«كينو سالاسىندا جۇمىس ىستەپ جۇرگەنىمىزگە ءتورت جىل ءالى بولعان جوق. سول ءتورت جىل ىشىندە كىشىگىرىم ءۇش-ءتورت كينو تۇسىردىك. سوڭعى ۋاقىتتا قازاقستاندىقتاردىڭ وتاندىق فيلمگە دەگەن قىزىعۋشىلىعى ارتۋدا. سوڭعى ەكى جىلدا قازاقستاندىق فيلمدەر كورسەتىلىم جاعىنان گوليۆۋدتىق فيلمدەرگە جەتتى دەپ ايتۋعا بولادى. كينوتەاتردا كورسەتىلەتىن ۇزدىك بەس ءفيلمنىڭ ىشىندەگى ەكى فيلم - قازاقستاندىق. جالپى سەريال تۋرالى ايتار بولساق, 31 ارنامەن العاش رەت «بازارباەۆتار» تەلەحيكاياسىن كورسەتتىك. كوپ قاراجات جۇمسالدى. دەگەنمەن ول اقتالدى دەۋگە بولادى. ۇكىمەت تاراپىنان كينونى, سەريالدى قولداۋدى قۇپتايمىن. ويتكەنى, كەشە كورەياعا بارعانىمىزدا ارىپتەستەرمەن سويلەسكەندە كورەي مەملەكەتى جەكە كومپانيالارعا سەريال جانە كينو ءتۇسىرۋ جاعىنان كومەكتەسەتىنىن ايتتى. ونىڭ جەتىستىگىن ءبارىڭىز بىلەسىزدەر. قازىرگى كەزدە جەكە كومپانيالاردىڭ كينولارى سۇرانىستا»,- دەدى نۇرلان قويانباەۆ.
ەسكە سالساق, بۇگىن ەلوردادا ءۇش كۇنگە سوزىلاتىن ءداستۇرلى Astana Media Week ءوتىپ جاتىر. شارانىڭ ءبىرىنشى كۇنى سەريالدىق ونىمدەردى شىعارۋعا, كينو پروكاتىنىڭ شارتتارى, مازمۇنى, فيلم ءونىمىنىڭ شىعارماشىلىق دەڭگەيى مەن ونىڭ دەمەۋشىلەر ءۇشىن تارتىمدىلىعى تاقىرىبىنا ارنالعان.
