شارا بارىسىندا «ادام قۇقىقتارى جانە زاڭدىلىقتى ساقتاۋ جونىندەگى قازاقستاندىق حالىقارالىق بيۋرو» قوعامدىق بىرلەستىگىنىڭ ماڭعىستاۋ وبلىستىق فيليالىنىڭ ديرەكتورى الەكساندر مۋحا «ONEGE» جاڭا الەۋمەتتىك جوباسىن تانىستىردى. اتالعان جوبا ەلىمىزدە وسى جىلدىڭ ماۋسىم ايىندا جۇزەگە اسىرىلا باستاعان. ماقسات - وتباسى ينستيتۋتىن نىعايتۋعا, وتباسىلىق قۇندىلىقتاردى ىلگەرىلەتۋ, اجىراسۋلار مەن تۇرمىستىق زورلىق-زومبىلىقتىڭ الدىن الۋعا باعىتتالعان. اتالعان جوبانى ««وتباسى اكادەمياسى» كەشەندى وتباسىن قولداۋ ورتالىعى» قوعامدىق قورى جۇزەگە اسىرۋدا.
كەڭەس مۇشەلەرى بايانداماشىلارعا وزدەرىن تولعاندىرعان سۇراقتارىن قويىپ, ۇسىنىستار بەردى. باسقوسۋدا ماڭعىستاۋ وبلىسى پوليتسيا دەپارتامەنتى, جەرگىلىكتى پوليتسيا باسقارماسىنا كامەلەت جاسقا تولماعاندار اراسىندا قۇقىقبۇزۋشىلىق پەن قىلمىستىڭ الدىن-الۋ بويىنشا مەكتەپتەردە اشىق ساباق ءجيى وتكىزىپ تۇرۋى, كەيبىر اۋىل مەكتەپتەرىنىڭ جوندەۋ جۇمىستارىن جاساسىپ, بازالىق جاعىنا دە نازار اۋدارۋ كەرەكتىگى ايتىلدى. سونداي-اق وڭىردەگى قىلمىستاردى ازايتۋ شارالارىنىڭ ءبىرى رەتىندە دەنە شىنىقتىرۋ جانە سپورت باسقارماسىنا بالالاردى بەكىتىپ, ءتۇرلى –سەكتسيالارعا جازىپ, بوس ۋاقىتتارىن ءتيىمدى وتكىزۋ بويىنشا دا ۇسىنىس ايتىلدى.
قۇقىق بۇزۋشىلىق, قىلمىس جاساۋعا بەيىم بالالاردىڭ الەۋمەتتىك جاعدايىن باقىلاۋعا الىپ, زەردەلەۋ قاجەتتىگىن, سونداي-اق ارنايى توپ جاساقتاپ, جەكە الدىن-الۋ جۇمىستارىن جۇرگىزىپ, پارتيا تاراپىنان باقىلاپ وتىرۋ قاجەتتىگى العا تارتىلدى. شارا بارىسىندا ۇكىمەتتىك ەمەس ۇيىمداردىڭ وكىلدەرى مەن قاتىسۋشىلار ماڭعىستاۋ وبلىسى پوليتسيا دەپارتامەنتى, جەرگىلىكتى پوليتسيا باسقارماسىنا, جىل سايىن جاسوسپىرىمدەر اراسىندا قىلمىستىڭ وسۋىنە بايلانىستى, ناقتى قاي ايماق, اۋداندا (مەكتەپ, كوللەدج) ورىن الىپ وتىرعاندىعى تۋرالى مونيتورينگ جاساۋ, قر پرەزيدەنتتىڭ جولداۋى بويىنشا ينسپەكتورلاردىڭ ءبىلىمىن جەتىلدىرۋ ءۇشىن مەملەكەتتىك تاپسىرىس بەرىلسە دەگەن ۇسىنىستارىن جەتكىزدى. ال وبلىستىق ءبىلىم باسقارماسىنا قالالىق, اۋداندىق ءبىلىم بولىمدەرىندەگى كامەلەتكە تولماعاندار ءىسى جونىندەگى كوميسسيا جۇمىسىن جانداندىرۋ, جەكە جانە مەملەكەتتىك مەنشىكتەگى بالاباقشالارداعى بالالاردىڭ قاۋىپسىزدىگى مەن پەداگوگتاردىڭ بىلىمدەرىنە مونيتورينگ جۇرگىزۋ, اۋىلدىق مەكتەپتەردىڭ ساپاسىنىڭ تومەندىگىن, قاجەتتى قۇرال جابدىقتاردىڭ جوقتىعىنا بايلانىستى جوندەۋ جۇمىستارى ءۇشىن وبلىس اكىمدىگى مەن ماسليحاتقا ۇسىنىس ءبىلدىرۋ سىندى ۇسىنىستار ايتىلدى.
بالا تاربيەسىندە جانە ولاردى ۇلكەن ومىرگە دايىنداۋدا بوبەكجايدىڭ ورنى ەرەكشە. بالاباقشادا بۇلدىرشىندەردى تاربيەلەپ, وي-ورىستەرىنىڭ وسۋىنە, ياعني ءبىلىمدى بولىپ ەر جەتۋىنە بارلىق جاعداي جاسالعان. وسى ورايدا بالالاردىڭ قاۋىپسىزدىگى ءۇشىن بوبەكجايعا كامەرا ورناتۋ ماسەلەسى اقساپ تۇر. ماسەلەن بىلتىر پارتيا تاراپىنان جەكەمەنشىك بالاباقشاداعى كامەرالار ورناتۋ بويىنشا مونيتورينگ جۇرگىزگەندە, بىرنەشە ولقىلىق تابىلعانىن ايتىپ ءوتتى زۆيرا ەسبەرگەنوۆا. مىسالى الىسقا بارماي-اق اقتاۋدىڭ بىرنەشە بالاباقشاسىندا كامەرالار جوق بولسا, ەكىنشىسىندە بار كامەراسى جاسامايدى, قالا بەردى جازبا جازىلمايتىنى بەلگىلى بولدى. وسى سۇراقتىڭ توڭىرەگىندەگى ساۋالدارعا كەلەسى وتىرىستا ءبىلىم باسقارماسىنىڭ وكىلدەرى جاۋاپ بەرۋىن سۇرادى.
باسقوسۋدا بالالاردىڭ قۇقىن قورعاۋ بويىنشا پارتيانىڭ جۇمىسى ءالى دە كۇشەيەتىندىگى, Nur Otan پارتياسى اقتاۋ قالالىق فيليالىنىڭ وسى تاقىرىپ بويىنشا وتىرىس وتكىزۋ كەرەكتىگى, قاجەت بولسا كوشپەلى وتىرىستار وتەتىنى ايتىلدى.
ماڭعىستاۋ وبلىسى
