چەليابى وبلىستىق ءبىلىم مينيسترلىگى مەن قوستاناي وبلىستىق تىلدەردى دامىتۋ باسقارماسى اراسىنداعى كەلىسىم بويىنشا, جىل سايىن وقۋ جىلى الدىندا چەليابى وبلىسىنىڭ قالالارى مەن اۋداندارىنان قوعامدىق نەگىزدە ءتىل ۇيرەتەتىن, قازاق ءتىلىن جاقسى بىلەتىن قانداستارىمىزدى شاقىرىپ, ولارعا ءتىل ۇيرەتۋدىڭ ادىستەمەلەرىن وقىتىپ, سەرتيفيكاتتار تاپسىرىلادى.
بيىلعى سەمينار قازاق ءتىلى ءالىپبيىنىڭ لاتىن گرافيكاسىنا كوشىرىلۋى تۋرالى ءوتتى. ساباقتى قوستاناي, رۋدنىي قالالىق جانە قوستاناي اۋداندىق وقۋ ورتالىقتارىنىڭ ادىسكەرلەرى گۇلنار تالاپوۆا, نازگۇل مىڭباەۆا مەن جاننا جاراسباەۆا جۇرگىزدى. قازىر چەليابى قالاسىندا, اگاپوۆ, ناعايباق, ترويتسك, چەسما, ۆەرحنەۋرالسك اۋداندارىندا قازاق دياسپوراسىنىڭ وكىلدەرىنە قازاق ءتىلى ساباعى جۇرگىزىلەدى.
قوستاناي
