اباي اقىن كابينەتىن اشۋ قۇرمەتى ابايتانۋشى, ساۋلەتشى, «اباي الەمىنە ساياحات» كلۋبى يدەياسىنىڭ اۆتورى سايىن نازاربەك پەن «اباي وقۋلارى» رەسپۋبليكالىق بايقاۋىنىڭ جۇلدەگەرى 10 سىنىپ وقۋشىسى بەكزات مۇستافاعا بەرىلدى.
ەندى جاس زياتكەرلەر اتالعان كابينەتتەردە قازاق ادەبيەتىنىڭ قايماقتارىنىڭ شىعارمالارىمەن ەتەنە جاقىن تانىسا الادى.
كابينەتتەردەگى كىتاپ قورىن جاساقتاۋعا وقۋشىلار مەن اتا-انالار ەرەكشە ۇلەس قوسقاندىعىن ايتا كەتكەن ءجون. «DARA» وقىرماندار كلۋبىنىڭ ۇيىمداستىرۋىمەن «Bookcrossing» جوباسىنىڭ نەگىزىندە زياتكەرلىك مەكتەپتىڭ وقۋشىلارى 300-گە جۋىق اباي مەن ءابىش شىعارمالارىن جيناقتاپ, قازاق ءتىلى مەن ادەبيەتى ادىستەمەلىك بىرلەستىگىنە سىيعا تارتتى. كىتاپتار اۋديتوريالارداعى سورەلەردەن ورىن تاپتى.
ماڭعىستاۋ وبلىسى
