ايماقتار • 12 قىركۇيەك، 2019

كۇز سىيلاعان كىتاپتار

69 رەتكورسەتىلدى

جاستار جىلى اياسىندا وتكەن كى­تاپ فەستيۆالى بيىل وقىر­مان قاۋىمعا جاڭا كىتاپتار ۇسىن­دى. الماتى قالاسى اكىمدىگىنىڭ قولداۋىمەن «Baurzhan» قورى جانە «ABAYbooks» باسپا ءۇيىنىڭ ۇيىم­داستىرۋىمەن الماتىنىڭ ارباتىندا وتكەن كىتاپ مەرەكەسى جاس­تار مەن جاسوسپىرىمدەردىڭ كىتاپ وقۋعا دەگەن قىزىعۋشىلىعىن ارتتىرىپ، وتاندىق ادەبيەت الەمىندەگى جاڭا ەسىمدەردى تانىستىرۋدى ماقسات ەتتى.

«KitapFest 2019» مەرەكەسىنە ال­ماتىلىقتار التىنشى جىل قاتارىنان كۋا بولىپ كەلەدى. كىتاپ فەستيۆالى وقىر­ماندار ارا­سىندا كىتاپ الماسۋ سا­تىمەن ەرەكشە. ارباتتى جاعالاي تىزىل­گەن كىتاپتاردىڭ جاڭاسى دا، مۇقا­باسى كونەرگەن كىتاپتار دا وقىرمانداردى ءوز مازمۇنىمەن قىزىقتىردى. وسى ءبىر ءساتتى سىرتتان باقىلاعان كەزدە ادەبيەتتىڭ بار جاۋھارىن ءون بويىنا بۇككەن كىتاپ سىندى رۋحانيات قۇرالىنىڭ وقىرمان ءۇشىن باعاسى زور ەكەنىن اڭعارعانداي بولاسىز.

الەۋمەتتىك جەلىدە قالا اكىمى باقىت­جان ساعىنتاەۆتىڭ رۋحاني شاراعا قولداۋ ءبىلدىرىپ، العان اسەرى جايىندا جازبا قال­دىرعانىنا قاراپ، شاھار باس­شى­سىنىڭ كىتاپ مەرەكەسىنە وقىر­مان رەتىندە قاتىسقانىن اڭعاردىق. ال كىتاپ مەرەكەسىنىڭ سالتانات­تى راسىمىندە عالىم، قو­عام قايراتكەرى راحمان الشا­نوۆ، جازۋشى، قوعام قايراتكەرى بەك­نۇر قيسىقوۆ سانالى قوعامدى قا­لىپ­تاستىرۋداعى كىتاپتىڭ ءرولى مەن ماڭىزى تۋرالى بايانداپ، كوپشىلىكتى كىتاپ وقۋعا شاقىرسا، فەس­تيۆالدىڭ ۇيلەستىرۋشىسى مايرا ءالجا­نوۆا جىل سايىن كىتاپ مەرەكەسىنىڭ اياسى كەڭەيىپ كەلەدى دەيدى. سونداي-اق فەستيۆالدا جاس تا، كارى دە ەرەكشە سات­تەرىمەن ءبولىسىپ، كىتاپ الەمى­نىڭ جاۋ­ھار­لارىمەن تانىسۋعا مۇم­كىندىك الدى. بيىل فەستيۆال نۇر-سۇلتان قالاسىندا وتكىزىلسە، الداعى ۋاقىتتا ەلى­مىز­دىڭ باسقا دا قالالارىندا جال­عاستىرۋ جوسپارلانىپ وتىر.

بۇگىندە قوعامدا كىتاپ وقۋعا دەگەن ىنتا-جىگەردىڭ تومەندەپ كەت­كەندىگىنە بايلانىستى ماماندار ءجيى ماسەلە كوتەرىپ ءجۇر. وسى ورايداعى سۇراقتارىمىزعا جاۋاپ بەرگەن «Inteli kids» بالالاردىڭ اقىل-ويىن دامىتۋ ورتالىعىنىڭ ديرەكتورى سالتانات مۇلكىباەۆا وتباسىندا كىتاپ وقۋدى ادەتكە اينالدىرۋ ءۇشىن ءبىرىنشى كەزەكتە اتا-انا ءوزى ۇلگى كورسەتۋ قاجەت ەكەندىگىن ايتادى. اتا-اناسىنىڭ ۇنەمى كىتاپ وقىپ جۇرگەنىن كورگەن بالا وسى ءبىر جاقسى ءداستۇردى بويىنا سىڭىرە باستايدى. بۇگىندە گادجەت، تەلەفوندارعا ىنتاسى اۋىپ تۇراتىن بالالار اقپاراتتى جەڭىل قابىلداعاندى ءجون كورەدى. سونداي-اق مەكتەپ، بالاباقشا باعدارلاماسى جۇكتەگەن وقۋ­لىق­تاردى عانا مەڭگەرۋمەن شەك­تەلەدى. سوندىقتان دا ۇناي­تىن كى­تاپ­تاردى تاڭداتىپ، وقىتۋدى قاپەر­دە ۇستاعان ابزال ءارى ءار­بىر ۇيدە ءوزىنىڭ كىتاپحاناسى جاساق­تالعانى دا بالانىڭ كىتاپ وقۋ­عا دەگەن ىنتاسىن ارتتىرا تۇ­سەدى دەيدى مامان. ال وسى ور­تا­­لىققا سوڭعى ءۇش جىل ىشىندە كەل­گەن ەكى جارىم مىڭنان استام وقىرمان بۇگىندە ءوز كىتاپحاناسىن قالىپتاستىرىپ ۇلگەرگەن.

جازۋشىلار شاتىرىندا «Alash Media Group ء«بىر وقيىق» جوباسى اياسىندا ءابدىجامىل نۇرپەيىسوۆتىڭ «قان مەن تەر» كىتابىنان ءۇزىندى وقىعان اكتريسا ايسۇلۋ ازىمباەۆا وقىر­ماندار اۋديتورياسىنا ەرەكشە ءبىر اسەر قالدىرسا، ساۋلە جان­عازى جانە گۇلدانا مۇحتار­بەكتىڭ «Super men نەمەسە ومىر­دەگى باس­تى ماقسات»، جۋر­ناليست شىڭ­­عىس مۇقاننىڭ «كوش­باس­شى»، اقىن اينۇر تولەۋ­دىڭ شى­عار­­ماشىلىعىنىڭ، مەرۋەرت الونسونىڭ «كوروتكوە لەتو شان­تەكلەرى»، مەيىرجان جىل­قىبايدىڭ «تاۋعا ساياحات»، باق­تىگۇل ماحانبەتوۆانىڭ «ادەبي اگەنت كىم؟ قازاقستاندىق اۆتور­لاردى ناسيحاتتاۋ قانشا­لىقتى ماڭىزدى؟»، تورعىن جول­­داس­بەكقىزىنىڭ «اراشا»، عاني اباداننىڭ «بيزنەس پو-ليۋبۆي يلي كاك سوزدات ستارتاپ ۆ كا­زاح­ستانە»، اماني جاننىڭ «شە­­تەل­­دەگى قازاق ەرتەگىلەرى»، اۆ­تور­­لار ۇجىمىنىڭ «وتباسى حرەس­توماتيا­سى»، ت.ب. كىتاپتاردىڭ تا­­­نىس­تىرىلىمى وقىرماندارعا ەرەك­شە ءبىر ءساتتى سىيلاعانداي اسەردە ءوتتى.

ال قازاقستاننىڭ حالىق ءارتىسى ءجانيا اۋباكىروۆانىڭ، بەلگىلى قازاقستاندىق ساياساتتانۋشى دوسىم ساتپاەۆتىڭ جۋرناليست ۆاديم بورەيكونىڭ، جۋرناليست، كاسىپكەر دانا ورمانباەۆانىڭ كىتاپتارىنىڭ تانىستىرىلىمى دا سۇراق-جاۋاپقا ۇلاسسا، «وffline كىتاپتارى تۋرالى» كوكەيكەستى ماسەلەلەرگە وراي نورا روزمۋت، باقىتجان بۇقارباي، دينا تولەپبەرگەن، «100 جاڭا ەسىم» جوباسىنىڭ جەڭىمپازى ايديە ايدار­­­بەكوۆ، ت.ب. جۋرناليستەر، بلوگەرلەر، كاسىپ­كەرلەر، سونداي-اق ەۋرازيالىق شىعارماشىلىق گيلدياسىنىڭ وكىلى (لوندون) ۆيكتوريا چۋگاي، «451 گرادۋس» ادەبي كلۋبىنىڭ نەگىزىن قالاۋشى امانجول ابيەۆ، اۋدارماشى، جازۋشى يليا ودەگوۆ جاۋاپ بەرىپ، ءوز ويلارىمەن ءبولىستى.

الماتىلىق تۇرعىندار مەن قا­لا قو­ناقتارى تاڭنان كەشكە دەيىن «فو­­­­­ليانت»، «ەرۋديت»، «Cامعا»، «قازاق ۇلت­­تىق ۋني­ۆەر­سيتەتى» باسپالارى مەن «Meloman»، «Flip.kz»، ت.ب. وتىز­دان استام باسپا مەن كىتاپ دۇكەن­دەرى، سونداي-اق جەكە كىتاپ قورى ۇسىنعان كىتاپتارمەن تانىسىپ،
«I BOOK YOU» جوباسى اياسىندا
3 مىڭنان استام كىتاپپەن الماسىپ، كەلەسى جىلى دا وسى الاڭدا كەزدەسۋگە ۋادەلەستى.

الماتى

 

سوڭعى جاڭالىقتار

اسا رەيتينگى جاڭارتىلدى

سپورت • بۇگىن، 14:08

ۇيدەن شىقپاي قازاقشا ۇيرەن

قوعام • بۇگىن، 13:08

«...تاۋىڭدا قىران قالدى ما؟»

ايماقتار • بۇگىن، 12:52

ءداستۇردى بۇلداۋ ما بۇل؟!

قوعام • بۇگىن، 12:23

كوروناۆيرۋس شاش ارقىلى جۇعادى

كوروناۆيرۋس • بۇگىن، 12:19

«التىن وردا» كۇيىن شىعاردى

رۋحانيات • بۇگىن، 11:21

كارانتيننەن كەلەتىن زارداپ مول

كوروناۆيرۋس • بۇگىن، 11:09

ۇقساس جاڭالىقتار