– ۇلتتىق قوعامدىق سەنىم كەڭەسىنىڭ بارلىق مۇشەلەرى بۇل جيىن قالاي وتەر ەكەن دەپ ازداپ قوبالجىعان ەدىك. بۇل جاڭا ورگان بولعاندىقتان رەگلامەنتى – ءبىر-بىرىمىزبەن قالاي ۋاعدالاساتىندىعىمىز وتە ماڭىزدى بولدى. ويتكەنى كەڭەسكە 40-تان استام ادام قاتىستى. شىندىعىنا كەلگەندە, ساراپشىلاردىڭ دەڭگەيى وتە جوعارى. ارقايسىسىنىڭ ارتىندا ۇلكەن ۇجىم نە بولماسا ۇلكەن تاجىريبە تۇر. سوندىقتان بارلىعىمەن ءبىر ۋاعدالاستىققا كەلۋ وتە قيىن. بارلىق قاتىسۋشىلار ءوز توپتارىندا وتە ناقتى بايانداما ازىرلەگەن ەكەن. ءوزىم قاتىساتىن ەكونوميكالىق ماسەلەلەر جونىندەگى توپقا قاتىستى ايتار بولسام, ءبىز ەكى بايانداما جاسادىق جانە ناقتى پىكىرىمىزدى بىلدىردىك. بۇعان قوسا, ءسوز سويلەۋشىلەردىڭ بارىنشا اشىق بولعانى ۇنادى. بۇگىنگى وتىرىس بارىسىندا ايتىلعان ەسكەرتپەلەردى قاتىسۋشىلار, ەڭ الدىمەن پرەزيدەنت اكىمشىلىگى قاپەرگە الارىنا ءۇمىت ارتامىن, دەدى ا. بايتاسوۆ
