اقتوبە گارنيزونىندا مەملەكەتتىك شەكاراعا قول سۇعىلماۋىن, ونىڭ اۋماقتىق تۇتاستىعى مەن ەگەمەندىگىن قورعايتىن, ۇدايى جاۋىنگەرلىك ازىرلىكتى ۇستاپ تۇراتىن, مەملەكەتتىك مەكەمە نىساندارىنىڭ كۇزەتىلۋى مەن قورعالۋىن قامتاماسىز ەتەتىن موتواتقىش, ارتيللەريا جانە بارلاۋشى شتۋرمالىق بولىمشەلەر بار.
ودان باسقا گارنيزونىندا اۋە قورعانىسى كۇشتەرىنىڭ اسكەري ينستيتۋتى جانە قازاقستان رەسپۋبليكاسى قورعانىس مينيسترلىگىنىڭ اسكەري-تەحنيكالىق مەكتەبى بار. قورعانىس ۆەدومستۆو باسشىسى وقۋ-ماتەريالدىق بازانىڭ, قارۋ-جاراق پەن اسكەري تەحنيكانىڭ ساقتالۋ جاعدايىن تەكسەردى.
ودان باسقا, قورعانىس ءمينيسترى اقتوبە قالاسىنداعى اسكەري گوسپيتالگە بارىپ, ءموبيلدى مەديتسينالىق كەشەن, قابىلداۋ جانە حيرۋرگيالىق بولىمشەنى ارالاپ شىقتى. اقتوبە ق. اسكەري گوسپيتال ەمدەۋ بولىمشەلەرى, دياگنوستيكالىق, قامتاماسىز ەتۋ بولىمشەلەرى جانە گوسپيتال اكىمشىلىگى ورنالاسقان. ودان باسقا, ءوزىنىڭ زەرتحاناسى, ءتىس ەمدەۋ ءبولىمى مەن ءدارىحاناسى بار. ونىڭ قىزمەتىنە اقتوبە, باتىس قازاقستان, اتىراۋ جانە ماڭعىستاۋ وبلىستارىندا ورنالاسقان گارنيزونداردىڭ اسكەري قىزمەتشىلەرى قارايدى. 2019 جىلى مەكەمەدە ەمدەلگەن اسكەري قىزمەتشىلەردىڭ 100%-ى ءوز قىزمەتتەرىنە ورالعان.
اسكەري گارنيزوندا كۇردەلى جول جانە قولايسىز اۋا رايى جاعدايىنا ارنالعان جۇمىس ىستەۋ ءموبيلدى مەديتسينالىق كەشەن بار. وعان ءموبيلدى وپەراتسيالى-رەانيماتسيالىق كەشەن, ءموبيلدى رەنتگەن كەشەنى جانە گوسپيتالدى بولىمشەلەر كىرەدى. ول جوعارى ءوتىمدى جۇك ءاۆتوموبيلى بازاسىندا ورنالاسقان جانە دالالىق جاعدايدا ەكى ساعات كولەمىندە اينالا الادى. بۇل توتەنشە جاعدايلاردا, ەكولوگيالىق اپاتتار مەن اسكەري قاقتىعىستاردا زارداپ شەككەندەرگە مەديتسينالىق كومەك كورسەتۋگە مۇمكىندىك بەرەدى.
ساپار قورىتىندىسى بويىنشا نۇرلان ەرمەكباەۆ باسىمدىق مىندەتتەردى بەلگىلەدى جانە ءارى قارايعى جۇمىس بويىنشا بىرقاتار ناقتى تاپسىرمالار بەردى.
