ء«ماجىلىس ن. نازارباەۆتىڭ ەۋرازيالىق يدەياسىنا 25 جىل تولۋىنا وراي ەۋرازيا مەن ازيا ەلدەرى پارلامەنتتەرى سپيكەرلەرىنىڭ IV كەڭەسىن وتكىزۋگە دايىندالۋدا. بۇگىندە 60-تان استام ەلدىڭ پارلامەنتتىك دەلەگاتسيالارى مەن 16 حالىقارالىق ۇيىم وكىلدەرى اۋقىمدى حالىقارالىق جيىنعا قاتىساتىندارىن راستادى», دەپ جازدى نۇرلان نىعماتۋلين ءوزىنىڭ Twitter-دەگى پاراقشاسىندا.
«ۇلكەن ەۋرازيا: ديالوگ. سەنىم. ارىپتەستىك» اتتى حالىقارالىق جيىن 2019 جىلعى 23-24 قىركۇيەكتە نۇر-سۇلتان قالاسىندا وتەدى.
وزدەرىنىڭ قاتىسۋىن راستاعانداردىڭ قاتارىندا ەۋروپا, اۋستريا, بولگاريا, ماجارستان, گەرمانيا, يتاليا, سلوۆاكيا, سلوۆەنيا, پولشا, فرانتسيا, حورۆاتيا, چەرنوگوريا سىندى مەملەكەتتەر بار. ازيا مەملەكەتتەرى قاتارىندا - اۋعانستان, ۆەتنام, ءۇندى, يوردانيا, يران, كاتار, قىتاي, كۋۆەيت, مالايزيا, ءباا, ساۋد ارابياسى, تۇركيا, وڭتۇستىك كورەيا, جاپونيا ەلدەرى بار. تمد قاتىسۋشىلارىنان ازەربايجان, ارمەنيا, بەلارۋس, قىرعىزستان, مولدوۆا, رەسەي, تاجىكستان, وزبەكستان دەلەگاتسيالارى بار.
فورۋمعا ەقىۇ جانە ۇقشۇ پارلامەنتتىك اسسامبلەيالارى پارلامەنتارالىق وداق, ازيا پارلامەنتتىك وداعى, اوسشك, يىۇ باسقا دا بىرقاتار ۇيىمدار قامتىلعان. ەلىمىزدە العاش رەت وتكەلى تۇرعان فورۋمنىڭ ماقساتى – ەۋرازيالىق مەملەكەتتەردىڭ زاڭنامالىق ورگاندارى باسشىلارىمەن جان-جاقتى ديالوگ ورناتىپ, پارلامەنتارالىق ىنتىماقتاستىقتى ودان ءارى كەڭەيتۋ.
