مۇنايلى اۋدانىنىڭ قىزىلتوبە اۋىلدىق مادەنيەت ۇيىندە وتكەن «سىرلى الەم» بايقاۋى – بۇل باعىتتاعى سانداعان شارالاردىڭ ءبىرى. قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆتىڭ «رۋحاني جاڭعىرۋ» اتتى باعدارلاماسى اياسىندا «جاستار جىلىن» اتاپ ءوتۋ, مۇمكىندىگى شەكتەۋلى بالالار مەن جاستاردىڭ ونەرىن ناسيحاتتاۋ ارقىلى قولداۋ ءبىلدىرۋ, ولاردىڭ ەرىك-جىگەرىن كورسەتۋ مەن كوتەرۋ, سونداي-اق ولارعا قوعام مۇشەسى ەكەنىن سەزىندىرۋ جانە الەۋمەتتىك بەيىمدەۋ ماقساتىنداعى ونەر بايقاۋىنا قاتىسۋشى جاس ونەرپازداردىڭ زور قىزىعۋشىلىعىنا يە.
مۇنايلى اۋدانىندا 3900 مۇگەدەك ادام تىركەلگەن, ونىڭ ىشىندە 18 جاسقا دەيىنگى بالالار مەن جاستاردىڭ جالپى سانى 1143 ادامدى قۇرايدى.
اسپاپتا ورىنداۋ نەمەسە فونوگرامما ارقىلى جەكە ءان ايتۋ, ادەبيەت اتالىمى بويىنشا ولەڭ, كوركەمسوز وقۋ, اۆتورلىق شىعارمالارىن ورىنداۋ جانە ءوز قولدارىنان تۋىنداعان بۇيىمداردى ۇسىناتىن قولونەر باعىتتارى بويىنشا وتكەن اتالمىش بايقاۋعا بارلىعى 35 ونەرپاز قاتىستى. التى ونەرپاز ءان جانرى, التى ۇمىتكەر كوركەم ءسوز وقۋدان سايىسقا تۇسسە, 23 قاتىسۋشى قولونەر بۇيىمدارىن ۇسىنۋ ارقىلى شەبەرلىكتەرىن ورتاعا سالدى.
زور ۇمىتپەن, قىزىعۋشىلىقپەن ءان سالىپ, ولەڭ وقىپ شابىتتانعان بايقاۋعا قاتىسۋشى بالالاردىڭ بارلىعى مۇنايلى اۋداندىق اكىمدىگى اتىنان العىس حاتتارمەن ماراپاتتالىپ, ارنايى سىيلىقتارعا يە بولدى. سونىمەن قاتار ولارعا «Asia Damu Invest Capital» جاۋاپكەرشىلىگى شەكتەۋلى سەرىكتەستىگىنىڭ دەمەۋشىلىگىمەن «اقتاۋ» ويىن-ساۋىق ورتالىعىنا جولداما بەرىلدى.
– بالالار مەن جاستارعا قۋانىش سىيلاپ, قولداۋ كورسەتكەن مۇنايلى اۋدانى اكىمدىگى مەن «Asia Damu Invest Capital» جاۋاپكەرشىلىگى شەكتەۋلى سەرىكتەستىگىنىڭ ديرەكتورى اينۇر ەرلانقىزىنا العىس بىلدىرەمىز. جانارىندا كىربىڭى بار جاندارعا, اسىرەسە جاستار مەن بالالارعا قولداۋ كورسەتىپ, قامقورلىق جاساۋ – حالقىمىزدىڭ اسىل قاسيەتى. ءبىز دە شاعىن شارا ۇيىمداستىرۋ ارقىلى وتىزدان استام بالانىڭ ءبىر ساتكە بولسا دا قۋانۋىنا مۇرىندىق بولدىق دەپ ويلايمىز, – دەيدى بايقاۋدى ۇيىمداستىرۋشى قىزىلتوبە اۋىلدىق مادەنيەت ءۇيىنىڭ ديرەكتورى گۇلميرا سەبەپباەۆا.
«كونەمىز عوي, قايتەمىز كونبەگەندە» دەپ ىشتەي ەگىلەتىن بالاپان داۋىستاردىڭ ساحنا تورىندە ءان سالىپ, مارە-سارە بولعان ءساتىن كورۋ دە, ونى ۇيىمداستىرۋ دا – ءبىزدى ەرىكسىز تەبىرەنتەدى.
ماڭعىستاۋ وبلىسى
