ايماقتار • 27 تامىز، 2019

پاۆلودار وبلىسىندا تاعى 5 باستاۋىش مەكتەپ جابىلدى

75 رەت كورسەتىلدى

وبلىستىق ءبىلىم باسقارماسىنىڭ مالىمەتىنشە، مەكتەپتەردىڭ جابىلۋىنا سەبەپ - شاعىن اۋىلدارداعى تۇرعىندار سانىنىڭ ازايۋىنا بايلانىستى قابىلدانعان شارا. 

جالپى، 3 جىل ىشىندە وقۋشىلار سانى 4-تەن 16-عا دەيىن جەتەتىن 46 مەكتەپ جابىلعان. بۇل جەلەزين اۋدانىنىڭ جاڭابەت، جاڭابىرلىك، سلاۆيان، جولتاپتىق، اباي جانە تەرەڭكول اۋدانىنىڭ بلاگوۆەششەنكا، جاڭاقۇرىلىس، ماي اۋدانىنىڭ اباي جانە تاعى باسقا مەكتەپتەر.

- وڭىردەگى 362 جالپى ءبىلىم بەرەتىن مەكتەپتىڭ 225 شاعىن مەكتەپ، - دەدى مۇعالىمدەردىڭ تامىز كونفەرەنتسياسىندا وبلىس اكىمى بولات باقاۋوۆ.

ال، شاعىن كەشەندى مەكتەپتە ءبىر وقۋشىنى وقىتۋ ءۇشىن جىلىنا مەملەكەت تاراپىنان 3،8 ميلليون تەڭگەگە دەيىن بولىنەدى.

- سوندىقتان، شاعىن اۋىلدارداعى وقۋشىلار سانى از نەگىزگى جانە ورتا مەكتەپتەر جەلىسىن وڭتايلاندىرۋ بويىنشا شارالار قابىلدانۋدا جانە بۇل جۇمىستى ءارى قاراي جالعاستىرۋ قاجەت، - دەدى بولات باقاۋوۆ.

ياعني، ءوڭىردىڭ بيۋدجەت قاراجاتىن ءتيىمسىز پايدالانۋدى جويۋ، مەكتەپ تەڭسىزدىگىن قىسقارتۋ قاجەت. بۇل ماقسات ءۇشىن تىرەك اۋىلدارداعى مەكتەپتەر جۇمىسىن جاقسارتىپ، مەكتەپ جانىنان ينتەرناتتار اشۋ جانە جۇمىس ىستەپ تۇرعاندارىن جاقسارتۋ جونىندە شارالار قابىلداۋدى تاپسىردى.

 

پاۆلودار وبلىسى

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار