كوميتەتتىڭ حابارلاۋىنشا, 1,4 ميلليونعا جۋىق ادام راقىمشىلىققا ىلىگىپ, 13,9 ملرد تەڭگە كولەمىندە قارىزدىڭ نەگىزگى سوماسىن تولەگەن جاعدايدا, 6,3 ملرد تەڭگە كولەمىندە ءوسىمپۇل ەسەپتەن شىعارىلۋعا ءتيىس.
2019 جىلعى 13-14 تامىزدا بارلىق اۋماقتىق دەپارتامەنتتەر ءوسىمپۇلداردى ەسەپتەن شىعارۋ بويىنشا كوميسسيا قۇرۋ تۋرالى بۇيرىق شىعارعان بولاتىن. سالىق قارىزىن مەملەكەتتىك كىرىستەر كوميتەتىنىڭ www.kgd.gov.kz رەسمي سايتىندا «سالىق قارىزىنىڭ بولۋى/بولماۋى تۋرالى اقپارات» بولىمىندە تەكسەرۋگە بولاتىنىن ايتا كەتەيىك.
بيىل 3 شىلدەدە قازاقستان رەسپۋبليكاسىنىڭ «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىنە 2019 جىلعى 3 شىلدەدە جەكە تۇلعالارعا سالىقتىق راقىمشىلىق جاساۋعا مۇمكىندىك بەرەتىن وزگەرتۋلەر ەنگىزىلگەنى بەلگىلى. بۇل تۇزەتۋلەر 2019 جىلدىڭ 16 شىلدەسىندە كۇشىنە ەندى. سونداي-اق بيىلدان باستاپ قارجى ءمينيسترىنىڭ ءتيىستى بۇيرىعى بويىنشا ءوسىمپۇل سومالارىن ەسەپتەن شىعارۋ ەرەجەلەرى جاريالاندى. پرەمەر-ءمينيستردىڭ ءبىرىنشى ورىنباسارى – قارجى ءمينيسترى 2019 جىلعى 9 شىلدەدە بەكىتكەن جەكە تۇلعالارعا سالىقتىق راقىمشىلىق جاساۋ بويىنشا جول كارتاسى جاسالىپ, مەملەكەتتىك كىرىستەر كوميتەتىنە ونى جۇزەگە اسىرۋ مىندەتى جۇكتەلدى.
