ايماقتار • 11 قىركۇيەك، 2019

اۋىل اجەلەرى – ساحنا تورىندە

33 رەتكورسەتىلدى

قازاق ۇعىمىندا اجە – ونەگە مەن تاربيە مەكتەبى، ۇرپاق تاربيەسىنىڭ اسىل كەنى، حالقىمىزدىڭ ۇلتتىق بولمىسىنىڭ، سالت-ءداستۇر ساباقتاستىعىنىڭ، قازاقى قادىر-قاسيەتى جالعاستىعىنىڭ جاناشىرى.

بۇگىنگى اجەلەر كەلبەتى قانداي؟ ولار ەل الدىنداعى، ۇرپاق الدىنداعى ءوز پارىز­دارىن قالاي اتقارىپ كەلە­دى؟ بۇگىنگى اجەنىڭ ءبارى بىر­دەي سىرماق توقىپ، كۇبى پىس­كەن، كيىز ءۇيدى جاسانتىپ، قۇرت-بالقايماعىن جايناتىپ وتىر دەي المايمىز. ارينە بۇل زامان اعىمىنا ساي ەنگەن وزگەرىستەر. الاي­دا، اجەنىڭ اتى – اجە، ول قانداي وزگەرىس بولسا دا ءوز ورنىن جوعالتپاي، ءوز مىندە­تىن ساقتاپ قالۋى ءتيىس.

وسى ورايدا جاڭاوزەن قالاسىنا قاراستى قىزىل­ساي اۋىلىنداعى ۇزاقباي جىراۋ قازجان ۇلى اتىندا­عى مادەنيەت ۇيىندە «بولا­شاق­قا باعدار: رۋحاني جاڭ­عىرۋ» باعدارلاماسى اياسىندا اجەلەر بايقاۋى ۇيىم­داستىرىلدى. شارانىڭ ماقساتى جاس ۇرپاققا حال­قى­مىزدىڭ ۇمىتىلىپ بارا جاتقان سالت-ءداستۇرى مەن ادەت-عۇرىپ تۇرلەرىنىڭ تار­بيە­لىك ءمانىن ءتۇسىندىرۋ. باي­قاۋعا تەڭگە، بوستان جانە قىزىلساي اۋىلدارىنان ەلۋ جاس­تان اسقان ون ەكى اجە قاتىسىپ، ءوز ونەرلەرى مەن ومىرلىك تاجىريبەلەرىن ور­تاعا سالدى.

– بايقاۋ ءتورت بولىمنەن تۇردى. «مەن اجەمىن ۇرپا­عىم­دى الپەشتەگەن» اتتى ءبىرىنشى بولىمدە سايىسكەر ءوزىن تانىستىرسا، ەكىنشى بولىم­دە ولار ۇرشىق يىرۋ­دەن سايىسقا ءتۇستى. ءۇشىنشى «ونەر سايىسىندا» ءار اجە ءبىر نەمەرەسىمەن ءان، بي، كۇي، كوركەم ءسوز وقۋ سىندى ونەر­­لەرىن ورتاعا سالدى. ال «جان­كۇيەرلەر سايىسى» دەپ اتالاتىن سوڭعى بولىمدە ءار اجە­نىڭ جانكۇيەرلەرىنەن ءبىر ادامنان ورتاعا شىعىپ، قويىلاتىن سۇراقتارعا جا­ۋاپ بەردى. سۇراقتار ەسكى سالت-ءداستۇر، ادەت-عۇرىپتار­دان قو­يىلدى، دەيدى شارانى ۇيىم­داستىرۋشى جاڭا­وزەن قالالىق مادەنيەت جانە تىلدەردى دامىتۋ ءبولىمى باسشىسى ۇلبازار ورىنباەۆا.

قىزىلساي اۋىلىنىڭ قۇر­مەتتى ازاماتى كۇن­با­لا يساەۆا مەن بوستان اۋى­لىنىڭ تۇرعىنى، بوس­تان مادەنيەت ءۇيىنىڭ زەي­نەت­­كەرى، ءانشى قىر­مىزى قو­­جاحمە­توۆا قا­زىلىق ەت­كەن اجەلەر سايىسى قورى­تىن­دى­سىندا باس جۇلدە بوس­تان اۋى­لىنىڭ تۇرعىنى مەڭ­دىباەۆا ىرىستىعا، قوس ءبى­رىن­­شى ورىن قىزىلسايلىق نەت­­باەۆا ليدا مەن تەڭگەلىك مۇقاشوۆا قۇربانگۇلگە بۇيىر­دى. ال قوس ەكىنشى ورىن­دى قوس قىزىلسايلىق اجە سادۋاقاسوۆا التىن مەن يسي­نا مارياش يەلەن­سە، ءۇشىن­شى ورىندى دا قىزىل­ساي اۋىلىنىڭ تۇر­عىنى يليا­­سوۆا امانقوس ەنشىلەدى. «مە­يى­رىمدى اجە» جۇلدەسى ادىل­باەۆا سۇ­لۋ­شاش اجەگە بەرىلدى. قاتى­سۋشىلاردىڭ بار­لىعى ديپلومدارمەن جانە اقشا­لاي جۇل­دەلەرمەن مارا­پاتتالدى.

اجەلەر سايىسى – اجە­لەر­دىڭ ءوز ورنىن تانىپ، ءوز ات­تارىنا لايىق بولۋعا شاقى­راتىن شارا. ءار اجە ءوز بيىگىن قالىپتاستىرىپ، سايىستان ورىن الۋعا ۇمتىلۋ ارقىلى اجە دەگەن اتاۋعا ساي بولۋعا تىرىساتىنى انىق.

 

ماڭعىستاۋ وبلىسى

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار