جيىندا بايانداما جاساعان تاراز قالاسى اكىمىنىڭ ورىنباسارى كەنجەبەك ولجاباي «قازاقستان رەسپۋبليكاسىنىڭ پرەزيدەنتى حالىققا ارناعان جولداۋىندا ەل دامۋىنىڭ ساپالى جاڭا دەڭگەيىنە شىعۋى ءۇشىن اتقارىلۋى ءتيىس جۇمىستاردىڭ باسىم باعىتتارىن بەلگىلەپ بەردى», دەي كەلە مەملەكەت باسشىسى جولداۋىنىڭ ماڭىزدىلىعىنا توقتالدى. «تاراز قالاسى بويىنشا 2019 جىلدىڭ تامىزىنا ينفلياتسيا دەڭگەيى 102,6 پايىزدى قۇرادى. ناتيجەسىندە, 23 ازىق-ت ۇلىك تاۋاردىڭ باعاسى تومەندەۋى بايقالسا, 4 ءتۇرى بويىنشا باعالارى وسكەن. وسىعان بايلانىستى, بولشەك ساۋدا وبەكتىلەرىندە ۇستەمە باعالاردى 15 پايىزدان اسىرماۋ, وتاندىق ءونىم ۇلەسىن 30 پايىزدان تومەندەتپەۋ جانە ولارعا رۇقسات ەتىلگەن شەكتى باعالاردى زاڭعا سايكەس بەلگىلەۋ شارالارى باقىلاۋعا الىنادى», دەدى ول.
«وسى جىلى جالپى قۇنى 4,0 ميلليارد تەڭگەنى قۇرايتىن 2 ينۆەستيتسيالىق جوبانىڭ ىسكە اسىرىلۋى جوسپارلانۋدا. وندا 447 جاڭا جۇمىس ورىنى اشىلادى دەپ كۇتىلۋدە. تاراز قالاسىنىڭ اۋماعىندا رەسپۋبليكالىق ماڭىزى بار يندۋستريالىق ايماق قۇرۋ جۇمىستارى جوسپارلانىپ وتىر. يندۋستريالىق ايماققا 100 گەكتار جەر ۋچاسكەسى بولىنگەن. ەندىگى كەزەكتە ينفراقۇرىلىم جۇرگىزۋ ءۇشىن قالالىق كاسىپكەرلىك, ونەركاسىپ جانە تۋريزم ءبولىمى ەنەرگەتيكا جانە كاسىپكەرلىك باسقارمالارىمەن بىرلەسە وتىرىپ, جوبالاۋ جۇمىستارىن جەدەلدەتۋ قاجەت. بۇگىنگى كۇنگە تىركەۋگە الىنعان شاعىن جانە ورتا كاسىپكەرلىك سۋبەكتىلەرىنىڭ ىشىندەگى جۇمىس جاسايتىندارىنىڭ سانى 27 672 بىرلىكتى قۇراپ, ۇلەسى 76,9 پايىزعا جەتتى. ول, وتكەن جىلدىڭ وسى كەزەڭىنە 6,3 پايىزعا ارتىپ وتىر.
«بيزنەستىڭ جول كارتاسى – 2020» باعدارلاماسى اياسىندا اعىمداعى جىلدىڭ 8 ايىندا 1,2 ميلليارد تەڭگەگە 15 جاڭا جوبا قولداۋ الدى. «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ» جاپپاي كاسىپكەرلىكتى دامىتۋ 2-ءشى باعىتى اياسىندا 240,8, ميلليون تەڭگەگە 19 جوبا نەسيەلەندىرىلىپ, 8 جوبانىڭ نەسيەسى 65,4 ميلليون تەڭگەگە كەپىلدەندىرىلدى», دەدى قالا اكىمىنىڭ ورىنباسارى. سونىمەن قاتار, كەنجەبەك ولجاباي پرەزيدەنت جولداۋىندا ايتىلعان بارلىق ماسەلەگە دە ارنايى توقتالىپ, بۇل رەتتە ءتيىستى جۇمىستار اتقارىلىپ جاتقانىن جەتكىزدى.
جيىندا تاراز مەملەكەتتىك پەداگوگيكالىق ۋنيۆەرسيتەتىنىڭ رەكتورى, وبلىستىق اقپاراتتىق توپتىڭ مۇشەسى ەرجان امىربەك ۇلى, «دامۋ» كاسىپكەرلىكتى دامىتۋ قورى جامبىل وبلىستىق فيليالىنىڭ ديرەكتورى باقىتجان يساقوۆ, «Nur Otan» پارتياسى تاراز قالالىق فيليالى توراعاسىنىڭ ءبىرىنشى ورىنباسارى ءجانادىل وسپانوۆ, «بىرىڭعاي جيناقتاۋشى زەينەتاقى قورى» اكتسيونەرلىك قوعامى جامبىل وبلىستىق فيليالىنىڭ ديرەكتورى ءابدىمانات ەسپاەۆ, «وسۆوبوجدەنيە يۋگ» قوعامدىق بىرلەستىگىنىڭ توراعاسى داۋرەن باعجانوۆ جانە تاراز قالالىق ورتالىقتاندىرىلعان كوپشىلىك كىتاپحانالار جۇيەسىنىڭ ديرەكتورى روزا الىبەكوۆالار ءوز سالالارى بويىنشا ءسوز الىپ, جولداۋدا ايتىلعان ماسەلەلەردىڭ ماڭىزدىلىعىنا توقتالدى. بۇدان كەيىن وبلىس اكىمىنىڭ ءبىرىنشى ورىنباسارى بەكبولات ورىنبەكوۆ مەملەكەت باسشىسى بەرگەن تاپسىرمالاردى مەرزىمىندە ورىنداۋ مىندەت ەكەنىن, بارلىق ازاماتتار بار-كۇش جىگەرىن پرەزيدەنت جولداۋىندا بەلگىلەگەن مىندەتتەردى ىسكە اسىرۋعا جۇمساۋ كەرەكتىگىن ايتا كەلىپ, جيىندى قورىتىندىلادى.
جامبىل وبلىسى
