بۇگىندە قابىلدانعان وتىنىمدەردىڭ 2 200-ءى بويىنشا 23,1 ملرد تەڭگە سوماسىنا نەسيە بەرۋ جونىندە وڭ شەشىم شىقتى. قازىرگى ساتتە وسى وتباسىلار وزدەرىنىڭ بولاشاق پاتەرلەرىن ىزدەستىرۋ ۇستىندە. بۇل ءۇشىن ولارعا 3 اي ۋاقىت بەرىلەدى.
پاتەردى جاڭا سالىنعان نەمەسە قولدانىستاعى ۇيدەن ساتىپ الۋعا بولادى. سونداي-اق جەر ءۇي الۋ مۇمكىندىگى دە قاراستىرىلعان. تۇرعىن ءۇيدى سالىمشى ءوزى اكىمدىكتە كەزەكتە تۇرعان ايماقتا عانا ساتىپ الا الادى.
جالپى, ەڭ كوپ باسپاناعا قول جەتكىزىپ, قونىس تويىن تويلاعاندار – نۇر-سۇلتان (73 زايم بەرىلدى), الماتى (56 زايم بەرىلدى) جانە جامبىل (39 زايم بەرىلدى) وبلىستارىنىڭ تۇرعىندارى.
وسىعان دەيىن قاسىم-جومارت توقاەۆ قازاقستان حالقىنا جولداۋىندا 2020 جىلدان باستاپ جىل سايىن 10 مىڭ وتباسى «باقىتتى وتباسى» باعدارلاماسى ارقىلى باسپانالى بولاتىنىن مالىمدەگەن.
