زاڭبۇزۋشىلىق وقيعاسى قىركۇيەكتىڭ 9-12 كۇندەرى ارالىعىندا وبلىس اۋماعىندا وتكەن «نەلەگال-ارنا-ميگرانت» جەدەل-پروفيلاكتيكالىق ءىس-شاراسى كەزىندە بولعان. ءىس-شارا وتكەن 4 كۇن ىشىندە 445 اكىمشىلىك قۇقىق بۇزۋشىلىق انىقتالدى. ونىڭ ىشىندە شەتەل ازاماتتارى 368 قۇقىق بۇزۋشىلىققا جول بەرگەن ەكەن. 46 شەتەل ازاماتى قازاقستان رەسپۋبليكاسى اۋماعىنان شىعارىلدى.
ءبورلى اۋدانى پوليتسيا ءبولىمىنىڭ كوشى-قون پوليتسياسى اقساي قالاسىنداعى دۇكەندەردىڭ بىرىندە زاڭسىز شەتەلدىك جۇمىس كۇشىن پايدالانۋ فاكتىسىن انىقتادى. دۇكەن يەسى ەلىمىزگە ءتيىستى قۇجاتسىز كەلگەن شەتەل ازاماتتارىن بىرنەشە مارتە جۇمىسقا تارتىپ وتىرعان. قازىر جۇمىس بەرۋشىگە قاتىستى قازاقستان رەسپۋبليكاسى قىلمىستىق كودەكسىنىڭ 395-بابى (قازاقستان رەسپۋبليكاسىندا شەتەلدىك جۇمىس كۇشىن تارتۋ جانە پايدالانۋ قاعيدالارىن بىرنەشە رەت بۇزۋ) بويىنشا سوتقا دەيىنگى تەرگەۋ شارالارى جۇرگىزىلىپ جاتىر.
ال قازتالوۆ اۋداندىق پوليتسيا ءبولىمىنىڭ قىزمەتكەرلەرى قازاقستان رەسپۋبليكاسى ازاماتىنىڭ مەملەكەتتىك شەكارانى زاڭسىز وتكەن وقيعاسىن انىقتادى. قۇقىق بۇزۋشىعا قاتىستى قىلمىستىق كودەكستىڭ 392-بابى 1-بولىمىنە (قازاقستان رەسپۋبليكاسىنىڭ مەملەكەتتiك شەكاراسىن قاساقانا زاڭسىز كەسىپ ءوتۋ) سايكەس سوتقا دەيىنگى تەرگەۋ امالدارى جۇرگىزىلۋدە.
باتىس قازاقستان
