- لاقتىرىلعان اۋلار بالىقتاردى قوسا العاندا, يتبالىقتاردىڭ, سونداي-اق تەڭىز جاعالاۋىندا دەمالىپ جاتقان ادامداردىڭ دا ومىرىنە قاۋىپ ءتوندىرۋى مۇمكىن. وسى قاۋىپتى فاكتورلاردى ەسكەرتۋگە جانە جويۋعا باعىتتالعان شارانى ىسكە اسىرۋ كاسپي يتبالىعىنىڭ پوپۋلياتسياسىن جانە جالپى تەڭىزدەگى بيوالۋانتۇرلىلىكتى ساقتاۋدا پايدا اكەلەدى دەپ كۇتىلۋدە, دەيدى «گيدروبيولوگيا جانە ەكولوگيا ينستيتۋتىنىڭ» ديرەكتورى ميىرعالي بايمۇقانوۆ.
مامانداردىڭ ايتۋىنشا, لاقتىرىلعان اۋلار مەن قوقىستار يتبالىقتاردىڭ ولىمىنە نەگىزگى سەبەپشى فاكتورلاردىڭ ءبىرى. تاستالعان اۋ قالدىقتارى يتبالىقتاردىڭ دەنەسىنە جابىسىپ, زاقىم كەلتىرەدى, سوڭىندا ولاردىڭ ولىمىنە الىپ كەلەتىن جاعدايلار تىركەلگەن. بۇعان 2015-2018 جىل ارالىعى كاسپي تەڭىزىندەگى يتبالىقتارعا جۇرگىزىلگەن زەرتتەۋ بارىسى دالەل. مونيتورينگ وزگە دە قالدىقتاردىڭ كوپتەپ تاستالىناتىنىن كورسەتكەن.
- جوبا 2019-2021 جىلدار ارالىعى ىسكە اسىرىلادى. وسى ۋاقىت ارالىعىندا ۇەۇ كومانداسى مەن وزگە دە تاراپتار تەڭىز سۇتقورەكتىلەرىن قۇتقارۋشىلاردى دايىنداۋ كۋرستارىنا قاتىسىپ, يتبالىقتاردى جانە بەكىرە تۇقىمداس بالىقتاردى اۋلاردان قۇتقارۋ ءادىس-تاسىلدەرىن ۇيرەنبەك. كاسپي تەڭىزىنىڭ جاعالىق سىزىعىن جانە سۋ بولىگىن تازارتۋ بويىنشا كەڭ ناۋقان وتكىزىلەدى. سونداي-اق, كاسپي تەڭىزى جاعالاۋىنىڭ قازاقستاندىق بولىگىنە مونيتورينگ جاساۋ, تەڭىزدى لاقتىرىلعان جانە يەسىز اۋلاردان تازارتۋ ءۇشىن مۇددەلى تاراپتارعا جەدەل اقپارات ۇسىنۋ, جارالانعان يتبالىقتارعا ساناق جۇرگىزۋ جانە ولاردى قورعاۋ جۇمىستارى دا ىسكە اسپاق, دەيدى ماماندار.
ماڭعىستاۋ وبلىسى
