جاڭا وقۋ جىلىنىڭ باسىندا «مەكتەپكە جول» اكتسياسى وتكىزىلۋدە. بۇل رەتتە «باتىس» وڭىرلىك قولباسشىلىعىنىڭ اسكەري قىزمەتشىلەرى دە تىس قالماي, 60-قا جۋىق وقۋشىلاردى كوپتەن كۇتكەن وقۋ جىلىنا دايىنداۋعا ات سالىستى. باسشىلىقتىڭ شەشىمىمەن بۇل اكتسيا قىركۇيەك ايىنىڭ سوڭىنا دەيىن جالعاساتىن بولادى.
«مەكتەپكە جول» اكتسياسىنىڭ بارىسىندا ارنايى فورما مەن سپورت فورماسى, سومكەلەر جانە كانتسەلياريالىق قۇرالدار ساتىلىپ الىندى. اسكەري بولىمدەردەگى تاربيەشى وفيتسەرلەر مەن اسكەري قىزمەتشىلەردىڭ وتباسىلارىمەن جۇمىس جاساۋ قىزمەتىنىڭ باستاماسىمەن كوپ بالالى جانە ءتۇرلى سەبەپتەرمەن قيىن ومىرلىك جاعدايداعى وتباسىلارعا كومەك كورسەتىلدى. بۇل اكتسيا اقتاۋ, اتىراۋ جانە اقتوبە گارنيزونىندا جىل سايىن وتكىزىلىپ كەلەدى.
اسكەري قىزمەتشىلەردىڭ وتباسىمەن جۇمىستى ۇيىمداستىرۋ قىزمەتىنىڭ جەتەكشىسى ەلۆيرا اكىنباەۆانىڭ ايتۋىنشا, اكتسيانىڭ باستى ماقساتى – كوپ بالالى اسكەري قىزمەتشىلەردىڭ وتباسىلارى, تولىق ەمەس وتباسىنداعى بالالار جانە جەتىم بالالار ءاردايىم اسكەريلەردىڭ نازارىندا.
- ايدىن سوڭىنا دەيىن تاعى دا 10 شاقتى وتباسىعا جاردەم بەرەمىز دەپ ۇمىتتەنىپ وتىرمىز, دەدى ول.
قازاقستاندىق ارميانىӊ اسكەري قىزمەتشىلەرى ۇدايى نەگىزدە مۇقتاج قازاقستاندىقتارعا قولۇشىن سوزىپ جۇرگەنىن اتاپ وتەيىك. ەلىمىزدىӊ ءار اسكەري ءبولىمى بويىنشا اسكەريلەر شەفتىك كومەك كورسەتىپ جۇرگەن ۇلى وتان سوعىسىنىӊ ارداگەرلەرى مەن بالالار ءۇيىنىӊ تاربيەلەنۋشىلەرى بەكىتىلگەن.
ماڭعىستاۋ وبلىسى
