رۋحانيات • 16 قىركۇيەك، 2019

شاكەن ايمانوۆتىڭ مۇراجايى اشىلدى

132 رەت كورسەتىلدى

بۇگىن – قازاق كينوسىنىڭ كۇنى. «قازاقفيلم» كينوستۋدياسىندا قازاق كينوسى جانە شاكەن ايمانوۆ اتىنداعى مۇراجاي اشىلدى.

وسىدان 105 جىل بۇرىن دۇنيەگە كەلگەن ۇلتتىق كينونىڭ ساڭلاعى شاكەن كەنجەتاي ۇلى قازاق ونەرىنىڭ باعىنا جارالعان شوقتىعى بيىك قايتالانباس دارا تۇلعاسى رەتىندە بۇل قۇرمەتكە ابدەن لايىق. ۇلى رەجيسسەر كەشەگى كوشپەلى مادەنيەت پەن حح عاسىرداعى ەڭ وزىق وركەنيەت قۇندىلىقتارىن بويىنا تەرەڭ دارىتقان، ءوز ۇلتىن ۇلكەن جۇرەكپەن ءسۇيىپ وتكەن ادال پەرزەنت رەتىندە ەلىنىڭ ەسىندە قالدى. سوندىقتان قازاق كينوسى مەن شاكەن ايمانوۆتىڭ اتى ءبىر-بىرىنەن ءبولىپ-جارۋعا كەلمەيتىن ءبۇتىن ۇعىمعا اينالعان. ول ءوزىنىڭ جارقىن ومىرىندە قازاق كينو ونەرىنىڭ تۇتاس ءبىر بۋىنىن تاربيەلەپ، قازاقستان كينەماتوگرافيستەر وداعىن قۇرىپ، «قازاقفيلم» دەپ اتالاتىن زاماناۋي جاڭا كينوستۋديانىڭ ىرگەتاسىن كوتەرىپ كەتتى. ورتا ازياداعى ەڭ ۇلكەن ءتۇسىرۋ الاڭدارىنىڭ ءبىرى بولىپ سانالاتىن ستۋديانىڭ ايگىلى كينوسۋرەتكەردىڭ ەسىمىن يەلەنگەنىنە بيىل – 35 جىل.

كينوگەرلەر قاۋىمى اراسىندا اتالىپ وتكەن ماڭىزى زور مەرەكە اياسىندا قۇرىلىپ وتىرعان مۇراجايدى الماتى قالاسىنىڭ اكىمى باقىتجان ساعىنتاەۆ، مادەنيەت جانە سپورت ۆيتسە ءمينيسترى نۇرعيسا داۋەشوۆ كەلىپ اشتى.  ش.ايمانوۆ اتىنداعى كينو مۇراجايىنىڭ لەنتاسىن «قازاقفيلم» اق پرەزيدەنتى ارمان اسەنوۆ پەن كسرو حالىق ءارتىسى ءاسانالى ءاشىموۆ قيدى. «كينو الەمى – تەرەڭىنە تارتاتىن سيقىرلى الەم. ومىردەگى قاراپايىم جاعدايدى كوركەم تاسىلمەن جەتكىزەتىن ەرەكشە ونەر. كينونىڭ ءار ادامعا ۇنايتىن، اربىرەۋىنىڭ جۇرەگىنەن ورىن الاتىن امبەباپ ونەر ەكەنىمەن ەشكىمنىڭ تالاسى جوق. كەشە عانا قالا كۇنى اياسىندا حالىقارالىق دەڭگەيدە جۇمىسىن باستاعان الماتى كينوفەستيۆالى ءبىزدىڭ كينو ونەرىمىزدىڭ ورىستەپ كەلە جاتقانىنىڭ كورىنىسى دەپ بىلەمىن. كينو كۇنى قۇتتى بولسىن! شاكەن ايمانوۆتىڭ ءىزىن باسقان جاس كينوگەرلەرگە تابىس تىلەيمىن» دەدى قالا اكىمى.

مۇراجايدىڭ اشىلۋ سالتاناتىندا ءسوز العان قوعام جانە مەملەكەت قايراتكەرى ولجاس سۇلەيمەنوۆ «كينو ءۇشىن، كينونى سۇيەتىندەر ءۇشىن جاقسى زامان ورناپ تۇر. بۇگىنگى ءداۋىر مىقتىلاردىڭ ەمەس – اقىلدىلاردىڭ ءداۋىرى. ەندەشە كينو مەن ادەبيەتكە، جالپى مادەنيەتكە جاڭا داۋىرگە ساي قارىم-قاتىناس تا باسقاشا بولۋى كەرەك» دەپ ەلباسى ن.نازارباەۆتىڭ ءسوزىن ءوز ويىمەن ساباقتاستىرا، قولداۋ ءبىلدىردى.

«قازاقفيلم» اق جاڭا باسشىسى ارمان اسەنوۆ كينو كۇنى اياسىندا قازاق قۋىرشاق انيماتسياسىنىڭ  قۇرىلعانىنا 50 جىل تولعان قۋانىشىنىڭ دا اتالىپ ءوتىپ وتىرعانىن ايتتى.

جيىن سوڭىندا قالا اكىمى مەن كينوگەرلەر، زيالى قاۋىم وكىلدەرى مۇراجايدى ارالاپ، كينو جانە تەاتر مايتالمانىنىڭ ومىرىنەن سىر شەرتەتىن مول مالىمەتكە قانىقتى. رەجيسسەردىڭ تەمەكى تۇتاتاتىن وتتىق پەن باكى، پىشاق جيناعان اۋەستىگىنىڭ بەلگىسىندەي، سورەدە سامساپ تۇرعان سەكسەننەن اسا كەزدىك، ەلۋگە جۋىق وتتىق كەلگەندەردىڭ نازارىن بىردەن اۋدارادى. كوزى تىرىسىندە جۇمىس ىستەگەن كابينەتى دە تۇتاستاي مۇراجايعا «كوشىپ كەلگەن». مۇراجايعا ش.ايمانوۆتىڭ ساحنالىق كوستيۋمدەرى،  شىعارماشىلىعىنىڭ دا، ءوزىنىڭ دە جان سەرىگى بولعان قارا دومبىراسى، شاحمات تاقتاسى، ستاليندىك سىيلىقتىڭ يەگەرى ەكەنىن كۋالاندىراتىن بۇيرىق پەن پاپكا، مەملەكەتتىك ناگرادالارى، باسقا دا ءوزى تۇتىنعان جەكە زاتتارى مەن بۇيىمدار قويىلعان. جاڭادان ەسىگىن اشقان مۇراجاي ءالى دە تىڭ جادىگەرلەرمەن تولىقتىرىلا تۇسەدى.

الماتى

 

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار