ۇلان قالمۇحان ۇلى تاجىباەۆ 1977 جىلدىڭ 14 شىلدەسىندە وڭتۇستىك قازاقستان وبلىسىندا دۇنيەگە كەلگەن. ءبىلىمى - جوعارى. 2000 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىنىڭ «حالىقارالىق قۇقىق», 2007 جىلى «پاراسات» قازاق كوپسالالى ينستيتۋتىنىڭ «ەكونوميكا», مادريد قالاسىنداعى «Instituto de Empresa» حالىقارالىق بيزنەس-مەكتەبىنىڭ «Executive MBA» (بيزنەس كاسىبيدى وقىتۋ باعدارلاماسى) ماماندىقتارى بويىنشا ءبىتىرىپ شىققان.
ەڭبەك جولىن 1996 جىلى استانا قالاسىندا «ەلمورا» جشس-ءنىڭ زاڭ كەڭەسشىسى بولىپ باستاعان.
2000 جىلداردان باستاپ استانا قالاسىنداعى قازاقستان رەسپۋبليكاسىنىڭ زاڭ ينستيتۋتىنىڭ زاڭگەرىنەن باستاپ, «سامۇرىق قازىنا» اق-نىڭ اپپارات باسشىسى, «سامۇرىق قازىنا» اق-نىڭ ادامي رەسۋرستاردى باسقارۋ باسقارماسىنىڭ باسقارۋشى ديرەكتورى – باسقارما مۇشەسى قىزمەتتەرىن اتقارعان.
2018-2019 جىلدارى «ۇلتتىق اگرارلىق عىلىمي-ءبىلىم بەرۋ ورتالىعى» كوممەرتسيالىق ەمەس اكتسيونەرلىك قوعامىنىڭ باسقارما توراعاسى بولىپ قىزمەت ەتكەن.
2019 جىلدىڭ ناۋرىز ايىنان باستاپ تۇركىستان وبلىسى اكىمىنىڭ كەڭەسشىسى لاۋازىمىن اتقارىپ كەلگەن.
2009 جىلى "ەرەن ەڭبەگى ءۇشىن", 2016 جىلى "قۇرمەت" وردەنىمەن ماراپاتتالعان.
ۇ.تاجىباەۆ اۋىل شارۋاشىلىعى, جەر قاتىناستارى, جەردىڭ پايدالانىلۋى مەن قورعالۋىن مەملەكەتتىك باقىلاۋ, جۇمىسپەن قامتۋ جانە حالىقتى الەۋمەتتىك قورعاۋ, ەڭبەك ينسپەكتسياسى, شەكارا جانە شەكارا ماڭى ماسەلەلەرىن شەشۋ, تابيعي رەسۋرستار جانە تابيعات پايدالانۋدى رەتتەۋ سالالارىنا جاۋاپتى بولادى.
