وتكەن سەنبىدە ءبورلى اۋدانىنا جۇمىس ساپارىمەن بارعان عالي ەسقاليەۆ قاراشىعاناق پەترولەۋم وپەرەيتينگ ب.ۆ. كومپانياسى باسشىلىعىمەن كەزدەستى. باتىس قازاقستان وبلىسى ەكونوميكاسى ءۇشىن وڭىردەگى ەڭ ءىرى جۇمىس بەرۋشى جانە سالىق تولەۋشى رەتىندە كومپانيانىڭ ورنى وتە ماڭىزدى. كومپانيادا قىزمەت ەتەتىن شەتەلدىك ماماندار دا كوپ. وبلىس اكىمى كادرلاردى وقشاۋلاۋ بويىنشا جۇمىس جۇرگىزىلىپ جاتقانىن ايتتى. عالي ەسقاليەۆتىڭ ايتۋىنشا, قازىرگى تاڭدا وڭىردە ءىىى جانە IV سانات بويىنشا كوپتەگەن شەتەلدىك مامان قىزمەت ەتىپ ءجۇر. «باتىس قازاقتان وبلىسى اكىمدىگى ءىىى سانات بويىنشا شەتەلدىك جۇمىس كۇشىن تارتۋعا كۆوتانى ازايتۋ, سونىمەن قاتار IV ساناتتاعى شەتەلدىك جۇمىس كۇشىن اكەلۋگە تولىق تىيىم سالۋ تۋرالى شەشىم قابىلدادى» دەدى ءوڭىر باسشىسى.
- سىزدەردىڭ مەردىگەر ۇيىمدارىڭىز ەلەكترگازدانەكەرلەۋشى, مونتاجداۋشى, بۇرعىلاۋ جۇمىستارى بويىنشا ينجەنەر جانە باسقا ماماندىقتار بويىنشا ءىىى جانە IV ساناتتاعى جەرگىلىكتى كادرلاردى دايارلاۋى ءتيىس دەپ سانايمىن. وبلىس اۋماعىندا مامانداردى دايارلاۋ بويىنشا ASME العان ترەنينگ-ورتالىقتار بار ەكەندىگىن ەسەپكە الساق, بۇل ءىستى جۇزەگە اسىرۋعا ابدەن بولادى. قاراشىعاناق كەن ورىندارى ءۇشىن كاسىبي قىزمەتكەرلەردى دايارلاۋ ءۇشىن ترەنينگ-ورتالىقتاردى ينۆەستيتسيالاۋ بويىنشا قول ۇشىن سوزۋعا ارقاشان دايىنبىز, - دەپ اتاپ ءوتتى كەزدەسۋ بارىسىندا عالي ەسقاليەۆ.
باتىس قازاقستان
