قوعام • 05 قىركۇيەك، 2019

ارىس قالاسىنداعى جىلىتۋ كاسىپورىندارى جىلۋ ماۋسىمىنا ءازىر — ەم

36 رەتكورسەتىلدى

الداعى كۇزگى-قىسقى كەزەڭگە وتىن قورى وتكەن جىلمەن سالىستىرعاندا 21%-عا ارتىق ەكەنىن ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ جانە باقىلاۋ كوميتەتى توراعاسى سەرىك سۇلەيمەنوۆ ايتتى. بۇل تۋرالى primeminister.kz حابارلادى.  

«جالپى، ەنەرگيا كوزدەرىنىڭ قويمالارىندا قازىرگى تاڭدا 3،7 ملن توننا كومىر قورى جيناقتالعان. بۇل كومىر قورى وتكەن جىلمەن سالىستىرعاندا 21%-عا ارتىق. 103 مىڭ توننا مازۋت قورى بار، بۇل وتكەن جىلمەن سالىستىرعاندا 24%-عا ارتىق. بۇگىنگى كۇنگى جيناقتالعان وتىن قورى جىلۋ كەزەڭىن باستاۋ ءۇشىن جەتكىلىكتى»، — دەدى س. سۇلەيمەنوۆ.

ونىڭ ايتۋىنشا، ەنەرگەتيكالىق كاسىپورىندار وتىندى كەلىسىمشارت بويىنشا بەكىتىلگەن كەستەگە سايكەس ساتىپ الادى. 

سونىمەن قاتار س. سۇلەيمەنوۆ توتەنشە جاعداي سالدارىنان ادامداردىڭ ەلەكتر توگىنان زارداپ شەگۋ قاۋپىن بولدىرماۋ جانە ءورتتىڭ شىعۋىنىڭ الدىن الۋ ماقساتىندا ارىس قالاسىنىڭ جارىق تاراتۋ جەلىلەرى باستى شاعىن ستانتسيادان كەسىلگەنىن ايتتى. ارىس قالاسىنا قىزمەتكەرلەر كىرگىزىلگەن سوڭ اپات سالدارىن قالپىنا كەلتىرۋ جۇمىستارى جۇرگىزىلدى. بيىل 26 ماۋسىمدا قالانى جارىقتاندىرۋ تولىق قالپىنا كەلتىرىلدى. 

«28 ماۋسىمدا ارىس قالاسىن جانە ارىس اۋدانىن ەلەكترمەن جابدىقتاۋدىڭ تاراتىلۋىن قالپىنا كەلتىرۋ بويىنشا جوندەۋ جۇمىستارى اياقتالدى، قازىر ارىس قالاسىنداعى ەنەرگيا نىساندارى جىلۋ ماۋسىمىنا ءازىر»، — دەپ سەندىردى ول. 

قالاداعى جىلۋمەن قامتۋ تەحنولوگيالىق جەلىسىندە زاقىمدانۋلار بايقالمادى. بۇگىنگى تاڭدا قازاندىقتاردا وتىننىڭ 75%-ى  دايىندالعان. 

ارىس قالاسى بويىنشا تۇتىنۋشىلار سانى 9 765 ابونەنت، ونىڭ ىشىندە 92 الەۋمەتتىك نىسان بار: مەكتەپتەر سانى — 28، اۋرۋحانالار — 20، بالاباقشالار — 28، مەشىتتەر — 10، اكىمشىلىك عيماراتتار — 6. 

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار