قوعام • 11 قىركۇيەك، 2019

بورىشى كەشىرىلمەگەندەر الەۋمەتتىك جەلىلەر ارقىلى ماسەلەسىن شەشەدى

795 رەتكورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك جەلىلەردە بورىش جۇكتەمەسىن ازايتۋ ماسەلەلەرى بويىنشا اككاۋنتتار اشتى، دەپ حابارلادى مينيسترلىكتىڭ ءباسپاسوز قىزمەتى.

مينيسترلىك ەندى Facebook جانە Instagram الەۋمەتتىك جەلىلەرىندەگى «بارى بورىش جۇكتەمەسىن ازايتۋ تۋرالى» دەگەن پاراقشالار ارقىلى سۇراقتارعا جاۋاپ بەرەدى. بۇل اككاۋنتتار حالىقتان بورىش جۇكتەمەسىن ازايتۋ ماسەلەلەرى بويىنشا وتىنىشتەرىنىڭ كوپ بولۋىنا بايلانىستى اشىلىپ وتىر.

بۇعان دەيىن حابارلانعانداي، بورىش جۇكتەمەسىنىڭ تومەندەۋىنە ۇمىتكەر ازاماتتار ءوز مارتەبەسىن كەلەسىدەي تەكسەرە الاتىنى بەلگىلى:

– ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتىنداعى سىلتەمەگە جسن ەنگىزىپ، سۇراۋ جىبەرۋ ارقىلى;

– ەلەكتروندىق ۇكىمەت پورتالىنىڭ باستى بەتىندە ورنالاسقان «بورىش جۇكتەمەسىن ازايتۋ باعدارلاماسىنا قاتىسۋ ءۇشىن مارتەبەنى تەكسەرۋ» ەلەكتروندىق سەرۆيسىنىڭ كومەگىمەن. ول ءۇشىن ەتسق قاجەت بولادى;

– ەڭبەك جانە حالىقتى الەۋمەتتىك قورعاۋ مينيسترلىگىنىڭ بازاسىندا جۇمىس ىستەيتىن call-ورتالىقتا 111، 74-32-20، 75-01-79، 75-01-78 تەلەفوندارى بويىنشا كونسۋلتاتسيا الۋ;

– حالىققا قىزمەت كورسەتۋ ورتالىعىنا جۇگىنۋ ارقىلى.

بۇگىننەن باستاپ قازاقستاندىقتار مەملەكەت ەسەبىنەن قارىزدار مەن ميكروكرەديتتەر بويىنشا بەرەشەكتى وتەۋ مۇمكىندىگى تۋرالى كەڭەستى وبلىستاردىڭ، نۇر-سۇلتان، الماتى جانە شىمكەنت قالالارىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىنان، «مەملەكەتتىك الەۋمەتتىك ساقتاندىرۋ قورى» اق جانە ونىڭ فيليالدارىنان،  سونداي-اق وبلىستارداعى، نۇر-سۇلتان، الماتى جانە شىمكەنت قالالارىنداعى ەڭبەك، الەۋمەتتىك قورعاۋ جانە كوشى-قون كوميتەتىنىڭ اۋماقتىق دەپارتامەنتتەرىنەن الا الادى.

سوڭعى جاڭالىقتار

ۇقساس جاڭالىقتار