اتالمىش جوبا ماڭعىستاۋ وبلىسىنداعى جاڭا باستاعان كاسىپكەرلەردىڭ يننوۆاتسيالىق جانە بيزنەس يدەيالارىن قولداۋعا, ءارى دامىتۋعا جاسالعان ۇلكەن مۇمكىندىك.
ماڭعىستاۋ وبلىسىنىڭ كاسىپكەرلىك جانە ساۋدا باسقارماسىنىڭ باسشىسى ۆەنەرا تۇرانقىزىنىڭ ايتۋىنشا, وسىنداي ءىس-شارالار ارقىلى ايماقتا كاسىپكەرلىكتى دامىتۋ - ايماقتىڭ ەكونوميكالىق الەۋەتىنىڭ وسۋىنە ىقپال ەتەدى جانە جەرگىلىكتى بيزنەس-قاۋىمداستىق ءۇشىن جاڭا مۇمكىندىكتەر اشادى.
«شەلل قازاقستان» الەۋمەتتىك ماسەلەلەر جونىندەگى كەڭەسشىسى جۇلدىز عالياكپار فورۋمنىڭ نەگىزگى مىندەتى – بۇرىننان كەلە جاتقان جانە جاڭا باستاعان كاسىپكەرلەردىڭ وسۋىنە مۇمكىندىك بەرۋ, ولاردى كاسىپكەرلىكتىڭ وزىق داعدىلارىنا ۇيرەتۋ ەكەنىن اتاپ ءوتتى.
قازاقستانداعى ەقدب شوب قارجىلاندىرۋ جانە دامىتۋ باعدارلاماسىنىڭ جەتەكشى مەنەدجەرى الما قاسىموۆا ءوز كاسىبىن دامىتۋدى قالايتىن كاسىپكەرلەرگە فورۋم شەڭبەرىندە تانىساتىن مۇمكىندىكتەر تۋرالى ايتىپ بەردى. مۇنداي قادام جينالعان قاۋىم تاراپىنان قولداۋ تاپتى. ولار كوپتەگەن سۇراق قويىپ, بىلىكتى مامانداردان جاۋاپ الدى.
كاسىپكەرلىك سالاسىنداعى سوڭعى ترەندتەر تۋرالى «Red Point Kazakhstan» ماركەتينگتىك كوممۋنيكاتسيا سەرۆيسىنىڭ نەگىزىن قالاۋشى اسەل قوجاقوۆا, TopSales باسشىسى اسەم كۇزەنباەۆا, قازاقستان كاسىپكەرلەرى مەن بۋحگالتەرلەر قاۋىمداستىعىنىڭ پرەزيدەنتى دميتري كازانتسەۆ پەن باسقا سپيكەرلەر ءسوز قوزعادى. «MIMIORIKI» بالالار كيىمىنىڭ قازاقستانداعى تۇڭعىش برەندىنىڭ نەگىزىن قالاۋشى يننا اپەنكو ءىس-شارانىڭ حەدلاينەرى بولدى.
ماڭعىستاۋ وبلىسى
