− ءار قوعامنىڭ, ءار حالىقتىڭ الدىنا وسىنداي تاريحي كەزەڭدەر كەلەدى. مۇنداي جيىن كۇندە بولمايدى. وسىنداي تاريحي مۇمكىندىك بۇگىن بىزگە تۋىپ تۇر. سەبەبى بايقاساڭىز, ءسوزدىڭ باعىتى باسقاشا: ماقتاۋ دا, ماداقتاۋ دا جوق. تەك شارۋا ماسەلەلەرى تالقىلانىپ جاتىر. سودان كەيىن پرەزيدەنتتىڭ ءوزى وزگەرىستەردى قوزعاپ وتىر. مەنىڭ ويىمشا, وسى مۇمكىندىكتى قۇر جىبەرمەۋىمىز كەرەك. قازىر ەلىمىزدە تالانتتار قايناپ جاتىر. ءار سالادا جولدارى اشىلماي جۇرگەندەر بار. سولاردى ىسكە جۇمىلدىرا بىلسەك, كەرەمەت وزگەرىستەر بولادى. بۇگىنگى ۇسىنىستار بويىنشا ناتيجە بولادى. بىراق مەنىڭشە, اسىعۋعا بولمايدى. بۇل ءبىر كۇندە نەمەسە ءبىر تۇندە وزگەرەتىن نارسە ەمەس. قانشا جىل بويى جينالعان پروبلەمالاردى تەز شەشۋ مۇمكىن ەمەس. دەگەنمەن, ساتىلاپ, بايىپتاپ, ماسەلەلەردىڭ ءبارىن شەشۋگە بولادى. كەيبىر ازاماتتارىمىز پەيىشتى ءبىر كۇندە ورناتپاق. ول بولمايدى. دايىندىق كەرەك, - دەدى س.قۇتتىقادام.
