگىزۋگە, ينتەرنەتكە كەڭجولاقتى قولجەتىمدىلىكتى ارتتىرۋعا, سونداي-اق قازاقستان ەكونوميكاسىنىڭ دامۋى مەن ونىڭ باسەكەگە قابىلەتتىلىگىن ارتتىرۋعا سالماقتى سەرپىن بەرەتىن اقپاراتتاندىرۋ جانە تسيفرلاندىرۋ بويىنشا باسقا دا جوبالارعا كوپ كوڭىل ءبولىپ وتىرعانىن اتاپ ايتتى.
«تسيفرلى قازاقستان» مەملەكەتتىك باعدارلاماسى اياسىندا ءبىز بارلىق تىرەك جانە جەرسەرىكتىك اۋىلدى ەلدى مەكەندەردى قامتۋمەن 2023 جىلدىڭ سوڭىنا دەيىن جىلدامدىعى جوعارى ينتەرنەتپەن قامتاماسىز ەتىپ, جوعارى تەحنولوگيالى بايلانىس تۇرلەرىن ەنگىزۋدى جوسپارلاپ وتىرمىز», دەدى ا.مامين.
ۇكىمەت باسشىسى قازاقستاننىڭ رەسەي, قىتاي جانە ورتالىق ازيا باعىتتارىندا تەلەكوممۋنيكاتسيالىق ترافيكتى قامتاماسىز ەتۋگە قابىلەتتى كولىك ينفراقۇرىلىمىن قۇرۋ جونىندەگى جوسپارى تۋرالى اقپاراتتاندىردى.
«بۇگىنگى تاڭدا ءبىز ازەربايجانمەن كاسپي تەڭىزىنىڭ ءتۇبى بويىنشا تالشىقتى-وپتيكالىق بايلانىس جەلىلەرىن سالۋعا دايىندىق جۇمىستارىن جۇرگىزىپ جاتىرمىز, ونىڭ اياقتالۋ مەرزىمى 2021 جىلدىڭ سوڭى», دەدى ا.مامين.
پرەمەر-مينيستر بايلانىس سالاسىنداعى ايماقتىق دوستاستىق مۇشەلەرىن الداعى ۋاقىتتا, 2020 جىلى اقپاندا الماتىدا وتەتىن «جاھاندانۋ داۋىرىندەگى تسيفرلىق كۇن ءتارتىبى 2.0» IV فورۋمىنا قاتىسۋعا شاقىردى.
بايلانىس سالاسىنداعى ايماقتىق دوستاستىق ەلەكتر جانە پوشتا بايلانىسى سالاسىنداعى تمد مەملەكەتارالىق ۇيلەستىرۋ كەڭەسى فۋنكتسيالارىنا يە حالىقارالىق ۇيىم سانالادى. سونىمەن قاتار ونىڭ حالىقارالىق ەلەكتر بايلانىسى وداعىنداعى جانە بۇكىلالەمدىك پوشتا وداعىنداعى باقىلاۋشى مارتەبەسى بار. ايماقتىق دوستاستىق قۇرامىنا 20 قاتىسۋشى, 12 تەڭ قۇقىلى مۇشەسى مەن 8 باقىلاۋشى كىرەدى. ۇيلەستىرۋ كەڭەسى ارمەنيا, بەلارۋس, قازاقستان, قىرعىزستان, مولدوۆا, رەسەي, تاجىكستان مەن وزبەكستاننىڭ بايلانىس اكىمشىلەرىن قامتيدى.
